Daniel 7:9 - Wëël Jwøk

⁹ «Kanya bëëda naa rääŋö, wäle acïp piny karge, ni ö Eni Na Nut Yïth Nïr Acääŋŋe ni pï piny bäät wälu mare. Abïï mana en dëëre tar ni caala piiø, ni jïëc wïïe caala jïëc røømmø mo pøøth. Wälu mare bëëdö ni wärri ki leep maac, ni tiet wälu liel ki maac.

Daniel 7:9 Iomraidhean Croise

1 Nyeye 22:19

'Ba Mikaya aköö, «'Ba ennø, wïny dwør Wuuö Jwøk. Aani Wuuö Jwøk ajooda no opï piny bäät wälu mare, ni lwaak mare bäre mana en maal cuŋŋö buute, ni møøk ena bäät cwïïe, møøk ki bäät caame.

2 Luup Nyeye 18:18

'Ba Mikaya aköö, «'Ba ennø, wïny dwør Wuuö Jwøk. Aani Wuuö Jwøk ajooda no opï piny bäät wälu mare, ni lwaak mare bäre mana en maal cuŋŋö buute, ni møøk ena bäät cwïïe, møøk ki bäät caame.

Aydheea 6:1

'Ba yi cwiina thøw nyeya ma Udhaya yie, Kwäärö Wuuö Jwøk ajooda no opï piny bäät wälu, ni ena maal ni kare dwøŋ, na abïï mare onijääp piny ni Øt Jwøk ee pääŋö bäre.

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Jeremaya 49:38

Køøre aani na Wuuö Jwøk, wälu mara okëëlla piny Ilam, ni raanynya nyeya mare ki jøøa kwörge døøŋŋø moe.

Edhikiel 1:26

'Ba bäät gïna näk ree ee peerø bäätge kaamar maal, da gïrpiny yie mo nëëni kaamar wälu mo otïïö ki kïdi mo kïte caala caaro. 'Ba bäät wälu manøgø da gïrpiny mo nëëni kaamar dhaanhø mo opï piny bääte maal.

Daniel 7:13

«Kanya bëëda ki wäär naa poot raŋŋa gïïa nyooth jïra ki yi wïïa, aana nëënnö ki ŋat mo caala Wär Dhaanhø mo öö ki yïth pøøl mo maal, ni ö baŋe, Eni Na Nut Yïth Nïr Acääŋŋe, ni wëëgi ciin nyïme.

Daniel 7:22

këël kanya ö Eni Na Nut Yïth Nïr Acääŋŋe, eni na Jwøa Dwøŋ ni en Maal, na ööe ni ŋun jiye, ni beeye kanya ö kanya wäŋŋi ki man cïp buc nyec jïge, ge na jiye.

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Abakuk 1:12

Wui Wuuö Jwøk, Jwøk mara, ï na en kur keere, ?aŋø, ï ba käl ya acääŋŋe? Waani, wa ba thøw. Wui Wuuö Jwøk, jø Kaldia akwanyï ki man ŋølge luup. Wui, ï na kïnna teek, tietge akëëlï piny ki man tiirge jiy.

Mathiew 17:2

Ni røøe nyïmge, ni ö täärnyïme ni tïme ni paŋŋi kaamar cäŋ. Ni tïm abïïe moe ni tar døc.

Mathiew 28:3

'Ba dëëre nagaaŋ ni caala agaackøth, na abïïe moe tar døc kiree.

Maak 9:3

Ni ö abïïe moe ni tïmge ni ŋwaŋŋi ni tar døc, ni bäŋ dïpïnyi bäät piny ma abïïge doo täyö ki tayøce.

Moa Tïïc Nyïïatwieli 2:30

'Ba kiper mana näk ena nyikuŋ Jwøk ni ŋääe ni Jwøk onø kööŋ jïre ni dhaanhø aciel røk nyïïkwaaye ocïp bäät wälle,

Moa Tïïc Nyïïatwieli 2:33

'Ba kawaane kiper na tïŋi maal ni wëëgi ajiem bäät cwïï Jwøk, ni wëëgi Jwïëc Jwøk na en kur keere na buuk Wuue jïre, gïn neennu en ni wïnynyu en awëëk ööny bäätwa.

Pilipay 3:9

kiper naa joot naa ena dëëre, naa ba en dëëre kaper bëënynyö mana näk mara keera ni wø en ri ciik Jwøk, 'ba beeye bëënynyö man wø joot ki køør ŋäädhe ki ri Krictø, ni beeye bëënynyö man wø ööi ki baŋ Jwøk na näk ogöök ri ŋäädhe,

1 Timöthi 6:16

eni keere ni wø bëëdö ni ba thøw, ni wø bëëdö yi tayo näk bäŋ ŋat ci buute, eni na näk bäŋ ŋat mo oneen gø, na ba doo maara neen. Ajiem en jïre ki rööny na bäre bäre. Enøgønø.

1 Jøøn 1:5

'Ba man en beeye dwøl mana wïnywa baŋe ni køpwa jïïu en, ni Jwøk beeye tar, ni bäŋ kany mo cøl cwïnye bäre bäre.

Mana Nyooth 1:14

Ni wïïe ki jïëye tar, keda jïëc røømmø mo tar. Ni taye caala piiø mo tar døc. Ni nyeŋŋe caala maac mo liel.

Mana Nyooth 19:18

kiper nee rïŋ nyeye ki rïŋ kwääri, ki rïŋ jøøa kwörge døøŋŋø, ki rïŋ okwëënyi ki mo jøøa en bäätge, ki rïŋ jiy bëët, jøøa bëëdö ki wïthge ki laaŋe bëët, këël moa therø ki moa døøŋŋø, nee cammu.»

Mana Nyooth 20:4

Kanyøgø wäle møøk ajooda, ni jøøa näk owëëk ŋøl luup opï bäätge. Ni jooda jwïëc jøøa wïthge ŋul wøk thuwø kiper gïr Jecu na køpge, ki gïr luum Jwøk, jøøa näk Lääy manøgø kärge wøørø, wala gïna näk ocwääö na caal kïte, na näk kär jïtö ki ŋïï täärnyïmge wala ceŋge. Geni, gena cäŋ kwøwø, ni bëën geni ki Krictø na aciel ki cwiiri ma kuma.

Mana Nyooth 4:2

Ni put Jwïëc Jwøki ö bääta. Ni jooda wälu no ocïp piny maalø, ni da ŋat mo opï bäät gø.