Daniel 4:34 - Wëël Jwøk

³⁴ 'Ba kanya thum cwiiri moøgø na abïriiø yøø, a na Nabukedenecör, nyeŋŋa ataa maal, ni ö acaara mara ni put duu baŋa, ni ö Jwøa dwøŋŋi ni en maal ni puta gø pwøc, ni wøøra eni, ni jiema eni, eni ni wø bëëdö na bäre bäre. Teek mare bëëdö na bäre bäre, ni buc nyec mare këëta yïth beenhnhe bëët,

Daniel 4:34 Iomraidhean Croise

2 Camiel 22:31

«'Ba ï na Jwøk, bäŋ gïn jøøŋŋi ri bëëtö marï, ni luubö marï adïëri; niï bëëdö niï caala kwöt leny jï jiy bëët mo wø kan rege buutï.

1 Luup Nyeye 29:10

Køøre Deebit Wuuö Jwøk aput pwøc nyïm jiy ya acooŋa, ni kööe, ni «Wui Wuuö Jwøk, Jwø kwarwa ma Icriel, pwøc en jïrï na bäre bäre.

1 Luup Nyeye 29:13

'Ba ennø, ï na Jwøwa, wa dwøga met ec jïrï, ni wa pwøya nyeŋŋï na näk nyeŋ ajiem.

Jööp 1:21

ni kööe, «Aana ö wøk ki yi mera ni bäŋ gïrpiny jïra; aano døøk ni bäŋ gïrpiny jïra. Gena cïp Wuuö Jwøki jïra ni cäŋ ge lwørrø; kiper manøgønø, pwøc en ri nyeŋ Wuuö Jwøk.»

Dut Pwøc 121:1

Dut Pwøc 123:1

Aydheea 13:11

'Ba a na Wuuö Jwøk, piny jääla jäälö kiper rääö mare, ni jääla jø raay kiper raay moge. Aani thuwø, jø atöör, atöör marge raanynya raanynyø, ni ö bëët koorrø mar jøøa no ogäy ni dwøga gø piny.

Aydheea 2:11

'Ba nyøth røk ka atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 24:15

Kiper manøgønø, u ni en jï løø kur tuul-cäŋ, jiemmu Wuuö Jwøk, ni ö uuni ni en bäät naama dwøŋ ni tïŋu nyeŋ Wuuö Jwøk maal, eni na Jwø Icriel.

Jeremaya 10:10

'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Wëël Kïmmö 3:38

?Paa dhi Jwøa Dwøŋ ni en Maal ni wø ö gïn mo beerri ki gïn mo raac ki yie?

Daniel 12:7

Køøre ŋata näk oruyö ka abïï ma lïïna na en bäät pïï yi naam, ceŋŋe karge riet athaaŋ maal. Ni wïnynya dwøre ni kööŋŋa ri Jwøa kwøw ni wø bëëdö na bäre bäre, ni kööe, ni «Beeye cwiiri adäk ki thääŋö. 'Ba kanyo ö bäät jic Jwøk no nigelway, beeye kanyo ö gïïögø noo ŋuutge.»

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Daniel 4:2

Aani yia met ki man caana nyuuthe jïïu ki gïïa näk rëëma ec na tïïc Jwøki dëëra, Jwøa Dwøŋ ni en Maal.

Daniel 4:26

Dwøl mana caan ni gutö mar jaath ki lweedi moe wär wec, nyootha gø na akwöm nyec marï di duuö jïrï kanyo ŋäyï gø ni teek mar käär jiy ena maal.

Daniel 4:3

A teeŋ dööŋö mo nyïëdi na døøŋ nyuuthe moe ki gø! Naa teeŋ dööŋö mo nyïëdi mar gïïa tïïe na näk rëëma ec! Buc nyec mare beeye bura mo bëëdö na bäre bäre; ni teek mare këëta yïth beenhnhe bëët.

