Daniel 8:17 - Wëël Jwøk

¹⁷ 'Ba kanya pïïe buut kanya cuŋŋa yie, aana lwäyö ni pädha ki täärnyïma. Ni kööe jïra, ni «Wär dhaanhø, wär ŋäyï ki man näk mo gïna nyooth cäänö kaper kanyo ŋuut pinynyi yie.»

Daniel 8:17 Iomraidhean Croise

Wïlöölö 17:3

Køøre Abram dëëre aleeŋ piny, ni cään Jwøki ki gø ni kööe,

Edhikiel 1:28

'Ba tar mana no orieny deŋŋe, nëëni kaamar daanø kany wø cööde maal ri køth. Ni manøgø beeye bëëtö mar ajiem mar Wuuö Jwøk. 'Ba kanya jooda gø, aana pädhö ki bäp yia, ni puta dwøl wïnynyö ni cäänö.

Edhikiel 2:1

Kanyøgø ena köö jïra, ni «Wär dhaanhø, cuŋŋï ki tietï niï cäänna!»

Edhikiel 44:4

Køøre ŋatøgø aana käle ki dhi kal mana en jï løø wï-piny, ni kïth aani nyïm Øt Jwøk. 'Ba na lwïtha, ajiem Wuuö Jwøk aputa joot ni Øt Wuuö Jwøk ee pääŋö, ni puta dëëra leeŋ piny ni pädha ki bäp yia.

Edhikiel 6:2

ni «Wär dhaanhø, løø nyïmï baŋ kïte mo Icriel, ni cäännï geni,

Daniel 10:11

Ni kööe jïra, ni «Wui Daniel, ï na näk dhaanhø mo owøørø døc, kwany tier luubö man døøc mano caana jïrï, ni cuŋŋï niï tiir, kiper ennø aani, a jääŋŋa baŋï.» 'Ba kanya nø caan luummögø jïra, aana put ö maal ni dëëra miel.

Daniel 10:16

Køøre ŋat mo nëëni kaamar dhaanhø dhaa agude, ni puta dhaa jap ni cäänna ni kööa jïre, eni na cuŋŋö nyïma, ni «Wui kwääya, ki køør gïna nyooth manøgø, lwär mo dwøŋ aö bääta, ni bäŋe teek mo odööŋ dëëra.

Daniel 11:27

'Ba nyeye moø na ariiø yøø, cwïnyge oløøge baŋ gïn mo raac, ni pïge piny kar acooŋa, ni ö ŋati man nø ni cään watge ki tööt. 'Ba bäŋ gïn mo thur kare. Kiper aŋuunne poot öö kanya no owäŋŋö.

Daniel 11:40

«'Ba noo tïme na aŋuun nïne, nyeny jï løø Tier-Piny cwïny nyeny jï løø Wï-Piny di cwøbø. Køøre nyeny jï løø Wï-Piny jïëth leny mo wø tut okwëënyi, ki jø wø këëdi ki bäät okwëënyi, ki baabuure mo thööth mo leny, di kälö kaamar atuunna, ni tuk mïëri, ni baap geni kaamar jwïëö.

Daniel 12:13

«'Ba ïïni, cäädhï ki jöörï këël aŋuunne. Køøre ï cøøa kar jwöm mar thøø. 'Ba noo tïme na aŋuun piny, ï tïŋa maal ni jootï kurï mano mëëk ïïni.»

Daniel 12:4

'Ba ï na Daniel en, cïëk luup moa en yi wëëlö ni mwönï gø, këël kanyo tïme na aŋuun nïne. Jiy mo thööth oreŋ kun ki kun ni ge meeta kwänynyö.»

Daniel 2:46

Kanyøgø nyeya ma Nabukedenecör cøŋŋe aput këël piny ni kuul wïïe piny nyïm Daniel ni wøøra gø. Ni cïpe ki dwøl nee cïpö ki muuy ki gïn wø jïye ŋwääi ni met jï Daniel.

Daniel 7:16

Ni nyiiga buut dhaanhø aciel røk jiy mo cuŋŋö kaace, ni pëënynya eni ki tiet gïïögø bëët moa näk karge. Kanyøgø acaane jïra ni nyooth tier gïna cään gïïögø kiperge.

Daniel 8:15

'Ba a na Daniel, kanya bëëda naa raŋŋa gïna nyooth, naa manynya gø nee tiere kwanya, ajooda ni da ŋat mo cuŋŋö nyïma mo caala dhaanhø.

Daniel 8:19

Ni kööe, ni «Neenï, aani gïïo tägi ya aŋuudi yïth nïr wëër caana caanø jïrï, kiper gïna nyooth cäänö kaper kanya wäŋŋi na näk aŋuudi.

Daniel 8:27

'Ba a na Daniel, dëëra aput nidhooth piny, ni bëëda naa tuu ki nïne møøk. Køøre aana cäŋ ö maal ni døøa baŋ tïï nyeya, 'ba aani a bëëdö ni yia othäŋŋö jaak ki gïna nyooth, kiper tiere kär ci wïïa.

Daniel 9:23

Kanya tägï ki lam ennø, da luubö ma aöö, ni beeye mano caana jïrï en, kiper ïïna mëërö ki gø døc. Kiper manøgønø, caar luubö man ni ŋäyï tier gïna nyooth.

Daniel 9:27

'Ba kwäärö manøgø tudö ki luubö mo teek ma kar cwiiri abïriiø, ni tuude ka jiy mo thööth; 'ba noo tïme na thääŋ cwiiri abïriiø moøgø, eni, jiy di mänö ki man cïpö ko olämme ki muuce mo beel. 'Ba eni na käl ränynyö, gïna näk ec raac ki gø døc ocwöth piny wï Øt Jwøk, këël kanyo tïme na aŋuudi mano kïth ränynyö bääte mana näk oŋølø kipere.»

Abakuk 2:3

Kiper gïno nyooth poot koora kanya wäŋŋi kipere. 'Ba eni laara cwöp øde ni ba kääŋi. Këël doo nëënö no oruu, koor eni, kiper ka adïëri møn, eni öö, ni eni ba ruu.

Mathiew 17:8

'Ba na tïŋge wïthge maal, bäŋ dhaanhø mo ege joodø, 'ba beeye Jecu keere.

Mana Nyooth 1:17

'Ba na jooda gøøni, aana päth tiete kede aano thøw. 'Ba cer cwïïe acïp bääta, ni kööe, ni «Kärï lwäyö. Beeye aani na dïkwøŋ, ni näga aŋuudi.

Mana Nyooth 22:8

Aana Jøøn, ŋata wïny gïïögø ni neen geni. 'Ba na wïnynya ge ni neena geni, aana päth tiet nyïïatwiel maal manøgø, ŋata nyooth ge jïra, nee wøøra.