Daniel 6:4 - Wëël Jwøk

⁴ 'Ba kwääri moøgø ki dïbwöthe gena tägö ki man määnyge ki luubö mo kïthge bäät Daniel kiper bëëtö mare yi kwär mar akwöm nyec; 'ba geni bäŋ luubö mo ege joodø mo kïthge bäät gø, wala gïn mo obøth, kiper eni mare adïëri ni bäŋ tïïc mo ee taaø wala gïn mo obøth mo ojoodø baŋe.

Daniel 6:4 Iomraidhean Croise

Wïlöölö 41:38

Ni kö Peerø jï jø tïïe, «?Aŋø, ø doo jïtö ki dhaanhø mo kaala nyeni na dhaanhø mo päŋ ki Jwïëc Jwøk?»

Wïlöölö 43:18

'Ba jøøgø gena lwäyö kiper na kïth geni po Jocep, ni köge, ni «Kanymør per gwel wän, na näk odwøk yïth opïri 'moø dïkwøŋ, ni beeye tiere na käl øøni kany; ni eni manynya man kïth luubö mør bäätø, nee ø tïïe ni øøna laaŋe moe, ni cam arëëni 'moø ni tïmge na moe.»

Pwöc Leec Wïc 29:27

Jøøa marge beer yïthge reyø ki jø wø tïïc gïï mo reyø, ni ö jøøa reyø ni raac yïthge ki jøøa marge thïïŋ.

Luup Dïpööy 4:4

'Ba ajooda møn ni jammi bëët mo wø tïïc ki öölö ki mo wø tïïc bëët ki køør riek waŋ, ööi ka ri këëyö man wø tägi yïthakic dhaanhø ki wati. Manøgø thuwø poot na gïn mo bäŋ tiere ni caala man many jamø nee mak.

Jeremaya 18:18

'Ba jø møøk aköö, ni «Ööu, nøø määnyö ki jöö man raanynyø Jeremaya ki gø. Kiper dïlämme mo wø caan ciik kee nut cøøn, ki jøøa wïthge leer ni wø cïpi ki pwöc, ki nyïïkuk Jwøk mo wø køp luum Jwøk. Ööu nø, nee eni raanynyø ki lëëpø, ni ba ciiø ïthø ki gïn wø caane.»

Jeremaya 18:23

'Ba ï na Wuuö Jwøk, gïï mo pïï ri thøø na tut jøøgø kipera bëët ŋäyï. Kär bääyö marge uumï, ni ba gööbï raay moge wøk nyïmï. 'Ba beerra man ränyge nyïmï, ni kanyo kööï niï wëër yie, wärï tïïï ki gïn mo leth dëëtge!

Jeremaya 20:10

Aani, jiy mo thööth awïnynya ni ge mööŋö ki nyeŋŋa, ni «Kee ena köö, ni ‹Lwär mo dwøŋ, piny opääŋe bäre.› Jäällu eni! Beerra man jäälø eni kiree!» Këël nyïïawääta bëët moa näk yaa ŋäädhö kiree, ge manynya ränynyö mara, ni köge, ni «Kanymør wïïe di maaŋŋø, nee ø jïtö ki jöö man böötø eni ki gø, ni marø cool kwör dëëre.»

Jeremaya 29:7

Ni bëëdu nou manynya bëët-mëër yi pääny mana riema u yie nou mak ki tøŋ; ni lämu jï Wuuö Jwøk kiper bëët päänyögø, kiper bëët-mëër mano en yie oen jïïu thuwø.»

Daniel 3:8

'Ba kar kaagø, da jø Kaldia ma ö nyïm ni ge kïtha bäät jø Juuth ki luubö.

Daniel 5:12

Ŋatøgø na Daniel enø, na nyeŋŋe cak nyeya ni Belthacacör, ajoot na ŋat mo jïre da jwïëy ma wøp, mo tiet jammi ŋääe, mo wïïe kwel, mo tiet lääk di caanø, mo tiet leere di lamø, mo tiet luup mo teek päde pädö. Ennø, beerra man cwøl Daniel nee tier gïna näk ogöörö caane.»

