Daniel 7:13 - Wëël Jwøk

¹³ «Kanya bëëda ki wäär naa poot raŋŋa gïïa nyooth jïra ki yi wïïa, aana nëënnö ki ŋat mo caala Wär Dhaanhø mo öö ki yïth pøøl mo maal, ni ö baŋe, Eni Na Nut Yïth Nïr Acääŋŋe, ni wëëgi ciin nyïme.

Daniel 7:13 Iomraidhean Croise

Jeremaya 49:19

Ka adïëri møn, da jø leny mo öö kaamar ŋuu mo ö wøk ka yi lur Jördan, mo ööa yi ciel mo teek baŋ dïëk, ni ge ööa kuna tukge Ëdöm. Ki nyi kany mo thiinh, jø Ëdöm 'riema wøk ki køør gïno tïïc jøøgø, ni jëëta ki ŋato manynya jaak ni røønya gø kaace. ?Kiper aŋa ni röömi ki aani? ?Na aŋa ni kïth aani kar løøk? ?Na a kwääye mane ni løny jïre ki man pïëme ki aani?

Edhikiel 1:26

'Ba bäät gïna näk ree ee peerø bäätge kaamar maal, da gïrpiny yie mo nëëni kaamar wälu mo otïïö ki kïdi mo kïte caala caaro. 'Ba bäät wälu manøgø da gïrpiny mo nëëni kaamar dhaanhø mo opï piny bääte maal.

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Daniel 7:12

'Ba cwëënyi møga, teek marge akäl wøk baŋge, 'ba nïr kwøw moge ameet jïge kiper kany mo okwaanø.

Daniel 7:2

Eni na Daniel ena köö, ni «Kanya bëëda naa neeta gïïa nyooth jïra ki yi wïïa ki wäär, ajooda ni jam maal kwödö ni cura but piny karge ŋweeri ni ge tuuŋŋa naama dwøŋ.

Daniel 7:22

këël kanya ö Eni Na Nut Yïth Nïr Acääŋŋe, eni na Jwøa Dwøŋ ni en Maal, na ööe ni ŋun jiye, ni beeye kanya ö kanya wäŋŋi ki man cïp buc nyec jïge, ge na jiye.

Daniel 7:9

«Kanya bëëda naa rääŋö, wäle acïp piny karge, ni ö Eni Na Nut Yïth Nïr Acääŋŋe ni pï piny bäät wälu mare. Abïï mana en dëëre tar ni caala piiø, ni jïëc wïïe caala jïëc røømmø mo pøøth. Wälu mare bëëdö ni wärri ki leep maac, ni tiet wälu liel ki maac.

Daniel 8:15

'Ba a na Daniel, kanya bëëda naa raŋŋa gïna nyooth, naa manynya gø nee tiere kwanya, ajooda ni da ŋat mo cuŋŋö nyïma mo caala dhaanhø.

Mathiew 13:41

Kiper Wär Dhaanhø nyïïatwiet maal moe ojääŋŋe, ni dwarge jø wø wëëk raay öö, ki jø wø tïïc raay, ni kwänyge ge wøk ki yi buye,

Mathiew 24:30

Kanyøgønø, ŋïï mar Wär Dhaanhø onëëni maalø, ni ö jø pinynyi bëët ni kïmge, ni ö geni ni neenge Wär Dhaanhø ni öö ki bäät pøøl mo maal ni jïre da teek ka ajiem mo dwøŋ.

Mathiew 25:31

«'Ba kanyo ö Wär Dhaanhø ka ajiem mare ki nyïïatwiet maal bëët na aciel, kanyøca eno pï piny ni ena nyeya bäät wäl ajiem mare.

Mathiew 26:64

Ni dwøgi ya Jecu jïre, na «Acaanï na kare. 'Ba a cäänna uuni, ni køør man en, Wär Dhaanhø oneennu no opï bäät cer cwïï Jwøk na en teeki jïre, ni ööi ka bäät pøøl mo maal.»

Mathiew 28:18

Ni ö Jecu baŋge ni kööe jïge, ni «Teek mar maal bäre ki mar piny bäre anø wëëk aani.

