Daniel 4:9 - Wëël Jwøk

⁹ ni «Wui Belthacacör, ï na kwääy ajuuk, aani ŋääa ni jwïëc juu mo ena kur keerge ena bäätï, ni bäŋ gïn mo tiere okanø mo dhäthö jïrï. 'Ba ennø, gïïa nyooth jïra ki yi lääk na jooda, ki tier gïna cääne kipere caanï jïra.

Daniel 4:9 Iomraidhean Croise

Wïlöölö 41:38

Ni kö Peerø jï jø tïïe, «?Aŋø, ø doo jïtö ki dhaanhø mo kaala nyeni na dhaanhø mo päŋ ki Jwïëc Jwøk?»

Aydheea 33:18

'Ba kar kaaca, wïthu oparru ki gïna wara bëëdu nou lwäär ki gø, ni kööu, na «?Aŋø, age ŋata wara bëëdö ni kwaana jammi? ?Aŋø, age ŋata wara bëëdö ni røma jammi? ?Aŋø, age ŋata wara bëëdö ni kwaana uut koor moa no ogeerø ni ena maal?»

Aydheea 54:14

Tierï okëët piny yi bëëtö mo tiir, ni tïm karï ni bäär ki caannø; kiper ï tïmö ni bäŋ gïn mo lwäärï, ni ö adigööŋ lwär ni daak ree buutï, ni tïme ni ba løny ki man nyänh buutï.

Edhikiel 17:23

Eni piidha bäät kïdi mana bäär døc ni beeye kïdi mar Icriel. Eno jïti ki bäädi ni nywøle ki nyïëdi ni tïme na jaath mo mïërö mo pere leth. Teeŋ weny bëët geno gëët bääte ki uudi, ni tïm bäädi moe na tïpö jïge.

Edhikiel 28:3

Ïïni wïïï leer møn niï kaala Daniel, ni bäŋ luubö mo tiere okanø ki ïïni.

Daniel 1:20

'Ba jöör leec wïc bäre ki jöör ŋäc tiet luup moa ö nyeya na pëëny geni ki ge bëët, ajoode na ajuuk ki jø wø nyeŋge reegø ni wø pëënynye yi po nyec mare bäre ege kaalø kwöre apaar.

Daniel 2:47

Ni kööe jï Daniel, ni «Ka adïëri møn, Jwøï beeye wïth juu, ni beeye kwääc nyeye ni wø nyooth gïï mo tietge okanø, kiper mana lønye jïrï ki mana nyoothï tier gïn no okanø en.»

Daniel 2:48

Køøre nyeya kar Daniel aput tïïc ni dwøŋ, ni mooc gø ki muuce mo thööth, ni tïïc gø nee ŋööm Babiløn bäre kääre, ni ena kwäärö thuwø mar jø Babiløn bëët moa nyeŋge reegø.

Daniel 4:18

«Manøgø beeye lääk mana jooda, a na nyeya ma Nabukedenecör. 'Ba ennø, ï na Belthacacör en, caan tier lääk jïra; kiper ki man bëëde cøøn en, ki røk jøøa nyeŋge reegø ya akwöm nyec mara, bäŋ ŋat moo løny jïre ki man caan tier lääk manøgø jïra. 'Ba ïïni, løny jïrï, kiper jwïëc juu mo ena kur keerge ena bäätï.»

Daniel 4:5

aana lägö ki lääk, ni put aani tïïc naa lwäär. Kït gïïa jooda kanya bëëda naa ena bäät pëëm niine, ki gïïa nyooth ki yi wïïa, aana tïïcge naa lwäär.

Daniel 4:8

'Ba ka aŋuudi, Daniel, ni wø nyeŋŋe cwøl ni Belthacacör ki køør mana caa nyeŋŋe ri nyeŋ juu 'moa, eni na jwïëc juu mo ena kur keerge ena bääte, ena ö nyïma, ni caana lääk jïre ni kööa,

Daniel 5:11

Da dhaanhø yi po nyec marï mo jwïëc juu mo ena kur keerge ena bääte. Ki yïth nïne moa beet wäru, ŋatøgø ajoot na ŋat mo kwel wïc, ki leec ŋeth, ki leec wïc mo caala leec wïc mar juu ena bääte, ni ö nyeya ma Nabukedenecör ni beeye wäru, wäru ma nyeya, ni røøny gø na kwäärö bäät ajuuk, ki jøøa nyeŋge reegø, ka ajuuk mo jø Kaldia, ki jø adïëda.

1 Camiel 4:8

Øøna ränynyö møn. ?Aŋa noo køny øøni ceŋ juu moøgø ni teek yøø? Moøgø beege juuga raany jø Ijep ki teeŋ gïï mo leth døc dï paap.