Daniel 5:2 - Wëël Jwøk

² 'Ba Belthacör kanya bel køøŋ nyïïomøki, ena put cïpö ki dwøl nee athääk warkie ka athääk gwel-bïrö øømmi moa käl wänni wøk ma Nabukedenecör ki yi Øt Jwøk mana en Jerucalem, kiper nee eni na nyeya, ki jø kööre moe, ki määre, ko omëërri moe nee mäthge ki ge.

Daniel 5:2 Iomraidhean Croise

2 Camiel 9:7

Køøre Deebit aköö jïgø, ni «Kärï lwäyö; ka adïëri møn, mëër mara nyoodha nyoodhø jïrï ki køør mëër mana en yïthakicwa ki wäru ma Jönathan; ni ö pwöthi bëët moa näk mo kwaru ma Cøøl ni duua ge jïrï. 'Ba ïïno put bëëtö niï cämö ki aani cooth.»

2 Nyeye 24:13

Ni ö nyeny Babilønni ni käl jammi moa perge leth bëët kaace moa no okanø yi Øt Wuuö Jwøk, ki moa no okanø yi øt nyeya, ni ŋør jap paac bëët moa näk tïïc ka warkey na tïïc Cølömanni nyeny Icriel yi Øt Wuuö Jwøk. 'Ba gïïögø atägö kaawat mana caan Wuuö Jwøki.

2 Nyeye 25:15

'Ba kwääy jø koor thuwø, athääe mo wø käär mäc ki geni ki kuure moa näk tïïc ka warkey mo tøŋ ki moa näk tïïc ki gwel-bïrö mo tøŋ akäle.

2 Luup Nyeye 11:20

Køøre Reeyöböm Maika nya Abëcëlöm anywøme thuwø, ni nyööde ko obwöre ki gø, ni beege Abaaja, ka Attay, ki Jija, ki Cëlömith.

2 Luup Nyeye 15:16

'Ba nyeya ma Aca teek gwac mar menni ma Maika akäl wøk cer gø, kiper menni atëëŋö ki kït gïn mo määnö mo di lamø mo ocaa ri jwøa cwøl na Acara. 'Ba Aca kït gïna määnö na näk di lamø mar menni akäl wøk, ni kaaŋ gø na thäŋi, ni waaŋ gø waŋ Naam Kidaran.

2 Luup Nyeye 36:10

'Ba kanya tïme ni piny arïïa, nyeya ma Nabukedenecör aöönnö ki jiy ni käl Jöakin ki jammi moa perge leth mo Øt Wuuö Jwøk ni kïth ge baŋe Babiløn, ni tïïc Cëdëkiya cöök wää Jöakinni na nyeya bäät Juuda ki Jerucalem.

2 Luup Nyeye 36:18

Ni ö jammi bëët mo Øt Wuuö Jwøk, ni beege jammi moa døøŋŋø ki moa therø, ki jammi moa perge leth mo Øt Wuuö Jwøk, ki jammi moa perge leth mo nyeya ki jø kööre moe, ni käli ya nyenynyøgø bëët ni kïth ge Babiløn.

Edhera 5:14

Eni thuwø jap paac moa no otïïö ki warkey ki gwel-bïrö na näk mo Øt Jwøk na no 'okäl Nabukedenecörri wøk ki yi Øt Jwøk Jerucalem, ni kïth ge øt jwøe Babiløn, japøgø alwør nyeya ma Kiröc øt jwø Nabukedenecör na en Babiløn, ni cïp ge jï dhaanhø mo cwøl ni Cëëcabacar mo ee røønyø na kwääc tïïc.

Jeremaya 27:7

Ni ö wïth juurre bëët ni bëëtge ni gena laaŋe moe, eni ki wääde, ki nyikwaare, këël mano päŋ cwiiri moa kwaan kiper akwöma mare. Køøre wïth juurre mo thööth ki nyeye mo døøŋŋø eno tïïcge na laŋŋø marge.

