Daniel 5:23 - Wëël Jwøk

²³ 'Ba ïïna tïmö niï tïŋa riï maal niï läädö ka Kwääc maal, ni ö jiyi ni øømge athääe mo Øt Lam mare, ni kälge ge nyïmï, ni ö ïïni ki jø kööre moï, ki määrï, kö omëërri moï ni bëëdu ni køøŋ nyïïomøki maathu ka geni; ni tïme nou pwøya juu moa näk tïïc ka gwel-bïrö, ki warkey, ki jwïël, ki nywïënyö, ki jenni, ki kïte, ni beege gïï mo ba rääŋö, mo ba wïnyö, ni bäŋ gïn ŋäcge. 'Ba Jwøk, na näk jwïëc kwøw moï ena cere, ki jïëth tïïe moï, kärï jiemø.

Daniel 5:23 Iomraidhean Croise

Wïlöölö 14:19

Eni Abram agwïëdhe, ni kööe, ni «Gwïëth oen bäät Abram na näk dhaanh Jwøa Dwøŋ ni en Maal, Jwøa en maalli cere ki piny;

Wïlöölö 2:7

Ni ö Wuuö Jwøki ni cwääc dhaanhø ri ŋøøp piny, ni kooth jam kwøw um dhaanhø, ni tïm dhaanhe ni ree da jwïëy mo kwøw.

2 Nyeye 14:10

'Ba ennø møn, jø Ëdöm anø böötï ni jït cwïnyï ka atöör. Beerra man mïn yiï ka ajiem mana jootï ni bëëdï paarï. ?Aŋø ni manynyï gïn mo raac en, mo ïïni ki jiyï ma jø Juuda u thum ki gø?»

Jööp 12:10

Jwïëc gïïa kwøw bëët ena cere, ni bee eni na tïïc jiy bëët nee jwïëcge.

Jööp 31:4

?Aŋø, Jwøk, uutjïëth bëëte 'moa bäŋ wø raŋŋe, ni kwar kwör cääthe mo tieta bëët?

Pwöc Leec Wïc 20:24

Jöör bëët dhaanhø ena cer Wuuö Jwøk; ?a dhaanhø, øtjööre a dee gø ŋääö keere nidïï?

Aydheea 13:11

'Ba a na Wuuö Jwøk, piny jääla jäälö kiper rääö mare, ni jääla jø raay kiper raay moge. Aani thuwø, jø atöör, atöör marge raanynya raanynyø, ni ö bëët koorrø mar jøøa no ogäy ni dwøga gø piny.

Aydheea 14:13

'Ba ïïni, ïïna köö ki yi cwïnyï, ni ‹Aani, a etha maal, ni tïïa wälu mara ni ena ŋäth ceer mo Jwøk, ni pïïa piny bäät kïn wø cooŋ røk bääte, naa ena kanya en maal kuya wï-piny.

Aydheea 2:12

'Ba Wuuö Jwøk, eni na wïth jammi bëët, da cäŋ ajäla mare mo ööa bäät jø atöör ki jø wø tïŋ dëëtge maal mo ge dwøge piny yie,

Aydheea 33:10

Køøre Wuuö Jwøk aköö, ni «Ennø, a ööa maal, ni wëëga nyeŋŋa jiem, ni tïŋa nyeŋŋa maal.

Aydheea 37:19

ni nø leeŋge juu mo jøøgø yi maac, kiper ge paa juu cøøn, 'ba gena gïï mo tïïc jiyi ka ceŋge, ni beege jen ki kïte jaak. 'Ba gena put nyeye mo Aciria raanynyø møn.

Aydheea 37:23

?Aŋa nø na päätï na janynyï? ?Aŋa na kwöŋŋï bääte, na ŋuuï nyeŋŋï wøk bääte niï töödö? ?Paa bääta, a na Jwø Icriel na en kur keere?

Aydheea 42:5

Wuuö Jwøk, eni na cwääc maal ni ee peerø, na cwääc piny ki japa no otuy na en yie, eni na tïïc jiy nee bëëtge ni ge jwïëy bäät piny, na cïp kwøw jï jiy mo wø cäädhi bäät piny, ena köö,

Jeremaya 10:23

Wui Wuuö Jwøk, ŋääa ni bëët dhaanhø ba en cere keere, ni patha dhaanhø ki dëëre ni wø neet kwör wø caadhe.

Jeremaya 48:26

«Möap wär maathu ki køøŋø ni meere, kiper eni dëëre atïïe ni dwøŋ bääta, a na Wuuö Jwøk; Möap oŋïëli yïth ŋwøk moe, ni ö jiyi ni ŋïërge bääte.

Jeremaya 50:28

Dwøl owïnyi, ni beeye dööt jiy moo rïŋŋi noo päny wøk ki Babiløn, ni caange cuut kwör mar Wuuö Jwøk, Jwøk marø, yi Dhayan, ni beeye cuut kwör mar øtø mare.

Jeremaya 50:29

Wuuö Jwøk aköö, ni «Jø wø këëdi ka athëëre bëët wär cwøllu, nee öge ni ge thööth kuna tukge Babiløn. Twëëre mou wär tïïyu deŋ kiir mare bäre; kär dee ŋat mo päär wøk. Teeŋ gïna tïïe, coollu dëëre, ni tïïyu ka køør gïïa tïïe bëët; kiper dëëre atïïe ni dwøŋ bäät Wuuö Jwøk, Jwø Icriel na en kur keere.

