Daniel 8:11 - Wëël Jwøk

¹¹ Eni dëëre atïŋ maal ni døøc dëëre mo dwøŋ ni päär dëëre ki Kwääc lwaa gïïa en maal, ni ö olämme mo wø cïp cooth jï Kwääc lwaa gïïa en maal ni män ge, ni päät kar lam na en kur keere.

Daniel 8:11 Iomraidhean Croise

Aydheea 37:23

?Aŋa nø na päätï na janynyï? ?Aŋa na kwöŋŋï bääte, na ŋuuï nyeŋŋï wøk bääte niï töödö? ?Paa bääta, a na Jwø Icriel na en kur keere?

Aydheea 37:29

'Ba kiper wëër mana wëërï ki aani, ka atöör marï mana jooda, aani umï gäna gänö ko obïth mara, ni kïtha dhiï ki nywïëny dho okweeny, ni wiira wïïï ki gø, ni dwøga ïïni ki jöö mana ööï ki yie.›

Jeremaya 48:26

«Möap wär maathu ki køøŋø ni meere, kiper eni dëëre atïïe ni dwøŋ bääta, a na Wuuö Jwøk; Möap oŋïëli yïth ŋwøk moe, ni ö jiyi ni ŋïërge bääte.

Jeremaya 48:42

Möap oränynyi ni bëëde ni patha paac këët, kiper dëëre atïïe ni dwøŋ bääta, a na Wuuö Jwøk.

Edhikiel 46:14

Ka amöölla cooth thuwø, wäru cïpu ki muuce mo beel ma bïcier rumi mar iipa, ni cïpu na aciel ki dää rumi mar maaw mano en yi gïr røm man wø cwøl ni in; ni maaw manøgø beeye man jääp ki møø. Manøgø beeye ciik mo bëëdö na bäre bäre na man cïp muuce mo beel ki gø jï Wuuö Jwøk.

Daniel 11:22

Ni ö lwaa leny mo piny ee baabø ni gwaar ge nyïme kaamar jwïëö, ni raany geni, këël Kwääy Lam Mana Dwøŋ mar Jwøk.

Daniel 11:31

«Ni ö lwaa leny mana en dëëre ni thïïŋge dëëtge dëër kar lam na näk ogeerø ni teek, ni mänge olämme mo wø cïp cooth. Køøre geni gïna näk ec raac ki gø døc na näk gïr ränynyö, cwöthge piny.

Daniel 12:11

«'Ba ki mano täge ki kanyo män olämme yie mo wø cïp cooth, ki kanyo ö gïna näk ec raac ki gø døc na näk gïr ränynyö noo cwödhi piny, thöödhö ki nïne ma kuma ki dïpe ariiø ki pïërabïŋween.

Daniel 5:23

'Ba ïïna tïmö niï tïŋa riï maal niï läädö ka Kwääc maal, ni ö jiyi ni øømge athääe mo Øt Lam mare, ni kälge ge nyïmï, ni ö ïïni ki jø kööre moï, ki määrï, kö omëërri moï ni bëëdu ni køøŋ nyïïomøki maathu ka geni; ni tïme nou pwøya juu moa näk tïïc ka gwel-bïrö, ki warkey, ki jwïël, ki nywïënyö, ki jenni, ki kïte, ni beege gïï mo ba rääŋö, mo ba wïnyö, ni bäŋ gïn ŋäcge. 'Ba Jwøk, na näk jwïëc kwøw moï ena cere, ki jïëth tïïe moï, kärï jiemø.

Daniel 7:25

Ni cääne ki luup dëër Jwøa Dwøŋ ni en Maal, ni dïïm jiy moe, Eni na dwøŋ ni en maal, ni cäde ki man wiil kwöra wäŋŋi ki ciik, ni ö jic Jwøk ni cïbi cere ki cwiiri adäk ki thääŋö.

Daniel 8:12

'Ba kiper gïïa no obayø, lwaa gïïa en maal ko olämme mo wø cïp cooth acïp dhi cere, ni ö jammi bëët mo wø tïïe ni thurge karge, ni ö adïëri ni leeŋi piny.

Daniel 8:24

Eni teek mare tïmö ni dwøŋ døc, 'ba paa teek mare ki dëëre. Eni, räänyö mo dwøŋ tïïe tïïö, ni ö gïn wø tïïe jaak ni thur kare. Eni jiy moa teek, këël ki jic Jwøk raanynye raanynyø.

Daniel 8:25

'Ba ki jöör riek waŋe, cwøk otïïe ni thur kare jïre; ni døøc dëëre mo dwøŋ ki yi cwïnye, ni kanyo bëët jiyi ni bëëtö marge wøp jaak, wïth jiy mo thööth raanynye raanynyø, ni thïïŋ ree dëër Kwääc kwääri. 'Ba eni petø ni bäŋ cer dhaanhø ree.

Daniel 9:25

«Kiper manøgønø, beerra man ŋäyï gø ni kwanyï tiere ki man näk mo luubö mana caan ki man dwøk Jerucalem kare ki man cäŋi geerrø, këël kanyo ö ŋata näk wïïe othïïmmö ki maaw, ŋato käär jiy, otïmö na cwiiri abïriiø kwöre abïriiø, ki cwiiri abïriiø kwöre ma pïërabïciel ka ariiø. Jerucalem cäŋ ka geerrø ni da nyeŋ jïëthe ki kwör gwøk røk mo teek. 'Ba kar kaace beeye cäŋ gïï mo leth.

Kwään Jiy 28:3

Ni cäŋ köö, no «Olämme mo wø waaŋ moo cïpu jïra, a na Wuuö Jwøk, beege nyïïdïëk ariiø ma rööm ma nyööi mo cwiicge oceele ni bäŋ gïn mo ogwäyö dëëtge. Olämme moøgø dou cïbö cooth ki yïth cääŋŋe bëët, ni man nø waaŋŋa eni bäre.

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.

2 Thecalönika 2:4

noo cuum ree, ni män ki gïï wø cøøri bëët ni juu, wala gïï wø wøør, këël mano ööe no opï bäät køøme yi Øt Jwøk Mana Dwøŋ, ni kööe, ni eni ki dëëre beeye na Jwøk.

Ibaru 2:10

Kiper orømø jï Jwøk, eni na en jammi bëët jïre, ni ööi ki baŋe, ki man tïïc ŋata bwøth jiy jöör pïëm man piem geni ki gø no othur kare ki køør gïïa leth na jwøre, kanya ö eni na käl nyïïe mo thööth kar ajiem.

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»