Mathiew 8:20

'Ba Jecu aköö jïgø, no «Othööe jïge da buri, ni weny jïge da uudi, 'ba Wär Dhaanhø, bäŋ kany mo nyaaŋ thääŋŋe yi gø.»

Maak 13:26

'Ba kanyøgø nø, Wär Dhaanhø ojoot jiyi ni öö ki yïth pøøl ki teek mo dwøŋ ka ajiem.

Luk 21:27

'Ba kanyøgønø, Wär Dhaanhø ojootge ni öö ki yi pöölö, ki teek ka ajiem mo dwøŋ.

Luk 21:36

'Ba kuru cooth, nou lämö nee lønye jïïu ki man bøthu ri gïïo tägi bëët, nou cuŋŋu nyïm Wär Dhaanhø.»

Luk 24:27

Ni par luup bëët jïge moa en yïth weet Jwøk na näk ocaanø kipere, ni tääe ka luup Modhe këël mo nyïïkuk Jwøk bëët.

Jøøn 12:34

'Ba aløk lwaaki jïre, na «Awïnywa ri ciik Jwøk ni Krictø doo bëëdö na bäre bäre. ?Aŋø na caanï gø, ni Wär Dhaanhø doo tïŋa maal? ?Wär Dhaanhnhøgø aŋa?»

Jøøn 3:13

'Ba bäŋ dhaanhø mo oci maal, 'ba beeye eni na öö ki maal, ni beeye Wär Dhaanhø.

Jøøn 5:27

Ni wëëk teek mar ŋøl luup cer gø, kiper na näk ena Wär Dhaanhø.

Moa Tïïc Nyïïatwieli 7:56

Ni kööe, ni «Neennu, maal ajooda ni ree ee jabø, ni Wär Dhaanhø cuŋŋa bäät cwïï Jwøk»

1 Thecalönika 4:17

Køøre, ø noo dööŋ ni ø poot kwøw, øøno tïŋ maal ki geni na aciel yïth pøøl, nee ø røømmø ki Kwäärö yi jamø. Kanyøgø nø, øøno en buut Kwäärö cooth.

1 Timöthi 6:16

eni keere ni wø bëëdö ni ba thøw, ni wø bëëdö yi tayo näk bäŋ ŋat ci buute, eni na näk bäŋ ŋat mo oneen gø, na ba doo maara neen. Ajiem en jïre ki rööny na bäre bäre. Enøgønø.

Ibaru 2:14

Kiper manøgønø, na tïme ni jøøgø beege jic dëël ki remø, eni ki dëëre, ena tïmö na dhaanhø kaamarge, kiper nee ŋata en teek thøø cere na näk anägö, nee raanynye ki køør thøwe,

Ibaru 9:24

Kiper Krictø kär døny yi kanya en kur keere mana näk tïïc ka ceŋ, man wø nyooth kanya en kur keere mana näk adïëri. 'Ba ena ci maalø kiree, ni eni cuŋŋö nyïm Jwøk ennø kiperø.

Mana Nyooth 1:13

'Ba dï lambae moøgø da ŋat mo keda Wär Dhaanhø, mo orøø ka abïï mo okëët tiete, ni kööre da kaa warkey.

Mana Nyooth 1:18

Ni beeye aani ni kwøw. Kiper aana thøw møn, 'ba kawaane aana cäŋ kwøwø, këël na bäre bäre. Ni muktääe mo thøø ki kar bëët jwïëc jøøa näk othøw ena cera.

Mana Nyooth 1:7

Neennu! Eni öö ki yïth pøøl, ni ö nyeŋŋi bëët ni neenge eni, ki jiy bëët moa mooc dëëre ki ŋwiili. Ni ö jø pinynyi bëët ni kïmge ki gïre. Ni beeye kare, na enønø.

Mana Nyooth 14:14

Kanyøgø aana nëënnö ni jooda pöölö mo tar, ni ŋat mo keda Wär Dhaanhø opï bääte, ni wïïe da adun warkey, ni cere da manyjil mo beth.