Daniel 7:25 - Wëël Jwøk

²⁵ Ni cääne ki luup dëër Jwøa Dwøŋ ni en Maal, ni dïïm jiy moe, Eni na dwøŋ ni en maal, ni cäde ki man wiil kwöra wäŋŋi ki ciik, ni ö jic Jwøk ni cïbi cere ki cwiiri adäk ki thääŋö.

Daniel 7:25 Iomraidhean Croise

Aydheea 37:23

?Aŋa nø na päätï na janynyï? ?Aŋa na kwöŋŋï bääte, na ŋuuï nyeŋŋï wøk bääte niï töödö? ?Paa bääta, a na Jwø Icriel na en kur keere?

Daniel 11:28

Køøre nyeny jï løø Wï-Piny duua poge ni käädö ki jap kwärö mo thööth. 'Ba cwïnye bëëdö ni ee løø kuna raany lam mar jø Jwøk. Eni tïïö ki gïrpiny dëër lamøgø, ni ö eni ni døø poge.

Daniel 12:7

Køøre ŋata näk oruyö ka abïï ma lïïna na en bäät pïï yi naam, ceŋŋe karge riet athaaŋ maal. Ni wïnynya dwøre ni kööŋŋa ri Jwøa kwøw ni wø bëëdö na bäre bäre, ni kööe, ni «Beeye cwiiri adäk ki thääŋö. 'Ba kanyo ö bäät jic Jwøk no nigelway, beeye kanyo ö gïïögø noo ŋuutge.»

Daniel 2:21

Bee eni ni wø wel nïne ki ruun. Bee eni ni wø dwøk nyeye piny, ni wø këël tiet nyeye piny. Bee eni ni wø cïp leec wïc jï jøøa wïthge leer, ni wø cïp kwänynyö jï jø wø ŋäc tiet luup.

Daniel 3:26

Kanyøgø Nabukedenecör anyiik buut dhi kanya näk maac orubö yie ni wärri, ni put dwøre tïŋ maal døc ni cwöte, ni «Cidarak ki Micak ka Abedenagø, u ni wø tïny Jwøa Dwøŋ ni en Maal, ööu wøk ni ööu kany!» Køøre Cidarak ki Micak ka Abedenagø, gena put ö wøk ki yi maac.

Daniel 4:17

Luummögø beeye mana cem nyïïatwiet maalli, ge na jø koor, ni beeye mana ŋølge, ge na en kur keerge, kiper nee ŋäc jøøa kwøwi ki man näk mo Jwøa Dwøŋ ni en Maal jïre da teek bäät akwöm nyec mo jiy, ni løny ki man cïp gø jï ŋato manynye jaak, ni beeye ŋata kare bäŋgø dï jiy.›

Daniel 4:2

Aani yia met ki man caana nyuuthe jïïu ki gïïa näk rëëma ec na tïïc Jwøki dëëra, Jwøa Dwøŋ ni en Maal.

Daniel 4:25

ki man näk miï riema wøk ki dï jiy, ni tïm kar bëëtö marï ni ena dï lääc paap, ni tïmï niï cama luum kaamar dhieŋ, ni bëët dëërï ni thec ki thööy ki cwiiri abïriiø, këël kanyo ŋäyï gø ki man näk mo Jwøa Dwøŋ ni en Maal jïre da teek bäät akwöm nyec mo jiy, ni løny ki man cïp gø jï ŋato manynye jaak.

Daniel 4:32

ni riem ïïni wøk ki dï jiy, ni tïm kar bëëtö marï ni ena dï lääc paap. Ïïni, ïïno cämö ki luum kaamar dhieŋ ki cwiiri abïriiø, këël kanyo ŋäyï gø ki man näk mo Jwøa Dwøŋ ni en Maal jïre da teek bäät akwöp nyec mo jiy, ni løny ki man cïp gø jï ŋato manynye jaak.»

Daniel 7:18

'Ba jic Jwøa Dwøŋ ni en Maal, buc nyec oci jïge, ni ö buc nyeci manøgø ni tïme na marge na bäre bäre, ki yïth beenhnhe bëët moo ööi.›

Daniel 7:20

Ni tïma thuwø ni cwïnya manynya man ŋääa gïr tuŋi moa näk apaar na en wïïe, ki gïr tuuŋ mana cäŋ tuyö, na päth tuŋi moa na adäk nyïme, na näk jïre da nyeŋ ki dhøk mo cäänö ki luup dhwöle ki gïï mo døøŋŋø, ni nëëni kere dwøŋŋa eni dï tuŋi møga.