Jeremaya 50:35

«Ajäl thøw tøŋ oen bäät jø Babiløn, jø wø bëëdö dï Kaldia bäre, ki jøøa kwörge døøŋŋø ki jøøa nyeŋge reegø moe bëët!

Jeremaya 52:19

'Ba kwääy jø koor, jammi moa näk tïïc ka warkey mo tøŋ ki gwel-bïrö mo tøŋ 'akäle, ni beege cäänne, ka athääe mo wø käär mäc ki geni, ki kuure, ki dhiithe, ki gïï wø cïp lambae bäätge, ka apät, kö ogubääye mo wø thii køøŋø piny ki geni.

Daniel 1:2

'Ba Kwäärö Wuuö Jwøk Jeyöakëm nyeny Juuda acïp cer Nabukedenecör ki jap Øt Jwøk møøk, ni ö Nabukedenecörri ni kïth geni yi ŋööm Cinaar yi øt jwøe, ni kïth jap Øt Jwøk kar kän yi øt jwøe.

Daniel 5:11

Da dhaanhø yi po nyec marï mo jwïëc juu mo ena kur keerge ena bääte. Ki yïth nïne moa beet wäru, ŋatøgø ajoot na ŋat mo kwel wïc, ki leec ŋeth, ki leec wïc mo caala leec wïc mar juu ena bääte, ni ö nyeya ma Nabukedenecör ni beeye wäru, wäru ma nyeya, ni røøny gø na kwäärö bäät ajuuk, ki jøøa nyeŋge reegø, ka ajuuk mo jø Kaldia, ki jø adïëda.

Daniel 5:13

Kanyøgø Daniel aput kïth nyïm nyeya, ni ö nyeya ni cääne ki gø ni kööe, ni «?Beeye ï Daniel na en røk jøøa mak ki tøŋ Juuda, na käl wära ma nyeya ki yi Juuda?

Daniel 5:18

«Wui nyeya, Jwøa Dwøŋ ni en Maal wäru ma Nabukedenecör amooe ki teek nyec, ki dööŋ kar, ka ajiem, ki wödö.

Daniel 5:23

'Ba ïïna tïmö niï tïŋa riï maal niï läädö ka Kwääc maal, ni ö jiyi ni øømge athääe mo Øt Lam mare, ni kälge ge nyïmï, ni ö ïïni ki jø kööre moï, ki määrï, kö omëërri moï ni bëëdu ni køøŋ nyïïomøki maathu ka geni; ni tïme nou pwøya juu moa näk tïïc ka gwel-bïrö, ki warkey, ki jwïël, ki nywïënyö, ki jenni, ki kïte, ni beege gïï mo ba rääŋö, mo ba wïnyö, ni bäŋ gïn ŋäcge. 'Ba Jwøk, na näk jwïëc kwøw moï ena cere, ki jïëth tïïe moï, kärï jiemø.

Daniel 5:3

Kanyøgø jiy athääk warkie aøømge moa käl wøk ki yi Øt Lam ni beeye Øt Jwøk mana en Jerucalem, ni ö nyeya, ki jø kööre moe, ki määre, ko omëërri moe ni mäthge ki ge.

Daniel 5:30

'Ba kanya tïme na dïwäänögø kiree, Belthacör aput 'näk, eni na nyeny jø Babiløn,

Daniel 5:4

Kanya mäthge, marge atïmö ni ge pwøya juu moa näk tïïc ka warkey, ki gwel-bïrö, ki jwïël, ki nywïënyö, ki jenni, ki kïte.

Kwään Jiy 7:79

Muuce moa cïbe beege caani aciel mo tïïc ka gwel-bïrö mo peek mare beeye rumme ma dïpa ki pïëradäk mar rumi mana cwøl ni cekel, no orømø na kare ki køør rumi mar kar lam na en kur keere; ki kuura aciel mo tïïc ka gwel-bïrö mo peek mare beeye rumme ma pïërabïriiø mar rumi mana cwøl ni cekel. Cäänne moøgø na ariiø yøø yïthge päŋ ki muunni mo pøøth mo ojääbö ki maaw na muuy mar beel.