Daniel 5:7 - Wëël Jwøk

⁷ Ni ö eni na nyeya ni cwöte ki dwøl mo päl nee jøøa nyeŋge reegø, ka ajuuk mo jø Kaldia, ki jø adïëda, käli. Ni cään jø Babiløn moøgø na wïthge leer, ni kööe, ni «Nee da ŋat mo løny ki man kwaan gïn jïra no ogöörö en, ni caan tier gïna cääne kipere, eni dëëre di runynyö ka abïï ma abïcøle, ni kïth cwaage ki tiin warkey, ni tïme na dää kwääri moa näk teek ocïp ceŋge ni wø käär akwöm nyec man.»

Daniel 5:7 Iomraidhean Croise

Wïlöölö 41:8

'Ba na tïme na aruunnø, lääk moi wï Peerø akierge døc. Køøre ena jäägö ni cwøl jiye moa nyeŋge reegø bëët mo Ijep ka ajuuk bëët, ni par lääk moe jïge. 'Ba bäŋ ŋat moo løny jïre ki man caan tier gø jï Peerø.

Acther 3:1

Køør gïïögø, nyeya ma Ayacewëëröc, Amaan wär Amëdatha na käl ri tuuŋ Agaak, acuume na wïth jø kööre moe bëët.

Bwøth Wøk 7:11

Ni ö Peerø ni cwøl jøøa nyeŋge reegø ka ajuuk bëët, ni ö geni thuwø ni tïïcge jap ajuuk ni ŋwaalge ŋïï manøgø.

Pwöc Leec Wïc 1:9

kiper ge tïmö ni caala adun ajiem mo ena wïïï, ni tïmge ni caala jap mïërö mo ena jedhï.

Obeec Dudi 1:10

Täärnyïmï nëëni ni mïërö ki jap mïërö moa näk iï twöö, ni ö cwaagï ni bëëde ni mïërö ki tiik jëëthi moa en yie.

Aydheea 47:13

'Ba ïïna ööl jaak ka acaare moa thööth na kwanyï. Beerra man ö jø wø kwaan ceer, ni wø caan gïï mo poot ena nyïm ki køør ceer ki päär mar dwääy, ni öge maal kuna piemge ïïni cer gïno leth mano ö bäätï.

Jeremaya 50:35

«Ajäl thøw tøŋ oen bäät jø Babiløn, jø wø bëëdö dï Kaldia bäre, ki jøøa kwörge døøŋŋø ki jøøa nyeŋge reegø moe bëët!

Edhikiel 16:11

Aani, ïïna tïïa niï mïërö ki jap mïërö, ni kïtha ceŋŋï ko oguudi, ni kïtha cwaagï ki tii,

Daniel 1:20

'Ba jöör leec wïc bäre ki jöör ŋäc tiet luup moa ö nyeya na pëëny geni ki ge bëët, ajoode na ajuuk ki jø wø nyeŋge reegø ni wø pëënynye yi po nyec mare bäre ege kaalø kwöre apaar.

Daniel 1:4

ni beege wøpe mo bäŋ möönynyö dëëtge, mo mïërö, mo wïthge kwel ni wïthge leer, mo nyeŋge reegø ki kwänynyö, ni tiet luup laara ci wïthge, mo orømø ki man tïïge paan dwøŋ. Ni tïïc geni nee pwönynyi ki göör luubö, ki dhøk mar jø Kaldia.

Daniel 2:2

Køøre nyeya acïpö ki dwøl na ajuuk, ki jøøa nyeŋge reegø, ki jø wø thöödhö ki war, ka ajuuk mo jø Kaldia cwøl ki man caange tier lääk mar nyeya jïre. 'Ba kanya öge na cuŋge nyïm nyeya,

Daniel 2:27

Ni løgi ya Danielli jï nyeya ni kööe, ni «Gïnögø ni tiere okanø enø, gïna pëënynyï, ï na nyeya, ba løny jï jøøa wïthge leer, ki jøøa nyeŋge reegø, ka ajuuk, ki jø adïëda ki man caange tier gø jïrï, ï na nyeya en.