Daniel 7:8

«'Ba kanya bëëda naa caara gïr tuŋi moøgø døc, ka adïëri møn, tuuŋ mør mo thiinh acäŋ tuyö yïthakic tuŋi møga, ni ö tuŋi adäk røk tuŋi moa dïkwøŋ ni pudhi wøk ki tietge nyïm manøgø, ni tuuŋ manøgø jïre da nyeŋ mo caala nyeŋ dhaanhø, ni jïre da dhøk mo cäänö ki luup dhwöle mo døøŋŋø.

Daniel 8:11

Eni dëëre atïŋ maal ni døøc dëëre mo dwøŋ ni päär dëëre ki Kwääc lwaa gïïa en maal, ni ö olämme mo wø cïp cooth jï Kwääc lwaa gïïa en maal ni män ge, ni päät kar lam na en kur keere.

Daniel 8:14

Ni kööe jïra, ni «Thöödhö ki nïne ma kuma aciel ki dïpa ki pïërabïïc, no olämme mo wø cïp ka abøøya ka amöölla ba cïp yïthge. Køøre kar lam na en kur keere cäŋ ka dwøk kare ni beer.»

Daniel 8:9

'Ba tuuŋ mo thiinh atuy ki ri tuuŋ aciel røk tuŋi moøgø, ni ö teeki mare ni nyaae ni cäätha jï løø tier-piny, ki jï løø kur tuul-cäŋ ki jï løø ŋøøp wø cwøl ni Mïërö.

Daniel 9:27

'Ba kwäärö manøgø tudö ki luubö mo teek ma kar cwiiri abïriiø, ni tuude ka jiy mo thööth; 'ba noo tïme na thääŋ cwiiri abïriiø moøgø, eni, jiy di mänö ki man cïpö ko olämme ki muuce mo beel. 'Ba eni na käl ränynyö, gïna näk ec raac ki gø døc ocwöth piny wï Øt Jwøk, këël kanyo tïme na aŋuudi mano kïth ränynyö bääte mana näk oŋølø kipere.»

Odheea 7:16

Gena kweer ki man duuge baŋa, a na Jwøa dwøŋ, ni tïm bëëtö marge no okööm kaamar atheerø mo ree täpö. 'Ba dïbwöthe moge geno 'näk ko opëëllö, kiper cäänö marge man wø cäänge ni ge koorrø. 'Ba gïnögø oput duunnö ka abuua bäätge dï ŋööm Ijep.»

2 Thecalönika 2:3

Kär dee ŋat maaŋ wïthu ki jöö mør. Kiper cäŋögø ba ööi jaak, ni näk ageem kär kwøŋ tägö, ki ööny ŋata raac noo nyooth ree, ni beeye ŋato raanynyi,

2 Thecalönika 2:4

noo cuum ree, ni män ki gïï wø cøøri bëët ni juu, wala gïï wø wøør, këël mano ööe no opï bäät køøme yi Øt Jwøk Mana Dwøŋ, ni kööe, ni eni ki dëëre beeye na Jwøk.

2 Thecalönika 2:8

'Ba kanyøca nø, Ŋata raac oneen. 'Ba eno 'näk Kwäärö ma Jecu ki jam dhee, ni raany gø, kanyo ööe noo nëëne.

Mana Nyooth 12:14

'Ba dhaaŋŋøgø omooø ki bwöp coor mana dwøŋ karge riet, kiper nee määt paap kiper thwöl, kanya dii caamø yie dïciel ki cwiiri adäk ki thääŋö.

Mana Nyooth 12:6

Ni ö dhaage ni reŋ paap, yi kanya näk ojiiŋ Jwøki kipere, kanya dii caamø yie ki nïne ma kuma aciel ki dïpe ariiø ki pïërabïciel.

Mana Nyooth 14:12

Manøgø nø, manynya jïëny gïï mo leth mar jø Jwøk, jø wø gwøk gïïa cem Jwøki, ni ŋäädhe marge na en ri Jecu ege maa ni teek.

Mana Nyooth 16:6

Kiper jiy rem jø Jwøk ki mo nyïïkuk Jwøk akønyge piny, ni läwï ge wëëk remø nee maathge. Ni beeye mana røm rege.»

Mana Nyooth 17:6

Ni jooda dhaaŋŋøgø no omeer ki rem jø Jwøk ki rem lïŋŋe mo Jecu. 'Ba na neena gø, yia athäŋŋö døc.

Mana Nyooth 18:24

Ni beeye eni na joot rem nyïïkuk Jwøk ki mo jø Jwøk yie, ki mo jøøa 'näk bëët bäät piny.»