Daniel 5:3 - Wëël Jwøk

³ Kanyøgø jiy athääk warkie aøømge moa käl wøk ki yi Øt Lam ni beeye Øt Jwøk mana en Jerucalem, ni ö nyeya, ki jø kööre moe, ki määre, ko omëërri moe ni mäthge ki ge.

Daniel 5:3 Iomraidhean Croise

2 Luup Nyeye 36:18

Ni ö jammi bëët mo Øt Wuuö Jwøk, ni beege jammi moa døøŋŋø ki moa therø, ki jammi moa perge leth mo Øt Wuuö Jwøk, ki jammi moa perge leth mo nyeya ki jø kööre moe, ni käli ya nyenynyøgø bëët ni kïth ge Babiløn.

Aydheea 5:14

Kiper manøgønø, kar bëët jwïëc jøøa no othøw, yie di tïïö ni laac, ni jap dhee døc ni päl, ni ö jø Jerucalemmi moa kwörge døøŋŋø, ki jiy moe bëët mo wø lweelli kwör maath, ki mo wø bëëdö ni yïthge met jaak ni wïthge owïl, ni päthge yie.

Jeremaya 50:28

Dwøl owïnyi, ni beeye dööt jiy moo rïŋŋi noo päny wøk ki Babiløn, ni caange cuut kwör mar Wuuö Jwøk, Jwøk marø, yi Dhayan, ni beeye cuut kwör mar øtø mare.

Daniel 5:2

'Ba Belthacör kanya bel køøŋ nyïïomøki, ena put cïpö ki dwøl nee athääk warkie ka athääk gwel-bïrö øømmi moa käl wänni wøk ma Nabukedenecör ki yi Øt Jwøk mana en Jerucalem, kiper nee eni na nyeya, ki jø kööre moe, ki määre, ko omëërri moe nee mäthge ki ge.

Daniel 5:23

'Ba ïïna tïmö niï tïŋa riï maal niï läädö ka Kwääc maal, ni ö jiyi ni øømge athääe mo Øt Lam mare, ni kälge ge nyïmï, ni ö ïïni ki jø kööre moï, ki määrï, kö omëërri moï ni bëëdu ni køøŋ nyïïomøki maathu ka geni; ni tïme nou pwøya juu moa näk tïïc ka gwel-bïrö, ki warkey, ki jwïël, ki nywïënyö, ki jenni, ki kïte, ni beege gïï mo ba rääŋö, mo ba wïnyö, ni bäŋ gïn ŋäcge. 'Ba Jwøk, na näk jwïëc kwøw moï ena cere, ki jïëth tïïe moï, kärï jiemø.

Daniel 5:4

Kanya mäthge, marge atïmö ni ge pwøya juu moa näk tïïc ka warkey, ki gwel-bïrö, ki jwïël, ki nywïënyö, ki jenni, ki kïte.

Odheea 2:8

Kiper kuue ki man näk mo bee aani ni wø mooc gø ki beel, ki køøŋø mo met, ki maaw, ni wø cïp gwet-bïrö ki warkey ni thööth jaak jïgø, jap wø kønyge dëëtge ki ge ki man jiiŋge jwøge man wø cwøl ni Baal.

Abakuk 1:11

Køøre ki kany mo thiinh ge puta nimany kaamar jamø, ni laarge pöödhö. 'Ba ge di kwaanø ni geno bääyö, ge na teek marge ege tïïö na jwøk marge.»

Milkiya 1:12

Ni cäŋ Wuuö Jwøki köö, «'Ba nyeŋŋa araanynyu kiper na kööu, ni ‹Gïn wø cïp olämme bääte mar Wuuö Jwøk bäŋ gïn mo wøør ree, ni caammi mo wø cïp bääte beege moa no oränynyö jaak.›

1 Thecalönika 5:3

Kanyo kö jiyi ni «Kawaane nuta bëët-mëër ni bäŋ thøø këët,» kanyøgø beeye kanyo ö thøøe noo neelïm bäätge kaamar dhaagø mo yie da dhaanhø mo ogøøc mäc lwaarri, ni bäŋ ŋat mo bøth.

Pïëmme 19:1

'Ba yïth nïra beet jø Icrielli ni bäŋ nyeya jïge, da nyen mør ma nyï tuuŋ Libay mo bëëdö na wëëllö paana en teegø na en mïëya en bäät kïte na en kur jø tuuŋ Ipariem; ni nyenøgø jïre da dhaagø ma akwanya mo joode Bethelem na en Juuda.