Daniel 8:8 - Wëël Jwøk

⁸ Køøre nywø ateea manøgø dëëre aput døøc mo dwøŋ døc, 'ba kanya bëëde ni teek, tuuŋ mare mana dwøŋ atoor, ni ö kare ni twöe ki tuŋi aŋween mo nëënö jaak, ni wïthge ege løø but piny karge ŋweeri kwör wø kwön jam maalli ki yïthge.

Daniel 8:8 Iomraidhean Croise

2 Luup Nyeye 26:16

'Ba Udhaya kanya nø tëënne, cwïnye ajïtö ka atöör, ni päth yïth raay, ni bääye dëër Wuuö Jwøk, Jwøk mare. Kiper ena døny yi Øt Wuuö Jwøk kuna waaŋ jer wø jïcge ŋwääi ni met bäät gïn wø waaŋ jer wø jïcge ŋwääi ni met bääte.

Acther 9:4

Kiper Mördekay kare atïmö ni dwøŋ po nyeya, ni put dööŋ kar mare wïnyö yïth mïëri bëët, ni ö teeki mare ni cääth nyïme.

Jeremaya 49:36

Aani, a kännö ki jø leny ma dhøgi aŋween mo tuga Ilam, mo ge öö kaamar atuunna, ni ge käla yïth akïï piny karge ŋweeni, ni keetha geni yïth kwörögø bëët. Ni tïme ni bäŋ po wï jur mo jøøa riem wøk ki Ilam ba ci yie.

Jeremaya 5:27

Uudi moge päŋ ki jammi moa jootge ki køør cwøk, kaamar oröögö mo päŋ ki weny. Kiper manøgø nø, gena kwär ni tïm kwörge ni døøŋŋø.

Edhikiel 16:7

Ni puta ïïni piith kaamar jaath mar pwödhö, ni piidhï ni døøŋŋï, ni tïmï niï mïërö døc, ni ö thunhnhï moï ni døøŋge, ni ö jïërri mo nyooth dööŋö marï ni tucge dëërï; 'ba ï poot bëëdö ka dëërï ni bäŋ abïï.

Edhikiel 28:9

?Løny ki man kööï këët, ni «Aana Jwøk», nyïm jiy moo 'näk ïïni? Ïïni, ï tïmö ni ïïna dhaanhø ceŋ jiy moo 'näk ïïni, niï patha Jwøk.

Daniel 11:4

'Ba kanyo thïïŋ dëëre ennø, akwöm nyec mare di petø ni pääŋŋi na kwöre aŋween, no odïëdö ki but piny, ni ba ci jï jø okäl dëëre, ni jø oci teeki jïge, teek marge tïmö ni ba caal teek mana en jïre dïkwøŋ. Kiper akwöm nyec mare cööda wøk ni mëëgi jø møøk ni paa jø okäl dëëre.

Daniel 4:31

'Ba kanya poot nyeya ni luummögø poot ena dhee, dwøl aput öö ki maal ni kööe, ni «Ï na nyeya ma Nabukedenecör, luummi en caan kaperï: Teek nyec marï akäl wøk baŋï,

Daniel 5:20

'Ba kanya tïm cwïnye ni ena maal ka atöör, ni jwïëy moe bëënna koorrø, ni töödö bäät jiy, ena käl wøk ki bäät wäl nyec mare, ni ö ajiemmi mare ni lwøri baŋe.

Daniel 7:2

Eni na Daniel ena köö, ni «Kanya bëëda naa neeta gïïa nyooth jïra ki yi wïïa ki wäär, ajooda ni jam maal kwödö ni cura but piny karge ŋweeri ni ge tuuŋŋa naama dwøŋ.

Daniel 7:6

«Køør manøgø kanya bëëda naa poot rääŋö, aana nëënnö ki cwieny mør mo caala kwac, mo dïŋääe da bwöm aŋween mo caala mo wenyø; cwieny manøgø thuwø jïre da wïdhi aŋween, ni eno mooø ki teek mar käär jiy.

Daniel 8:22

Ni tuŋi moa näk aŋween moa tuy kar tuuŋ mana toor, nyootha akwöp nyec aŋween mo rege pääŋge ka ri wï jur marge, 'ba ge ba teek ni caala akwöm nyec mana dïkwøŋ.

Daniel 8:5

'Ba kanya bëëda naa caara gïr gïnögø, aana nëënnö ki nywø ateea mo käla jï løø kur pänh-cäŋ ni ŋøla bäät piny bäre ni ŋøøm ba gude, na ateea manøgø yïthakic nyeŋŋe da tuuŋ mo nëënö jaak.

Daniel 8:7

Ni jooda gø ni nyiiga buut nywø røømmø ni cwïnye okëënynyö ki gø, ni tuk nywø røømmø ni tëëŋ tuŋi mo gø wøk moa näk ariiø, 'ba nywø røømmø bäŋ teek jïre ki man cuŋŋe ki gø. Kanyøgø ena put ateea gøø piny ni nyør gø, ni bäŋ ŋat mo oløny jïre ki man piem nywø røømmø cer teek mar gø.

Mathiew 24:31

Ni jääŋ nyïïatwiet maal moe ni da tuuŋ mo dwøre dwøŋ mo di koodhø, ni cooŋge jiye moa näk ee jierø, ni kälge ka wïth tuk piny karge ŋweeni, ni beeye bäät piny bäre.

Maak 13:27

'Ba kanyøgønø, nyïïatwiet maal ojääŋŋe, ni cooŋ jiye moa näk ee jierø ni käle ka wïth tuk piny karge ŋweeni, ni ge cuuŋe ka yi piny bäre këël yi maalø bäre.

Tiet Ciik 31:20

Kiper kanyo kïtha geni yi ŋöömma näk caak ki maar kïc päl yie, ni beeye ŋöömma kööŋa kipere jï kwäcge, kanyo camge ni jäŋge ni tïmge ni geno kwär ki jammi, kar kaaca ge tïmö ni ge caatha køør juu møøk, ni tïnyge geni, ni wecge aani, ni kwierge luumma tuuda ki geni.

Mana Nyooth 7:1

Køør manøgøøni, nyïïatwiet maal aŋween ajooda ni ge cuŋŋa yïth tuk piny karge ŋweeni, ni kwör wø kwön jame ki yïthge karge ŋweeni ege mänö nee bäŋe jamø mo kwön bäät piny, wala bäät näpa døøŋŋø, wala ri jaathø.