Daniel 7:6 - Wëël Jwøk

⁶ «Køør manøgø kanya bëëda naa poot rääŋö, aana nëënnö ki cwieny mør mo caala kwac, mo dïŋääe da bwöm aŋween mo caala mo wenyø; cwieny manøgø thuwø jïre da wïdhi aŋween, ni eno mooø ki teek mar käär jiy.

Daniel 7:6 Iomraidhean Croise

Edhikiel 17:3

Ni kööï jïge ni man bee gïna caan Kwäärö Wuuö Jwøki, ena köö, ni ‹Da odhuuth mo dwøŋ, mo bwöm moe teek døc no okwöre moe bäyö, mo dëëre da kït ma teeŋi, mo öö lur Libaanø, ni käl wï jaath mana pere leth na näk wïïe opööth maal.

Daniel 10:20

Kanyøgø ena köö, ni «?Gïna ööa baŋï kipere ŋäyï? 'Ba ennø, a døøa kuna këëda ki nyïïatwiel maal man wø koor Parca; 'ba kanyo cøøa, nyïïatwiel maal man wø koor po jø Gïrïïk luunynya öö.

Daniel 2:39

«'Ba køørï da akwöm nyec mo ööa maal mo thiinhnha eni ki marï. Køør manøgø beeye dää akwöm nyec mo mar jwïël, mano käär piny bäre.

Daniel 7:4

«Cwieny mana dïkwøŋ caala ŋuu, ni jïre da bwöm mo caala mo odhuuth. Aana bëëdö naa raŋŋa gø këël mana ö bwömmi moe ni pudhi wøk, no otïŋ maal no othïïŋö ni cuŋŋö ki tiel ariiø kaamar dhaanhø, ni cïp acaara mar dhaanhø jïre.

Daniel 7:5

«Køøre riet cwieny mør ajooda mo caala dïb, 'ba eno tïŋ maal ki bwøbe ki løøk aciel, ni dhee da ŋëëdi adäk ki yïthakic lage, ni caani jïre, ni ‹Ö maal ni cämï ki rïŋö mo päl.›

Odheea 13:7

'Ba ennø, aani, a tïmö kaamar ŋuu jïïu; ni tïma kaamar kwac mo omøør piny thääŋ jöö.

Mana Nyooth 13:2

'Ba Läänögø na jooda enø caala kwac, ni ö tiete ni caal tiet cwieny mør mo dwøŋ mo lweete beth døc, ni ö dhee ni caal dhi ŋuu. 'Ba thwöl teek mare ki wälu mare ee wëëk Läänögø, ki cuum mo dwøŋ døc.