Daniel 5:11 - Wëël Jwøk

¹¹ Da dhaanhø yi po nyec marï mo jwïëc juu mo ena kur keerge ena bääte. Ki yïth nïne moa beet wäru, ŋatøgø ajoot na ŋat mo kwel wïc, ki leec ŋeth, ki leec wïc mo caala leec wïc mar juu ena bääte, ni ö nyeya ma Nabukedenecör ni beeye wäru, wäru ma nyeya, ni røøny gø na kwäärö bäät ajuuk, ki jøøa nyeŋge reegø, ka ajuuk mo jø Kaldia, ki jø adïëda.

Daniel 5:11 Iomraidhean Croise

Wïlöölö 41:38

Ni kö Peerø jï jø tïïe, «?Aŋø, ø doo jïtö ki dhaanhø mo kaala nyeni na dhaanhø mo päŋ ki Jwïëc Jwøk?»

2 Camiel 14:17

«'Ba a na dhaanhnhï, aana köö, ni ‹Beerra man ö dwør nyenynya ni cøm cwïnya, kiper leec wïc mar nyeya caala leec wïc mar nyïïatwiel maal mar Wuuö Jwøk, ni løny jïre ki man ŋøl luubö mana beer ki mana raac. 'Ba ennø, ï na nyeya, Wuuö Jwøk, Jwøk marï, bëëde ki ïïni na aciel.› »

Edhikiel 28:3

Ïïni wïïï leer møn niï kaala Daniel, ni bäŋ luubö mo tiere okanø ki ïïni.

Edhikiel 28:4

Ki køør leec wïc marï ki ŋäc tiet jammi, ïïna jïtö ki jap kwärö kiper dëërï, ni ö warkey ki gwet-bïrö ni cooŋï ge yi øt kän marï.

Daniel 1:4

ni beege wøpe mo bäŋ möönynyö dëëtge, mo mïërö, mo wïthge kwel ni wïthge leer, mo nyeŋge reegø ki kwänynyö, ni tiet luup laara ci wïthge, mo orømø ki man tïïge paan dwøŋ. Ni tïïc geni nee pwönynyi ki göör luubö, ki dhøk mar jø Kaldia.

Daniel 2:11

Ni gïnögø na pëëny nyeya enø beeye gïn mo teek døc, ni bäŋ ŋat mo løny jïre ki man caan gø jï nyeya, ni näk mo paa juu ni wø näk kar bëëtö marge ba en dï jiy.»

Daniel 2:22

Bee eni ni wø nyooth tiet gïï mo ena piny mo okanø; bee eni ni wø ŋäc gïï mo ena yi muudhö, ni tar bëëdö ka eni.

Daniel 4:18

«Manøgø beeye lääk mana jooda, a na nyeya ma Nabukedenecör. 'Ba ennø, ï na Belthacacör en, caan tier lääk jïra; kiper ki man bëëde cøøn en, ki røk jøøa nyeŋge reegø ya akwöm nyec mara, bäŋ ŋat moo løny jïre ki man caan tier lääk manøgø jïra. 'Ba ïïni, løny jïrï, kiper jwïëc juu mo ena kur keerge ena bäätï.»

Daniel 4:5

aana lägö ki lääk, ni put aani tïïc naa lwäär. Kït gïïa jooda kanya bëëda naa ena bäät pëëm niine, ki gïïa nyooth ki yi wïïa, aana tïïcge naa lwäär.

Daniel 4:6

Kanyøgø aana jäägö ki dwøl nee jø Babiløn bëët moa nyeŋge reegø øømmi nee käl nyïma kiper nee tier gïna cään lääki kipere caange jïra.

Daniel 5:14

Ennø, gïrï awïnynya ki man näk mo jwïëc juu ena bäätï, ni ö kwel wïci, ki leec ŋeth, ki leec wïc mo opöödhö ni joodi baŋï.

Daniel 5:7

Ni ö eni na nyeya ni cwöte ki dwøl mo päl nee jøøa nyeŋge reegø, ka ajuuk mo jø Kaldia, ki jø adïëda, käli. Ni cään jø Babiløn moøgø na wïthge leer, ni kööe, ni «Nee da ŋat mo løny ki man kwaan gïn jïra no ogöörö en, ni caan tier gïna cääne kipere, eni dëëre di runynyö ka abïï ma abïcøle, ni kïth cwaage ki tiin warkey, ni tïme na dää kwääri moa näk teek ocïp ceŋge ni wø käär akwöm nyec man.»

Moa Tïïc Nyïïatwieli 12:22

Ni köök jiyi bëët, ni köge, ni «Manøgø beeye dwør jwøk kiree! Patha dwør dhaanhø!»

Moa Tïïc Nyïïatwieli 14:11

'Ba jøøa thööth na en kaagø bëët na neenge gïna tïïc Pøølli, döötge atïŋge maal ni köge ki dhi Laykönia, ni «Juu aö piny baŋø ni caala jiy.»

Moa Tïïc Nyïïatwieli 16:16

'Ba kanya cääthwa ni wa cøøa kar lam, waana røømmø ki nyakøø ma laŋŋø mo dëëre da jwøk mo raac mo wø dëëdö ki jammi, ni eni wø kännö ki jammi mo thööth jï jøøa bëënne ki køør adïëda mare.

Mana Nyooth 3:9

'Ba jøø na jø øt acooŋ Ceethan yøø, ni beege jø wø köö ki tööt ni gena jø Juuth, ni ge path, geno tïïa nee öge ni këëlge cøŋge piny nyïmï, nee ŋäcge naa mëër ki ïïni.