Daniel 6:8 - Wëël Jwøk

⁸ Ennø, ï na nyeya en, kän wøk ki ciik mo gööra piny, ni kïthï ŋïï marï bääte kiper nee ba wiil, ni tïïyï ka køør ciik mo jø Mëdön ki mo jø Parca na ciik mo ba pät.»

Daniel 6:8 Iomraidhean Croise

Acther 1:19

«'Ba ennø, ni näk beeye gïn mo beer ki jï nyeya, beerra man gööc piny ka awaaci mo caana gø ni gwanynyø ma Bacti ba ci nyïm nyeya këët. Luummögø doo puta göör piny yïth ciik mo Parca ki Mëdön ni put bëëtö na bäre bäre ni ba wiil. Ni ö nyeya ni kïth kar Bacti ki dhaagø mo beer mo tïmö na gwanynyø ni kaala gø.

Acther 3:12

'Ba na tïm nïr dwää aciel na apaar kurdäk, Amaan jø wø gööt piny mo nyeya acwøle, ni göörge weeli ki køør mana caan Amaanni, ni løøge gø baŋ wïth dhøgi bëët, ki yi jöör göör mar wï jur man nø yïth mïëri moøgø bëët, ni jääŋ weeli moøgø baŋ kwääri mo mïëri, ki jø kööre, ki bwöthe mo wïth juurre mo nyeya bëët. Weeli moøgø göör ka nyeŋ nyeya ma Ayacewëëröc ni ŋïï mar ogut lweedø mare ogøø dëëtge.

Acther 8:10

Mördekay weeli moøgøøni gööre ka nyeŋ nyeya ma Ayacewëëröc, ni gøøc ge ko ogut lweedø mar nyeya man wø näk ree da ŋïï. Ni jääŋ weeli moøgø tiet mïëri ki jiy mo cäädhi ki bäät okwëënyi mo lääy mo wø rïïŋi døc moa näk opiidhø po nyeya.

Acther 8:3

Køøre Acther acäŋ cäänö ki nyeya, ni päth tiet gø ni jwöŋö ni kwaya gø, nee dee gïn mo tïïe ki man wec gïna raac na tuut Amaanni na käl ri tuuŋ Agaak, na näk ee cïp piny kiper jø Juuth.

Acther 8:8

Ennø, løny ki man göötu baŋ jø Juuth ki nyeŋŋa ki jöö mano raŋŋu ni beerra eni, ni gøøc weeli moøgø ko ogut lweedø mara man wø näk ree da ŋïï man wø gøø dëër wëëlö. Kiper weeli mo awaaci mana gøø piny na göör ki nyeŋŋa, no ogøø ko ogut lweedø mara man wø näk ree da ŋïï, ba løny ki man raanynyi këët.»

Aydheea 10:1

Wui, otïmö ni leth jï jø wø kän wøk ki ciik mo reyø, ki jø wø ŋudö ki luup mo ba tiir,

Daniel 5:28

«PARCIN beeye pääŋŋö, ni tiere beeye na akwöm nyec marï di pääŋŋö ni mëëge jø Mëdön ki jø Parca.»

Daniel 6:12

Køøre jøøgø gena ci nyïm nyeya ni cäänge ki gø kiper ciik moa käl nyeya wøk, ni köge, na «?Aŋø, ï kär kän wøk ki ciik na bëëde ni ŋato lämö ki jwøk mør yïth nïne moø na pïëradäk yøø, wala lama dhaanhø mør ni paa ïïni, ï na nyeya en, eni wär put leeŋ yi buur ŋuuwe?» Ni løgi ya nyeya ni kööe, ni «Yaa, manøgø beeye ciik mo ocemø ni teek, no otïïö ki køør ciik mo jø Mëdön ki mo jø Parca na ciik mo ba pät.»

Daniel 6:15

Køøre jøøgø aci baŋ nyeya ni rege ege kuurö na dhøk ni köge, ni «Wui nyeya, beerra man ŋäyï gø ki man näk mo ï na nyeya en teeŋ ciik mana kälï wøk ki køør ciik mo jø Mëdön ki ciik mo jø Parca ba løny ki man wiili.»

Mathiew 24:35

Maal ki piny opöödhi, 'ba luupa ba dak.