Daniel 8:13 - Wëël Jwøk

¹³ Køøre aani dwør ŋat mo ena kur keere awïnynya ni cäänö, ni ö ŋat mør mo ena kur keere ni kööe jï mana cäänö, na «?A këël yi wäne no ö gïna nyooth noo thur kare, gïna cäänö kiper olämme mo wø cïp cooth, ki bääyö man wø käl ränynyö, ki cïp kar lam na en kur keere, ki lwaa gïïa en maal ki man nyøri ki tiel?»

Daniel 8:13 Iomraidhean Croise

Aydheea 28:18

'Ba luubö mana tuutu ki thøø nou ba gude oraanynyi, ni ö luubö mana tuutu ki kar bëët jwïëc jøøa no othøw, ni ba thur kare; kany wø ö jwïïö man wø räänyö noo kwön bäätu, uuno raanynye.

Aydheea 6:11

Køøre aana köö, «Wui, Kwäärö Wuuö Jwøk, a këël kany mo nyïëdi noo bëëtge na ennø nø?» Ni løk gø, ni «Këël kanyo raany päänye noo dööŋge ni bäŋ jiy mo bëëdö yïthge, ni bëëdö uudi keerge ni bäŋ jiy, ni dööŋŋa ŋöömö keere;

Aydheea 63:18

Kiper kar bëëtö marï na en kur keere abëëdö ni ena ceŋ jiyï na en kur keere ki kany mo thiinh, 'ba ennø, nyïïmänwa aöö ni raanyge gø, ni nyørge gø ki tietge.

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Jeremaya 12:10

Kwääc tiet mïëri mo thööth paac mara na beer kaamar pwöth omøki oraanyge, ni nyørge gø ki tietge; ŋöömmögø na mara enø, na mëëra ki gø, oraanyge ni tïme kaamar paap.

Daniel 11:31

«Ni ö lwaa leny mana en dëëre ni thïïŋge dëëtge dëër kar lam na näk ogeerø ni teek, ni mänge olämme mo wø cïp cooth. Køøre geni gïna näk ec raac ki gø døc na näk gïr ränynyö, cwöthge piny.

Daniel 12:11

«'Ba ki mano täge ki kanyo män olämme yie mo wø cïp cooth, ki kanyo ö gïna näk ec raac ki gø døc na näk gïr ränynyö noo cwödhi piny, thöödhö ki nïne ma kuma ki dïpe ariiø ki pïërabïŋween.

Daniel 12:8

Køøre aani gïnögø awïnynya, 'ba tiere kär ci wïïa. Køøre aana pëëö, ni «?Kwääya, aŋuun gïïögø otïme nidïï?»

Daniel 4:10

Gïïa nyooth jïra ki yi wïïa kanya bëëda naa ena bäät pëëm niine beege ii: Aani kanya räŋŋa, aana nëënnö ki jaath mo bäär døc yi ŋöömö.

Daniel 4:13

«Aani, kanya bëëda naa raŋŋa gïïa nyooth jïra ki yi wïïa, naa ena bäät pëëm niine, aana nëënnö ki nyïïatwiel maal man wø kurö mo ööi ki maal.

Daniel 4:23

«Køør manøgø, ï na nyeya, ïïna nëënnö ki nyïïatwiel maal man wø kurö mo ööi ki maal ni kööe, ni ‹Ŋødu jaadhøgø piny ni raanynyu gø; 'ba gutö ki lweedi moe wär wiiu yïth ŋøøm ni you meenø ki nywïënyö ki jwïël yi luum mo nyään yi pwöla, ni bëët dëëre ni thec ki thööy, ni eni nywääö ka lääy na aciel dï pwöla, këël kanyo pööth cwiiri abïriiø bääte.›

Daniel 7:16

Ni nyiiga buut dhaanhø aciel røk jiy mo cuŋŋö kaace, ni pëënynya eni ki tiet gïïögø bëët moa näk karge. Kanyøgø acaane jïra ni nyooth tier gïna cään gïïögø kiperge.

Daniel 7:23

«Køøre acaane jïra na ennø: ‹Ŋweer cwieny tïmö na ŋweer akwöp nyec bäät piny, mo ba caal akwöp nyec møga bëët, ni cam piny bäre, ni nyøøn gø piny ni pet gø na thäŋi.

Daniel 9:27

'Ba kwäärö manøgø tudö ki luubö mo teek ma kar cwiiri abïriiø, ni tuude ka jiy mo thööth; 'ba noo tïme na thääŋ cwiiri abïriiø moøgø, eni, jiy di mänö ki man cïpö ko olämme ki muuce mo beel. 'Ba eni na käl ränynyö, gïna näk ec raac ki gø døc ocwöth piny wï Øt Jwøk, këël kanyo tïme na aŋuudi mano kïth ränynyö bääte mana näk oŋølø kipere.»

