Daniel 5:20 - Wëël Jwøk

²⁰ 'Ba kanya tïm cwïnye ni ena maal ka atöör, ni jwïëy moe bëënna koorrø, ni töödö bäät jiy, ena käl wøk ki bäät wäl nyec mare, ni ö ajiemmi mare ni lwøri baŋe.

Daniel 5:20 Iomraidhean Croise

2 Nyeye 17:14

'Ba jø Icriel ki jø Juuda luummögø kärge wïnynyö, ni bëëtge ni wïthge teek kaamar kwäcge, na kär Wuuö Jwøk, Jwøk marge, ŋäädhö.

2 Luup Nyeye 32:25

'Ba Edhekaya bäŋ pwøc mo ee dwøgø jï Wuuö Jwøk na kar gïna beer na joode, kiper cwïnye ajïtö ka atöör. Kiper manøgønø, wëëc Jwøk aö bääte ki bäät jø Juuda ki jø Jerucalem.

2 Luup Nyeye 36:13

Ni gëëme thuwø ki nyeya ma Nabukedenecör, ŋata tïïc gø nee kööŋe nyïm Wuuö Jwøk. Ni tïïc wïïe ki cwïnye ni teek ki man løø nyïme baŋ Wuuö Jwøk, Jwø Icriel.

Bwøth Wøk 18:11

Kawaane ajooda møn ni Wuuö Jwøk dwøŋŋa eni ki juu bëët, kiper køny manøgø atïïe kiper atöör mana tïïc jø Ijepi bäät jø Icriel.»

Bwøth Wøk 9:17

Ennø, dëërï poot iï thïïŋö bäät jiya, ni mänï geni ki man aacge.

Bwøth Wøk 9:7

Ni ö Peerø ni jääk kanya bëët jø Icrielli yie, ni wïny gø ni bäŋgø mo othøw wala aciel røk lääc paac mo jø Icriel. 'Ba Peerø cwïnye poot bëëdö ni teek, ni käre jø Icriel wiiø nee aacge.

Pwöc Leec Wïc 16:18

Atöör wø bwøtha maal, køøre ki ränynyö, ni ö koorrø ni bwøth maal, køøre ki pädhö.

Pwöc Leec Wïc 16:5

Wuuö Jwøk yie raac ki jiy bëët moa näk cwïnyge da atöör; ka adïëri møn, geni, ge ba bøth ka ajäla.

Aydheea 47:1

«Wui, ï na Babiløn, päänya caal nyakøø mo dëër dïcwøø poot kuue, dää piny ni pïï piny yi tør. Wui, ï na Babiløn, pï piny yïth ŋøøm jaak ni patha bäät wälu. Kiper ï ba cwøl këët niï mïërö niï jwøny.

Jeremaya 13:18

'Ba Wuuö Jwøk aköö jïra, ni «Kööï jï nyeya ki menni ma gwanynyø, ni ‹Weyu wälu ni tïmu ni uuna jiy mo ena piny, kiper adun ajiem maru akäl wøk wïthu.›

Jeremaya 19:15

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Ka adïëri møn, aani, gïïa leth bëët na nø caana käla bäät pääny man ki bäät mïëri bëët moa en deŋŋe, kiper wïthge adøøcge mo teek ni kweerge ki man cekge ïthge ki luup 'moa.› »

Jeremaya 48:18

«Wui, u ni wø bëëdö Dibön, u ööa wøk ki kwör ajiem mou, ni bëëdu yi ŋöömö mo lïëth mo yie da riew. Kiper jøw raany pou ma Möap ööa kuna tukge uuni, ni raanyge kwör gwøk røk mou moa näk ogeerø ni teek.

Edhikiel 30:6

«'Ba man beeye luumma caan Wuuö Jwøki, ena köö, « ‹Ka adïëri møn, jiy mo wø cwak Ijep ge pädhö, ni ö teeki mar Ijep man wø tööde kipere ni døø piny; ki mano täge ki jø Migdöl këël mano këët baŋ jø Acwan, ge di nääö ko opëëllö yi Ijep. Luummögø caana aani, a na Kwäärö Wuuö Jwøk.

Edhikiel 31:10

«Kiper manøgønø, man beeye luumma caan Kwäärö Wuuö Jwøki kiper jaadhøgø, ena köö, ni ‹Kiper mana bäny jaathi manøgø ni lwinhnhe okëët yïth pøøl, ni jït cwïnye ka atöör kiper bär mare,

Daniel 11:36

«'Ba nyeya tïmö ni tïïya gïno met yie ki gø jaak, ni tïŋ dëëre maal ni dwøŋŋa eni bäät juu bëët, ni cääne ki luup mo thäŋa ec dëër Jwø wïth juu. Eni bëëdö ni bëëtö mare othur kare, këël kanyo ö kar wëër mar Jwøk noo pääŋe, kiper gïna no onøŋøl, tägö møn.

Daniel 4:26

Dwøl mana caan ni gutö mar jaath ki lweedi moe wär wec, nyootha gø na akwöm nyec marï di duuö jïrï kanyo ŋäyï gø ni teek mar käär jiy ena maal.

Daniel 4:28

Gïï bëët ii, beege gïïa tägö dëër nyeya ma Nabukedenecör.

Daniel 4:37

Kawaane a na Nabukedenecör, a pwøya nyeya mar maal, ni tïŋa nyeŋŋe maal, ni jiema eni, kiper tïïe moe bëët beege adïëri, ni jïëth tïïe moe tiir, ni eni løny jïre ki man dwøk jiy piny mo wø bëëdö ni cwïnyge da atöör.

Daniel 8:8

Køøre nywø ateea manøgø dëëre aput døøc mo dwøŋ døc, 'ba kanya bëëde ni teek, tuuŋ mare mana dwøŋ atoor, ni ö kare ni twöe ki tuŋi aŋween mo nëënö jaak, ni wïthge ege løø but piny karge ŋweeri kwör wø kwön jam maalli ki yïthge.

Luk 18:14

«A cäänna uuni, ni ŋatøgø aaa paare no ojïëö ni mare beer, ni kwier maya. Kiper jiy bëët mo wø døøc dëëtge mo døøŋŋø, odwøk piny. 'Ba ŋat wø døøc dëëre mo can, otïïc ni dwøŋ.»

Ibaru 3:13

'Ba beerra man köömmu røgu keeru cooth, kany poode na dïcäŋi en, nee bäŋe ya dhaanhø aciel dïïu mo cwïnye tïmö ni teek kiper mano cøøgi ya raayi.

1 Camiel 6:6

?Aperŋø na tïïyu cwïnynyu ni teek kaawat mana tïïc jø Ijepi ki nyenyge ma Peerø na døøcge cwïnyge mo teek? ?A kanya ö Jwøki na nyooth teek mare bäätge, jø Icriel kärge wiiø nee aacge, ni ö jiyi ni putge tïŋŋö?