Daniel 5:28 - Wëël Jwøk

²⁸ «PARCIN beeye pääŋŋö, ni tiere beeye na akwöm nyec marï di pääŋŋö ni mëëge jø Mëdön ki jø Parca.»

Daniel 5:28 Iomraidhean Croise

2 Luup Nyeye 36:23

ni «Man beeye dwør Kiröc nyeny Parca, ena köö, «ni ‹Wuuö Jwøk, Jwø maal, mïëri moa en bäät piny bëët anø cïbe jïra, ni nø tïïc aani nee eni gëënna ki øtø yi Jerucalem na en Juuda. 'Ba ennø, ŋat ma dhaanh Wuuö Jwøk mo ena dïïu kaagø, beerra man ö Wuuö Jwøki Jwøk mare ni bëëde ki eni, ni ö eni ni ci Jerucalem.› »

Aydheea 13:17

«Neennu, jø Mëdön tïïa tïïö nee öge maal bäätge, ni beege jøøa näk ba løny ki cøøgø ki man ŋeei ki gwel-bïrö, wala di nøønø ki warkey.

Aydheea 21:2

Luubö mo teek anyooth jïra ki yi wïïa na ennø nø: Ni ŋat wø tïïc gïï mo reyø ki piny poot bëëdö ni tïïya ge, ni ö dïräänyi ni bëëde ni poot räänyö. Wui, u na jø Ilam ki jø Mëdön, ööu maal ni cou ni cielu Babiløn dïër; Wuuö Jwøk gïïa tïïc jø Babilønni na wëëk jø møøk cooyø otïïe nee cuŋge.

Aydheea 47:11

'Ba gïï mo reyø otägi dëërï, ni tïme ni ba løny jïrï ki man kälï riï wøk ki køør jap ajuuk; ni ö gïï mo leth ni päthge bäätï, ni tïme ni ba løny ki man paanyï ge, ni ö ränynyö mo kanya käl yie kuyï ni ö bäätï ni cwöba riï.

Jeremaya 25:13

Ni ö luup moa cara bëët kiper ŋöömmögø ni käla ge bääte, ni beege luup moa no ogöör piny yi wëëlli en na car Jeremaya dëët wïth juurre bëët.

Jeremaya 51:28

Wïth juurre wär jiiŋŋu kiper leny nee Babiløn tukge, ni beege nyeye mo jø Mëdön, ki kwääri ki jø kööre moge, ki mïëri bëët moa en tietge.

Daniel 2:32

Gïnögø no otïïö na kït dhaanhø enø, wïïe beeye warkey mana tøŋ, ni kööre ki bääte beeye gwel-bïrö, ni yie ki ämme beeye jwïël,

Daniel 2:39

«'Ba køørï da akwöm nyec mo ööa maal mo thiinhnha eni ki marï. Køør manøgø beeye dää akwöm nyec mo mar jwïël, mano käär piny bäre.

Daniel 5:31

ni ö Dariöci nyï Mëdön ni lwør nyec ni cwiiri moe pïërabïciel ka ariiø.

Daniel 6:28

'Ba Daniel, ena bëëdö ni bëëtö mare beer yïth cwiiri moa beet nyeya ma Dariöc, ki yïth cwiiri moa beet nyeya ma Kiröc nyï Parca.

Daniel 6:8

Ennø, ï na nyeya en, kän wøk ki ciik mo gööra piny, ni kïthï ŋïï marï bääte kiper nee ba wiil, ni tïïyï ka køør ciik mo jø Mëdön ki mo jø Parca na ciik mo ba pät.»

Daniel 8:20

Nywø røømmø mana jootï na näk jïre da tuŋi ariiø, nyootha nyeye mo jø Mëdön ki mo jø Parca.

Daniel 9:1

Kanya tïme na yi cwiir mana dïkwøŋ mar Dariöc wär Ayacewëëröc na käl røk jø Mëdön, ŋata røøny na nyeya mar akwöm nyec mar jø Babiløn,

Moa Tïïc Nyïïatwieli 2:9

Jø Parthia, ki jø Miith, ki jø Ilam, ki jø wø bëëdö yi Mecöpatemia, ki Judia, ki Kapadöcia ki Pønta ki Eecia,