Edhikiel 28:17

Ïïna tïmö niï töödö ki cwïnyï ki køør mïërö marï, ni wëëgï leec wïc marï ränynyö ki køør beer marï. Kiper manøgønø, ïïna leeŋa piny yïth ŋøøm; ni wëëga ïïni cïp nyïm nyeye niï raŋge.

Edhikiel 28:2

«Wär dhaanhø, caanï jï nyeny Tayar ni kööï ni luumma caan Kwäärö Wuuö Jwøki bee en, ena köö, «ni ‹Kiper mana näk miï töödö ki cwïnyï, ïïna cäänö kiper dëërï, ni kööï, ni «Aana Jwøk, aana nø pï piny bäät wälu mar Jwøk dï naama dwøŋ.» 'Ba ïïni, ïïna dhaanhø, ï patha Jwøk, këël na cädï ki cwïnyï ni wïïï leer kaamar Jwøk.

Edhikiel 28:5

Ki køør mana bëëdï ni waŋï riek døc ki gath, jap kwärö moï athöönhnhö, ni ö atöörri ni døøŋŋe cwïnyï kiper jap kwärö moï.

Edhikiel 31:10

«Kiper manøgønø, man beeye luumma caan Kwäärö Wuuö Jwøki kiper jaadhøgø, ena köö, ni ‹Kiper mana bäny jaathi manøgø ni lwinhnhe okëët yïth pøøl, ni jït cwïnye ka atöör kiper bär mare,

Daniel 11:12

'Ba kanyo ö lwaa leny manøgø noo maai ki tøŋ, nyeny jï løø Tier-Piny cwïnye jïtö ka atöör mo ena maal døc, ni 'näk jiy ma kume. 'Ba eni ba böödö.

Daniel 4:37

Kawaane a na Nabukedenecör, a pwøya nyeya mar maal, ni tïŋa nyeŋŋe maal, ni jiema eni, kiper tïïe moe bëët beege adïëri, ni jïëth tïïe moe tiir, ni eni løny jïre ki man dwøk jiy piny mo wø bëëdö ni cwïnyge da atöör.

Daniel 8:11

Eni dëëre atïŋ maal ni døøc dëëre mo dwøŋ ni päär dëëre ki Kwääc lwaa gïïa en maal, ni ö olämme mo wø cïp cooth jï Kwääc lwaa gïïa en maal ni män ge, ni päät kar lam na en kur keere.

Abakuk 2:4

«Ka adïëri møn, ŋat atöör bäŋ bëëtö mo tiir yi cwïnye, 'ba ŋata mare beer kwøw ki køør ŋäädhe mare.

Moa Tïïc Nyïïatwieli 17:25

Ni eni ba tïny jiyi ki ceŋge, kee da gïn manynye, kiper bee eni ki dëëre ni wø cïp kwøw jï jiy bëët, ki jwïëy, ki jammi bëët.

1 Körin 8:4

Kiper manøgønø, mar luum olämme mo wø ŋaal ni wø cïp jï gïï wø lam ni wø cam, ŋääø ni gïn wø lam patha gïn ma adïëri pinyi en, ni bäŋ Jwøk mør, 'ba beeye aciel keere.

1 Timöthi 3:6

'Ba eni kär näk ŋat mo kanya jïëe yie poot cään, kiper kanymør cwïnye laara jïtö ka atöör, ni päth ya ajäla kaamar anägö.

Ibaru 4:13

'Ba bäŋ gïn mo okanø røk moa no ocwääö bëët, 'ba jammi bëët ena wøgø, ni nëënö jï Jwøk jaak, eni noo cuŋŋø nyïme.

Mana Nyooth 9:20

'Ba jøøa dööŋ, na näk kär thøw ki jap räny piny moøgø, cwïnyge kärge løø ki man wecge wøør gïïa tïïcge ki ceŋge, ni ba wecge wøør anäge, ki gïï wø lam mo warkey, ki gwet-bïrö, ki jwëëlli, ki kïdi, ki jaath, gïï wø bäŋ gïn mo maarge raŋ, ni ge ba wïnyö, ni ge ba cäädhi.

Pïëmme 16:23

Køøre kwääri mo jø Pilitin rege acooŋge ni cïpge ki lääy mo thööth no olämi jï jwøge ma Dagön, ni jïtge ki met ec, ni köge, ni «Jwøk marwa, Camcøn ŋata bëëdö na nyïïmän marwa acïp ceŋwa.»

1 Camiel 17:26

Køøre Deebit acäänö ki jøøa cuŋŋö buute kaagø, ni kööe, na «?Agïnaŋø noo tïïc jï ŋato käl ajøøŋ wøk bäät jø Icriel ki køør mano 'näk nyï Pilitin manøgø? ?Aŋø, nyï Pilitin manøgø ni kär daŋø enø aŋa, ni ŋwöö bäät jø leny mo Jwøa kwøw en?»

1 Camiel 17:36

Aani, a na dhaanhnhï, aano nääö ki teeŋ lääy moøgø; 'ba nyï Pilitin manøgø ni kär daŋø enø, nääa nääö kaawat mana nääa teeŋ lääyögø, kiper mana ŋwöe bäät jø leny mo Jwøa kwøw.»