Daniel 8:7 - Wëël Jwøk

⁷ Ni jooda gø ni nyiiga buut nywø røømmø ni cwïnye okëënynyö ki gø, ni tuk nywø røømmø ni tëëŋ tuŋi mo gø wøk moa näk ariiø, 'ba nywø røømmø bäŋ teek jïre ki man cuŋŋe ki gø. Kanyøgø ena put ateea gøø piny ni nyør gø, ni bäŋ ŋat mo oløny jïre ki man piem nywø røømmø cer teek mar gø.

Daniel 8:7 Iomraidhean Croise

Daniel 11:11

'Ba nyeny jï løø Tier-Piny cwïnye jïtö ki wëër mo dwøŋ, ni cøøe ni këëde ki nyeny jï løø Wï-Piny, ŋato cooŋ lwaa leny mo dwøŋ. 'Ba lwaa leny manøgø poot cïba cer ŋata këëtge ki gø.

Daniel 7:12

'Ba cwëënyi møga, teek marge akäl wøk baŋge, 'ba nïr kwøw moge ameet jïge kiper kany mo okwaanø.

Daniel 7:7

«Køør manøgø kanya bëëda ki wäär naa poot raŋŋa gïïa nyooth jïra ki yi wïïa, aana nëënnö ki ŋweer cwëënyi mo cwïny bwøk ki gø, mo di lwäärö, mo teek døc, ni jïre da lak mo døøŋŋø ma nywïëny. Kany wø cäme, cam pete petø ni thenh thenh ni løøny geni, ni nyør moa dööŋ ki tiete. Eni ba caal cwëënyi moa dïkwøŋ bëët, ni eni jïre da tuŋi apaar.

Daniel 8:10

Ena døøŋŋø këël mana put këët ri lwaa gïïa en maal, ni ö lwaa gïïa en maalli møøk ki ceer møøk ni leeŋ ge piny ni nyør ge.

Daniel 8:6

Ni ööe ni cääth baŋ nywø røømmø mana näk jïre da tuŋi ariiø na jooda ni cuŋŋö deŋ naam, ni läät baŋ gø ki wëër mo teek.

Daniel 8:8

Køøre nywø ateea manøgø dëëre aput døøc mo dwøŋ døc, 'ba kanya bëëde ni teek, tuuŋ mare mana dwøŋ atoor, ni ö kare ni twöe ki tuŋi aŋween mo nëënö jaak, ni wïthge ege løø but piny karge ŋweeri kwör wø kwön jam maalli ki yïthge.

Ciik Kiper Dïlämme 26:37

Geni, dëëtge dhïrge dhïrö ki dëëtge keerge, keda ge ŋwieya leny, këël na bëëde ni bäŋ ŋat mo ŋwieya køørge. Uuni, u bëëdö ni bäŋ teek jïïu ki man cuŋŋu nyïm nyïïmännu.

Jøcua 8:20

'Ba kanya ö jø Gaay na lwïthge ŋäthge, pääny aputge joot ni waaŋ ni jïrö onitul, ni put nyeŋge tïmö ni rïïŋö ni bäŋ kany reŋge yie, kiper jø Icriel, na køørge ŋwiecge dï paap, nyïmge aluuge nee këëtge ki geni.