Daniel 7:1 - Wëël Jwøk

¹ Yi cwiir mana dïkwøŋ mana tïm Belthacörri ni ena nyeny Babiløn, Daniel alägö ki lääk ni jïte ki gïï mo onyoodhø jïre ki yi wïïe kanya bëëde ni ena bäät pëëm niine mare. Køøre eni lääk agöör piny, ni caan gø na ennø nø.

Daniel 7:1 Iomraidhean Croise

Wïlöölö 15:1

Køør gïïögø bëët dwør Wuuö Jwøk aö bäät Abram ki yïth lääk, ni kööe, na «Abram, kärï lwäyö; aani, aana kwöt leny man wø gëëŋ ïïni; ïïno ŋada ki gïn mo dwøŋ.»

Wïlöölö 46:2

Ni ö Jwøki ni cääne ki Icriel ki wäär ki yïth lääk, ni kööe, «Jeekap, Jeekap.» Ni kö Jeekapi, ni «Aani en.»

Jööp 4:13

'Ba ni aano butö døc ki niine mo dëëra kuua, aana lägö ki gïn mo cwïnya pärö ki gø,

Aydheea 30:8

'Ba Wuuö Jwøk aköö jïra, ni «Ciï ni göörï luummögø piny nyïm jø Icriel bäät opäm ni nëënö jïge, ni göörï gø piny yi wëëlö thuwø, nee bëëde ni nut yïth nïne moo ööi, nee tïme na lïŋi na bäre bäre.

Aydheea 8:1

Køøre Wuuö Jwøk aköö jïra, ni «Lwötï ko opäm mo dwøŋ ni göörï luummi yie ni nyeŋge døøŋŋø, ni ‹Kar mak jiy ki tøŋ acäännö; kar twëër jammi arwänhnhö.›

Jeremaya 23:28

Beerra man ö nyikuŋ Jwøki mana lägö ni caan gø ni beeye lääk mare keere, 'ba beerra man ö nyikuŋ Jwøki mano wïny luumma ni caan gø na kare. ?Aŋø, lethø pere wø leth kaamar beel?

Jeremaya 27:7

Ni ö wïth juurre bëët ni bëëtge ni gena laaŋe moe, eni ki wääde, ki nyikwaare, këël mano päŋ cwiiri moa kwaan kiper akwöma mare. Køøre wïth juurre mo thööth ki nyeye mo døøŋŋø eno tïïcge na laŋŋø marge.

Jeremaya 36:32

Køøre Jeremaya akädö ki warakata mør, ni mëëk gø Baruk o Neriya ŋat wø göör luup piny. Ni ö Baruki ni göör luup piny yie dhi Jeremaya, ni beege luup bëët moa en yi wëëlö mana waaŋ Jeyöakëmmi nyeny Juuda. Ni ö luupi mo thööth mo röömi ki moa dïkwøŋ ni meedi bäätge.

Jeremaya 36:4

Kanyøgø Jeremaya Baruk o Neriya acwøle, ni ö Baruki ni göör luup piny bëët yi warakata dhi Jeremaya, ni beege luup moa caan Wuuö Jwøki jï Jeremaya.

Edhikiel 1:1

'Ba na tïme na cwiiri ma pïëradäk, ni dwää aŋween nïre abïïc, naa ena bäät naam Kebar yïthakic jø Juuth moa no omaa ki tøŋ, maal ree ajabe, ni ö Jwøki ni nyuunh aani ki ŋïï ki yi wïïa.

Edhikiel 40:2

Ni manøgø tägi na gïn mo nyootha Jwøki jïra ki yi wïïa; ni käl aani ni kïth aani yi ŋööm Icriel, ni cïp aani bäät kïdi mo bäär døc. 'Ba bäät kïdi manøgø ki jï løø tier-piny da kany mo ogeerø mo nëëni kaamar pääny.

Daniel 1:17

'Ba wøpe moø na aŋween yøø, gena mooc Jwøki ki kwänynyö, ni tiet luup kwänynyö bëët moa no ogöör piny cøøa wïthge. Ni ö Danielli ni tïme ni løny jïre ki man ŋäc tiet jammi bëët mo wø nyooth ki yi wïc ki yïth lääk.

Daniel 2:1

'Ba kanya tïme na ri riet cwiiri moa beet Nabukedenecörri ni ena nyeya, ena lägö ki lääk, ni ö wïïe ni kier ree, ni dhäth nyeŋŋe ki gämmö.

Daniel 2:26

Kanyøgø aput nyeya jøl ni pëëny Daniel, eni na näk nyeŋŋe Belthacacör, ni kööe, ni «?Løny jïrï ki man caanï lääk mana jooda ki tier gïna cääne kipere?»