Daniel 2:48

Køøre nyeya kar Daniel aput tïïc ni dwøŋ, ni mooc gø ki muuce mo thööth, ni tïïc gø nee ŋööm Babiløn bäre kääre, ni ena kwäärö thuwø mar jø Babiløn bëët moa nyeŋge reegø.

Daniel 2:6

'Ba ni näk mo lääk you caanø ki tier gïna cääne kipere, u jïtö ki muuce baŋa ki gïr mïn ec, ki wödö mo dwøŋ. Kiper manøgø nø, caannu lääk jïra ki tier gïna cääne kipere.»

Daniel 4:14

Ena rëëdö døc ni caan luupi ii: ni ‹Ŋødu jaadhøgø piny, ni ŋøøru bäädi moe; lweerru bøøge moe, ni kethu nyïïe. Beerra man aac lääc paapi tiere, ni ö wenynyi ni aacge bääte.

Daniel 5:11

Da dhaanhø yi po nyec marï mo jwïëc juu mo ena kur keerge ena bääte. Ki yïth nïne moa beet wäru, ŋatøgø ajoot na ŋat mo kwel wïc, ki leec ŋeth, ki leec wïc mo caala leec wïc mar juu ena bääte, ni ö nyeya ma Nabukedenecör ni beeye wäru, wäru ma nyeya, ni røøny gø na kwäärö bäät ajuuk, ki jøøa nyeŋge reegø, ka ajuuk mo jø Kaldia, ki jø adïëda.

Daniel 5:15

Kawaane waane en, jøøa wïthge leer, ni beege jøøa nyeŋge reegø, gena käli ni öge nyïma kiper nee gïn no ogöörö en kwaange jïra ni caange tier gïna cääne kipere; 'ba kär løny jïge ki man caange luum gïna cääne kipere.

Daniel 5:16

'Ba aani ki dëëra, gïrï awïnynya ki man näk mo løny jïrï ki man caanï tier gïrpiny, ki man pätï tiet luup mo teek. 'Ba ennø, ni näk mo løny jïrï ki man kwaanï gïn no ogöörö en jïra, ni caanï tier gïna cääne kipere, ïïni dëërï di runynyö ka abïï ma abïcøle, ni kïth cwaagï ki tiin warkey, ni tïmï ni ïïna dää kwääri moa näk teek ocïp ceŋge ni wø käär akwöm nyec man.»

Daniel 5:29

Kanyøgø Belthacör aput cïpö ki dwøl, ni ö jiyi ni runyge dëër Daniel ka abïï ma abïcøle, ni kïthge cwaak gø ki tiin warkey, ni putge gööc piny ki luubö kipere ni ki mano täge ennø, ena jïtö ki teek ni ena dää kwääri mo wø käär akwöm nyec.

Kwään Jiy 22:17

Kiper kwär marï odøøya mo dwøŋ, ni gïno caanï jïra jaak tïïa tïïö. Ööï ni cienï jøøi ii jïra.› »

Kwään Jiy 22:7

'Ba jø døøk Möap ki jø døøk Midien gena tïŋŋö, ni ge käädö ki jammi mo cïp na gät tïïc mar acïëni; ni pïïcge baŋ Beelam, ni caange dwør Balak jïre.

Kwään Jiy 24:11

Kiper manøgønø, aa pou kawaane ennø. Aana köö niï daa wøørø døc cøøn na bëëde; 'ba ennø, Wuuö Jwøk wöt marï amäne.»

1 Camiel 17:25

Køøre jø leny mo jø Icriel aköö, na «?Aŋø, nyenøgø ni ööi enø käru joodø? Ka adïëri møn, eni ööa kuna ŋwöe bäät jø Icriel. 'Ba ŋato 'näk nyenøgø, otïïc nyeya na dhaanhø mo okwär døc, ni cïp nyaare jïgø nee tïme na cïïe, ni tïïc dhi øt wää ŋatøgø ni ba cïpi ka ajwäk dï Icriel.»