Daniel 7:2 - Wëël Jwøk

² Eni na Daniel ena köö, ni «Kanya bëëda naa neeta gïïa nyooth jïra ki yi wïïa ki wäär, ajooda ni jam maal kwödö ni cura but piny karge ŋweeri ni ge tuuŋŋa naama dwøŋ.

Daniel 7:2 Iomraidhean Croise

Aydheea 17:12

Wui, wïnynyu ŋurö mar wïth juurre mo thööth, ni wïnyi en kaamar lwör mar athaŋ naama dwøŋ. Wïnynyu ŋurö mar wïth juurre na näk lwör kaamar pïï mo kwödö ni teek.

Jeremaya 49:36

Aani, a kännö ki jø leny ma dhøgi aŋween mo tuga Ilam, mo ge öö kaamar atuunna, ni ge käla yïth akïï piny karge ŋweeni, ni keetha geni yïth kwörögø bëët. Ni tïme ni bäŋ po wï jur mo jøøa riem wøk ki Ilam ba ci yie.

Jeremaya 51:42

Jø leny öö bäät Babiløn kaamar naam mo kwödö døc, ni macge gø kaamar jwïëö.

Daniel 11:4

'Ba kanyo thïïŋ dëëre ennø, akwöm nyec mare di petø ni pääŋŋi na kwöre aŋween, no odïëdö ki but piny, ni ba ci jï jø okäl dëëre, ni jø oci teeki jïge, teek marge tïmö ni ba caal teek mana en jïre dïkwøŋ. Kiper akwöm nyec mare cööda wøk ni mëëgi jø møøk ni paa jø okäl dëëre.

Daniel 2:19

Kanyøgø gïnö ni tiere okanø enø aput nyooth jï Daniel ki wäär yïth lääk. Køøre Daniel Jwø maal aput pwøc,

Daniel 7:13

«Kanya bëëda ki wäär naa poot raŋŋa gïïa nyooth jïra ki yi wïïa, aana nëënnö ki ŋat mo caala Wär Dhaanhø mo öö ki yïth pøøl mo maal, ni ö baŋe, Eni Na Nut Yïth Nïr Acääŋŋe, ni wëëgi ciin nyïme.

Daniel 7:7

«Køør manøgø kanya bëëda ki wäär naa poot raŋŋa gïïa nyooth jïra ki yi wïïa, aana nëënnö ki ŋweer cwëënyi mo cwïny bwøk ki gø, mo di lwäärö, mo teek døc, ni jïre da lak mo døøŋŋø ma nywïëny. Kany wø cäme, cam pete petø ni thenh thenh ni løøny geni, ni nyør moa dööŋ ki tiete. Eni ba caal cwëënyi moa dïkwøŋ bëët, ni eni jïre da tuŋi apaar.

Daniel 8:2

'Ba kanya bëëda naa raŋŋa gïna nyooth ki yi wïïa, ajooda naa ena yi kiira näk ogeerø ni teek yi pääny Cuca na en po jø Ilam, ni kanya raŋŋa gïna nyooth ki yi wïïa, ajooda naa ena deŋ naam man wø cwøl no Ulay.

Daniel 8:8

Køøre nywø ateea manøgø dëëre aput døøc mo dwøŋ døc, 'ba kanya bëëde ni teek, tuuŋ mare mana dwøŋ atoor, ni ö kare ni twöe ki tuŋi aŋween mo nëënö jaak, ni wïthge ege løø but piny karge ŋweeri kwör wø kwön jam maalli ki yïthge.

Dhekaraya 6:5

'Ba aløk nyïïatwiel maalli jïra, ni «Moøgø beege jwïëy aŋween mo wø en maal, ni ge ö wøk ka kany wø cuŋge yie nyïm Wuuö Jwøk, eni na kwääc bäät piny bäre.

Mathiew 24:31

Ni jääŋ nyïïatwiet maal moe ni da tuuŋ mo dwøre dwøŋ mo di koodhø, ni cooŋge jiye moa näk ee jierø, ni kälge ka wïth tuk piny karge ŋweeni, ni beeye bäät piny bäre.

Mana Nyooth 17:15

Ni kö nyïïatwiel maalli jïra, ni «Pïïa jootï na näk kääbi opï bäätge gena wïth juurre ki lwaae, ki mïëri, ki dhøgi ma teeŋi.

Mana Nyooth 7:1

Køør manøgøøni, nyïïatwiet maal aŋween ajooda ni ge cuŋŋa yïth tuk piny karge ŋweeni, ni kwör wø kwön jame ki yïthge karge ŋweeni ege mänö nee bäŋe jamø mo kwön bäät piny, wala bäät näpa døøŋŋø, wala ri jaathø.