Daniel 4:13

«Aani, kanya bëëda naa raŋŋa gïïa nyooth jïra ki yi wïïa, naa ena bäät pëëm niine, aana nëënnö ki nyïïatwiel maal man wø kurö mo ööi ki maal.

Daniel 4:5

aana lägö ki lääk, ni put aani tïïc naa lwäär. Kït gïïa jooda kanya bëëda naa ena bäät pëëm niine, ki gïïa nyooth ki yi wïïa, aana tïïcge naa lwäär.

Daniel 5:1

Nyeya ma Belthacör atïïö ka ajwöm-cam mo dwøŋ kiper jø kööre moe ma kuma, ni bëëde ni mädhö ki køøŋ nyïïomøki nyïm jøøgø na kuma yøø.

Daniel 5:22

«'Ba ï na wääde ma Belthacör, dëërï kärï dwøk piny, këël na bëëdï ni gïï bëët ii ŋäyï.

Daniel 5:30

'Ba kanya tïme na dïwäänögø kiree, Belthacör aput 'näk, eni na nyeny jø Babiløn,

Daniel 7:13

«Kanya bëëda ki wäär naa poot raŋŋa gïïa nyooth jïra ki yi wïïa, aana nëënnö ki ŋat mo caala Wär Dhaanhø mo öö ki yïth pøøl mo maal, ni ö baŋe, Eni Na Nut Yïth Nïr Acääŋŋe, ni wëëgi ciin nyïme.

Daniel 7:15

«'Ba a na Daniel en, aana bëëdö ni jwïëy 'moa kïmmö, ni bëët gïïa nyooth jïra ki yi wïïa ni tuuŋŋa cwïnya.

Daniel 7:7

«Køør manøgø kanya bëëda ki wäär naa poot raŋŋa gïïa nyooth jïra ki yi wïïa, aana nëënnö ki ŋweer cwëënyi mo cwïny bwøk ki gø, mo di lwäärö, mo teek døc, ni jïre da lak mo døøŋŋø ma nywïëny. Kany wø cäme, cam pete petø ni thenh thenh ni løøny geni, ni nyør moa dööŋ ki tiete. Eni ba caal cwëënyi moa dïkwøŋ bëët, ni eni jïre da tuŋi apaar.

Daniel 8:1

Kanya tïme na ri dää cwiiri moa beet Belthacörri ni ena nyeya, a na Daniel, aana nyuunhnhi ki lääk køør lääk mana kwøŋ nyooth jïra dïkwøŋ.

Jool 2:28

«'Ba noo tïme na køør gïïögø, aani, Jwïëy 'moa kïtha bäät jiy bëët, ni ö wäätu ki nyïïu ni køpge dwøra, ni ö jäle mou ni läkge ki lääk, ni ö wøpe mou ni neenge jammi mo nyïm mo wø nyooth ki yi wïc.

Amøc 3:7

Kiper Wuuö Jwøk bäŋ gïn mo tïïe jaak ni gïna näk ee cooŋø ki cwïnye käre caanø jï laaŋe na näk nyïïkuk moe.

Abakuk 2:2

'Ba aløk Wuuö Jwøki jïra ni kööe, ni «Gïno nyoodha jïrï en göör piny bäät opäm, ni iï tïïö no onieŋ, ni løny ki man kwaani ŋat mo rïïŋö.

Kwään Jiy 12:6

Ni kö Wuuö Jwøki, ni «Wïnynyu luupa ii. Kany wø näk da nyikuŋ Jwøk dïïu, a na Wuuö Jwøk raa wø nyoodha nyoodhø jïre ki ri lääk, ni cääna ki eni ki yïth lääk.

Wëëlö Mana Göör Pøølli Baŋ Jø Röm 15:4

Kiper gïïa kwøŋ göör nïr acääŋŋe, göör kaper nee ø pwönyge, nee ø jïtö ki ŋäädhe ki køør tëënnö ki cøm cwïny man wø joodø yïth weet Jwøk.

2 Körin 12:1

'Ba aani, a töödö nø, këël na bëëde ni bäŋ gïn mo joot dëër gø, 'ba aano pööth baŋ luup lääk ki gïïa nyooth Wuue jïra.

Mana Nyooth 1:19

'Ba kawaane gïïa neenï, ki gïï ni nut ii, këël moo tägi cään, göör piny.

Mana Nyooth 10:4

'Ba määc køth moø na abïriiø yøø na määrge, ni marge cäänö, aana tïmö naa manynya göör. 'Ba dwøl mør awïnynya mo ööi ki maal ni kööe, ni «Mwön gïïa køp määc køthi karge bïriet, ni ba göörï ge.»