Daniel 6:22

Jwøk mara nyïïatwiel maal mare ajääŋŋe ni mec dhøk ŋuuwe, ni kärge dëëra mooø ki ŋwellø, kiper aana joot ni bäŋ gïn mo yaa baaø nyïme, ni bäŋ gïn mo raac mo yaa tïïö dëërï thuwø, ï na nyeya.»

Mathiew 26:4

ni määnyge ki jöö, kiper nee Jecu makge mëëth ki piny nee 'näkge.

Mathiew 27:18

Kiper ajoode ni kwääc laam ki jaae, marge keec na kälge Jecu baŋe.

Luk 20:20

Kanyøgø nø, ena neetge døc, ni jääkge ki jiy ni cøøkge rege ni keda gena jiy mo marge adïëri, nee jïtge ki luubö mo makge gø ki gø ri gïïo care, nee kïthge nyïm kwääc paac, ŋat wø ŋøl luup, na en teeki cere.

Luk 20:26

Ni tïme ni ba maar lønyø jïge ki man makge gø nyïm jiy ri gïna caane. 'Ba yïthge athäŋŋö ki luumma dwøge, ni putge lïŋö.

Luk 22:2

'Ba kwääc laam ki dïpööye mo ciik Jwøk ge caya jöö man 'näkge Jecu ki gø, kiper ge lwäär ki jiy.

Jøøn 19:4

Kanyøgø Paylat acäŋ ö wøk ni kööe jï jø Juuth, «Neennu, ena käla wøk baŋu en, kiper nee ŋäyu ni bäŋ gïn mo obøth mo yaa joodø baŋe.»

2 Körin 11:12

'Ba gïn wø tïïa nø, aano put bëëtö naa tïïya gø, kiper na acaara mar jø wø cäänö kipera ni wø köö, ni tïïc marge na jääŋ geni ki gø ni töötge kipere enø ni rööma tïïwa, nee raanynya.

Pilipay 2:15

kiper nee bäŋe ajäla mo ö dëëtu, ni bëëtö maru beer, ni uuna nyïï Jwøk mo bäŋ gïn mo jøøŋŋi ri bëëtö maru, kany bëëdu dï jøøi ni reyø ni wïthge teek ni en piny en, jøøo rienynyu dïge keda ceer ni wø meeny piny,

1 Timöthi 5:14

'Ba a doo naa manynya man nywøm mään moø ni therø yøø, ni nywølge ki jiy, ni jekge mïëcge, nee nyimän ba jïte ki jöö man buu øøni ki gø.

Tayta 2:8

na pwöc mo bäŋ ŋat mo jøøŋ gø, kiper nee jø ataa nee wïthge lääge kiper noo bäŋe gïn mo raac mo caange ni yøø tïïö.

1 Piter 2:12

Bëëdu ki bëëtö ma wøp dï juurre, kiper manøgønø, këël ge doo cäänö dëëtu ki gïï mo reyø ni uuna jø raay, nee tïïe moa beyø ni wø tïïyu nee neenge ni jiemge Jwøk dïcäŋo lïïmme.

1 Piter 3:16

Weyu cwïnynyu ni leer, kiper kany wø jany uuni, nee jø wø jany bëëtö maru na beer ki ri Krictø, nee wïthge lääge.

Pïëmme 14:4

'Ba wänni ki menni kucge ni Wuuö Jwøk nut ri luummögø, ni da gïn mo manynye manynyø nee tïïe dëët jø Pilitin. Kiper kar kaaca, jø Icriel bëënna jø Pilitin.

1 Camiel 12:4

'Ba gena köö, ni «Ïïni, wa kärï caannø, ni wa kärï thiel piny, këël gïn mo iï lwørø baŋ dhaanhø mør bäŋgø thuwø.»

1 Camiel 18:14

'Ba Deebit aput bëëtö ni jammi bëët tïïe na karge ni waŋe riek, kiper Wuuö Jwøk nut buute.

1 Camiel 22:14

Køøre Ayemëlëk mare aløøe jï nyeya ni kööe, «?Aŋø, ki røk jø tïïc moï bëët, dhaanhø mo oŋäädhö mo caala Deebit dagø? Kiper beeye eni na cø nyaarï, ï na nyeya, ni beeye ni wø bëëdö na wïth jø lwaa leny mo wø koor ïïni, ni beeye eni na dhaanhø mana näk owøørø paarï.