Daniel 7:28 - Wëël Jwøk

²⁸ «Kar kaagø gïna nyooth athum. 'Ba a na Daniel en, acaara mara abëëdö ni tuuŋŋa cwïnya, ni ö täärnyïma ni needuk; 'ba luubö manøgø abëëdö ni yaa kan cwïnya.»

Daniel 7:28 Iomraidhean Croise

Wïlöölö 37:10

'Ba na par gø jï uutwänni ki wänni, ena jook wänni ni kööe, «?A teeŋ lääga ŋø na lägï yøø? ?Aŋø, beeye aani møn ki meru ki uutwäru no ööi no kuul wïthge piny nyïmï?»

Wïlöölö 37:11

Ni ö uutwänni ni päŋ cwïnyge ki keec ki eni. 'Ba wänni luummögø akan cwïnye.

Daniel 10:16

Køøre ŋat mo nëëni kaamar dhaanhø dhaa agude, ni puta dhaa jap ni cäänna ni kööa jïre, eni na cuŋŋö nyïma, ni «Wui kwääya, ki køør gïna nyooth manøgø, lwär mo dwøŋ aö bääta, ni bäŋe teek mo odööŋ dëëra.

Daniel 10:8

Kanyøgø aana dööŋ a keera naa raŋŋa gïna nyooth manøgø ni thääŋ ec enø. Køøre aput tïmö ni bäŋ teek mo odööŋ dëëra, ni ö täärnyïma ni wiil ree kaamar nyïm dhaanhø mo othøw, ni bëëda ni bäŋ teek dëëra.

Daniel 11:27

'Ba nyeye moø na ariiø yøø, cwïnyge oløøge baŋ gïn mo raac, ni pïge piny kar acooŋa, ni ö ŋati man nø ni cään watge ki tööt. 'Ba bäŋ gïn mo thur kare. Kiper aŋuunne poot öö kanya no owäŋŋö.

Daniel 12:13

«'Ba ïïni, cäädhï ki jöörï këël aŋuunne. Køøre ï cøøa kar jwöm mar thøø. 'Ba noo tïme na aŋuun piny, ï tïŋa maal ni jootï kurï mano mëëk ïïni.»

Daniel 12:9

Ni løk gø, ni «Daniel, aayï ki jöörï. Kiper luup moøgø ocïëgö no omwönö këël kanyo tïme na aŋuun nïne.

Daniel 4:16

Beerra man ö acaara mare ni wiil ree ni paa acaac dhaanhø, ni tïme ni beeye acaac lääy noo en jïre, këël kanyo pööth cwiiri abïriiø bääte.

Daniel 4:19

Kanyøgø Daniel, ni wø nyeŋŋe cwøl ni Belthacacör, amak apïte ki kany mo bäär mëëth, ni bëëde ni cwïnye pärö ki køør acaara mare. Ni luup nyeya ni kööe, ni «Belthacacör, lääk manøgø ki tier gïna cääne kipere, kär cwïnyï døøcge mo pärö.» Ni dwøgi ya Belthacacörri ni kööe, ni «Wui nyeya, doo beerra eni ki mana di lääki cäänö kiper jøøa män ki ïïni, ni tier gïna cään lääki kipere doo na poot cäänö kaper nyïïmän moï.

Daniel 5:6

Køøre nyeya täärnyïme aput niduk, ni put cwïnye tïmö ni pärö ka acaara mare, ni ö nyeŋ ocwiiye ni tïmge ni nhønhnhi, ni ö wïth cøŋŋe ni pöötge rege.

Daniel 7:15

«'Ba a na Daniel en, aana bëëdö ni jwïëy 'moa kïmmö, ni bëët gïïa nyooth jïra ki yi wïïa ni tuuŋŋa cwïnya.

Daniel 8:1

Kanya tïme na ri dää cwiiri moa beet Belthacörri ni ena nyeya, a na Daniel, aana nyuunhnhi ki lääk køør lääk mana kwøŋ nyooth jïra dïkwøŋ.

Daniel 8:17

'Ba kanya pïïe buut kanya cuŋŋa yie, aana lwäyö ni pädha ki täärnyïma. Ni kööe jïra, ni «Wär dhaanhø, wär ŋäyï ki man näk mo gïna nyooth cäänö kaper kanyo ŋuut pinynyi yie.»

Daniel 8:19

Ni kööe, ni «Neenï, aani gïïo tägi ya aŋuudi yïth nïr wëër caana caanø jïrï, kiper gïna nyooth cäänö kaper kanya wäŋŋi na näk aŋuudi.

Daniel 8:27

'Ba a na Daniel, dëëra aput nidhooth piny, ni bëëda naa tuu ki nïne møøk. Køøre aana cäŋ ö maal ni døøa baŋ tïï nyeya, 'ba aani a bëëdö ni yia othäŋŋö jaak ki gïna nyooth, kiper tiere kär ci wïïa.

Maak 9:15

'Ba na ö lwaaki na jootge Jecu, yïthge aput thäŋŋö, ni reŋge baŋe ni määthge gø.

Luk 2:19

'Ba Meeri gïïögø bëët akan cwïnye, ni lääŋ geni.

Luk 2:51

Ni aae ki geni ni ci yi Nadhareth, ni bëëdö ni luupge ee leŋø. 'Ba menni gïïögø bëët akan cwïnye.

Luk 9:44

«Uuni, cegu ïthu ki luum caana en, kiper Wär Dhaanhø ocïp ceŋ jiy.»