Dhekaraya 1:19

Kanyøgø nyïïatwiel maal mana cäänö ki aani aputa pëënynyö, ni «?Moi agïïaŋøøni?» Ni løk gø jïra, ni «Moøgø beege jiy moa näk wïthge ege tïŋ maal kaamar tuk lääy, ni beege jøøa wëëk jø Juuda keethø, ki jø Icriel, ki jø Jerucalem.»

Dhekaraya 14:5

'Ba uuno reŋi ki ya aleny kïdi mana tïïe, kiper aleny kïdi mana tïïe okëët ŋööm Adhel. Uuno reŋi kaawat mana reŋu ki dïjäŋ piny mana tägö ri nïr Udhaya, nyeny Juuda. Køøre Wuuö Jwøk, Jwøk mara, eno ööi ki nyïïatwiet maal bëët na en kur keerge.

Mathiew 11:27

«Jammi bëët onø wëëk Wära aani; ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.

Mathiew 24:15

«'Ba gïna näk ec raac ki gø døc na näk gïr ränynyö ojootu ni cuŋŋa yi kanya en kur keere na näk mar Jwøk, ni beeye gïna køp nyikuŋ Jwøki ma Daniel.» Beerra man ö ŋato kwaan luubö man ni ŋäc tier gø.

Maak 13:14

«'Ba gïna näk ec raac ki gø døc na näk gïr ränynyö ojootu noo cïp kanya näk mo ba doo maara kïth yie.» Beerra man ö ŋato kwaan luubö man ni ŋäc tier gø! «Kanyøca nø, jø wø en Judia wär bwøkge bäät kïte.

Luk 10:22

«Jammi bëët onø wëëk Wära aani, ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.»

Luk 21:20

«'Ba kanyo jootu Jerucalem no ociel jø tøŋŋi, kanyøgønø, wär ŋäyu ni kar ränynye ocäännö.

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.

Jøøn 1:18

Bäŋ dhaanhø aciel mo Jwøk ee neenø, 'ba beeye Wäädö mana näk acielø jï Jwøk na en kö Wuuö na nyooth gøøni.

Tiet Ciik 33:2

ni «Wuuö Jwøk aöö ki yi Caynay, ni ööe ki yi Cëër kaamar cäŋ mo tuulö, ni rienye ki bäät Kïn Paran; ni ööi ki dï nyïïatwiet maal ma kume apaar; ni cere mana en bäät cwïïe da ciik mo liel kaamar maac kiper jø Icriel.

1 Thecalönika 3:13

Kiper manøgønø nee cwïnynyu tïïe ni ba jøøŋŋi ni ena kur keerge nyïm Jwøø na näk Wääø, yi cäŋo ö Kwääyø ma Jecu ki jiye bëët.

Ibaru 10:29

?'Ba a teeŋ rääc ajäla mo nyïëdi nø, na caarru noo rømi ki ŋat mo O Jwøk ee raanynyø, ni käre rem luumma tuut wøørø, mana tïïc eni ni ena kur keere, ni jøøŋ Jwïëc Jwøk ni wø cïp met ec?

1 Piter 1:12

'Ba anyooth jïge, ni ge ba tïny dëëtge, 'ba ge tïnynya uuni kanya cäänge kar kanyaca, 'ba poot na luupögø na køp jøøa caan luumma nyään na met jïïu yïth nïne moi en, ki køør Jwïëc Jwøk na en kur keere na jääŋŋi ki maal, ni beeye gïïa many cwïny nyïïatwiet maalli nee tiet gïïögø neenge.

Juut 1:14

Ni poot na jøøgø thuwø na gïïge køp Inøki, ŋata en ri bïriet beenhnhe moa nywøl køør Adam, na kööe, ni «Neennu, Kwäärö aöö ki nyïïatwiet maal moe na en kur keerge na näk kume mo thööth døc,

Mana Nyooth 11:2

'Ba kär niï røma yi kal mar Øt Jwøk Mana Dwøŋ. Wec kanyøce nee dööŋ wøk. Kiper owëëk juurre. 'Ba geni paana en kur keere na näk mar Jwøk oraanyge ki dwäde ma pïëraŋween kurriiø.

Mana Nyooth 6:10

Ni köökge ki dwøl mo päl, ni «?Wui Kwäärö Jwøk na en teeki jïre, na en kur keere na näk adïëri, awäne noo ŋølï luubö noo coolï kwör remwa dëët jøø ni bëëdö bäät piny en?»

Pïëmme 13:18

'Ba Wuuö Jwøk na nyooth ree kaamar nyïïatwiel maal aköö jïgø, na «?Aŋø ni pëënynyï nyeŋŋa en? Kiper tiere ba maar joot.»