Daniel 5:19 - Wëël Jwøk

¹⁹ 'Ba kiper dööŋ kar mana cïbe jï gø, wïth jiy bëët, ki wïth juurre bëët, ki teeŋ wïth dhøgi bëët, gena bëëdö ni ge lwäär ni dëëtge kwanynyi nyïme. Ni ŋata manynye nee nääe, nääe nääö, ni ŋata manynye nee bëëde ni kwøw, wiie wiiø, ni ŋata manynye nee cuume, cuume cuumö, ni ŋata manynye nee dwøk piny, dwøge piny.

Daniel 5:19 Iomraidhean Croise

2 Nyeye 25:28

Ni cääne ki luubö mo beer ki gø, ni tïïc wälu mare ni pöödha eni ki mo nyeye møga moa bëëdö ki eni Babiløn.

Pwöc Leec Wïc 16:14

Wëër mar nyeya caala thøø mo ööa bäät dhaanhø, 'ba dhaanhø mo wïïe leer, cwïny nyeya wø dwøge piny.

Luup Dïpööy 8:3

Kärï läädö ki man paanyï dëërï buut nyeya. Kärï dwätö ki jiy mo tïïya gïn mo raac, kiper løny jï nyeya ki man tïïc gïna met yie ki gø jaak.»

Edhikiel 31:11

aani, ena cïba cer nyenynya teek na en bäät wïth juurre, ni jääl gø ki køør japa reyø na tïïe. 'Ba ena puta kwier,

Daniel 11:12

'Ba kanyo ö lwaa leny manøgø noo maai ki tøŋ, nyeny jï løø Tier-Piny cwïnye jïtö ka atöör mo ena maal døc, ni 'näk jiy ma kume. 'Ba eni ba böödö.

Daniel 11:16

'Ba ŋato tuk paac tïmö ni tïïya mano met yie ki gø, ni bäŋ ŋat mo løny jïre ki man cuŋŋe ki gø. Eni tiere këëlle piny yi ŋööm wø cwøl ni Mïërö, ni cere da teek man raany paac ki gø.

Daniel 11:3

Køøre nyeya mo teek, dëëre di thïïŋö ni käär piny ki teek mo dwøŋ, ni bëëde ni tïïya mano manynye jaak.

Daniel 11:36

«'Ba nyeya tïmö ni tïïya gïno met yie ki gø jaak, ni tïŋ dëëre maal ni dwøŋŋa eni bäät juu bëët, ni cääne ki luup mo thäŋa ec dëër Jwø wïth juu. Eni bëëdö ni bëëtö mare othur kare, këël kanyo ö kar wëër mar Jwøk noo pääŋe, kiper gïna no onøŋøl, tägö møn.

Daniel 3:29

Kiper manøgønø, aani, ciik man ŋøla beeye en: Noo dee jiy, ki wï jur, ki wïth dhøgi møøk mo cäänö ki luubö mo paa kare dëër Jwø Cidarak ki Micak ka Abedenagø, ge di tøyø na bulli, ni ö uudi moge ni tïï na wïthur. Kiper ki man bëëde cøøn en, bäŋ Jwøk mo jiy ee piemø ki øtjöö mo caala man nø.»

Daniel 3:4

Køøre nyïïatwiel marge luubö aput gøø piny ni dwøre ena maal: ni «Wui, u na wïth jiy ma teeŋi, ki u na wïth juurre, ki u na wïth dhøgi, man beeye gïna kööm uuni ki gø nou tïïyu:

Daniel 3:6

'Ba ŋato ba këël cøŋŋe piny ni wøør gø, eni put ka leeŋ yi maac mo orubö ni wärri.»

Daniel 4:17

Luummögø beeye mana cem nyïïatwiet maalli, ge na jø koor, ni beeye mana ŋølge, ge na en kur keerge, kiper nee ŋäc jøøa kwøwi ki man näk mo Jwøa Dwøŋ ni en Maal jïre da teek bäät akwöm nyec mo jiy, ni løny ki man cïp gø jï ŋato manynye jaak, ni beeye ŋata kare bäŋgø dï jiy.›

Daniel 4:19

Kanyøgø Daniel, ni wø nyeŋŋe cwøl ni Belthacacör, amak apïte ki kany mo bäär mëëth, ni bëëde ni cwïnye pärö ki køør acaara mare. Ni luup nyeya ni kööe, ni «Belthacacör, lääk manøgø ki tier gïna cääne kipere, kär cwïnyï døøcge mo pärö.» Ni dwøgi ya Belthacacörri ni kööe, ni «Wui nyeya, doo beerra eni ki mana di lääki cäänö kiper jøøa män ki ïïni, ni tier gïna cään lääki kipere doo na poot cäänö kaper nyïïmän moï.

Daniel 4:22

wui nyeya, jaath manøgø beeye ïïni. Kiper ïïna bëëdö ni karï dwøŋ, ni bëëdï niï teek, ni ö dööŋ karri marï ni døøŋŋe ni pïïe maal, ni ö pinynyi bäre ni en cerï.

Abakuk 2:5

Maya thuwø, køøŋø jø atöör wø di cøøgø, ni bëëtge ni ge ba jwöm. Geni cwïnyge ege daadø ni päl kaamar bwör, ni caala thøø ni wø ba köö ni ena rømø. Geni wïth juurre bëët wø lemge lemø na moge, ni ge cooŋa jiy bëët kanya ciel na moge.

Jøøn 19:11

Ni løgi ya Jecu jïre, ni «Jïrï doo bäŋ teek bääta, onää kär wëëk ïïni ki maal. Kiper manøgønø, ŋata cïp aani jïrï, dwøŋŋa ajälle ki marï.»

Wëëlö Mana Göör Pøølli Baŋ Jø Röm 13:1

Wär jiy bëët bëënge jø wø näk ocuumö. Kiper bäŋ cuum mo ba ööi ki baŋ Jwøk. Ni cuumme bëët cuuma Jwøki.

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.