Daniel 4:32

ni riem ïïni wøk ki dï jiy, ni tïm kar bëëtö marï ni ena dï lääc paap. Ïïni, ïïno cämö ki luum kaamar dhieŋ ki cwiiri abïriiø, këël kanyo ŋäyï gø ki man näk mo Jwøa Dwøŋ ni en Maal jïre da teek bäät akwöp nyec mo jiy, ni løny ki man cïp gø jï ŋato manynye jaak.»

Daniel 4:36

Teeŋ kar kanya duu acaara mara baŋa, nyec mara, ki wödö mara aput duu baŋa, ki nyeŋ ajiem mar akwöm nyec mara. Ni ö jø wø cïpi ka acaare jïra, ki jø kööre 'moa, ni täkge ki man manyge aani, ni ö nyeci mara ni døø kare, ni ö teek mørri mo dwøŋ ni meedi jïra.

Daniel 5:18

«Wui nyeya, Jwøa Dwøŋ ni en Maal wäru ma Nabukedenecör amooe ki teek nyec, ki dööŋ kar, ka ajiem, ki wödö.

Daniel 5:21

Eni thuwø, ena rïëm wøk ki dï jiy, ni ö acaara mare ni tïme ni caala mar lääc paap, ni ö kar bëëtö mare ni tïme ni ena dï arëëni mo paap. Ena bëëdö ni cama luum kaamar dhieŋ, ni bëët dëëre ni thec ki thööy, këël kanya ŋäc gø ki man näk mo Jwøa Dwøŋ ni en Maal jïre da teek bäät akwöp nyec mo jiy, ni løny jïre ki man cïp gø jï ŋato manynye jaak.

Daniel 6:26

«Ennø, aana kän wøk ki ciik: Jiy bëët moa en ya akwöm nyec mara bëëtge ni ge lwäära Jwø Daniel ni dëëtge kwanynyi nyïme.» «Kiper beeye Jwøa kwøw ni wø bëëdö na bäre bäre, ni buc nyec mare beeye man wø bëëdö ni ba ränynyi, ni teek mare bëëdö na bäre bäre.

Daniel 7:14

Ni cïp teek jïre ka ajiem ki nyec kiper nee wïth jiy bëët ki wïth juurre, ki wïth dhøgi bëët tïmge ni tïnynya eni. Teek mare mar käär jiy beeye teek mo bëëdö na bäre bäre, mo bäŋ cuŋŋe, ni buc nyec mare ba ränynyi.

Daniel 7:27

Køøre teek mar käär jiy, ki dööŋö bäre mar akwöp nyec mo bäät piny put ka cïp ceŋ jic Jwøa Dwøŋ ni en Maal. Buc nyec mar Jwøa Dwøŋ ni en Maal beeye bura mo bëëdö na bäre bäre, ni ö jøøa en teeki ceŋge ni tïnyge eni ni wïnyge mare.›

Daniel 9:14

Kiper manøgønø, ï na Wuuö Jwøk, ï kär dwiil ki man kälï gïna leth bäätwa, kiper ï na Wuuö Jwøk, Jwøk marwa, marï beer ki yïth jammi bëët mo wø tïïyï; 'ba waani dwørï kärwa wïnynyö.

Joona 1:14

Køøre gena jwöŋö dëër Wuuö Jwøk ni köge, «Wui Wuuö Jwøk, wa kwaya ïïni, kär wa 'nägï ki køør mano raanywa jwïëc ŋati en, ni ba kïthï kwör remø mare bäätwa ni näk mo eni kär bääyö, kiper ï na Wuuö Jwøk, gïna tïïyï en beeye gïna met yiï ki gø.»

Mikiya 4:7

Aani, ŋööte ki jiy moa no ojarø tïïa tïïö na mo dööŋ, ni tïïa geni na wï jur mo teek. Ni ööa, a na Wuuö Jwøk, ni käära geni ni aana nyeya marge bäät Kïn Dhayan, ki mano täge kar kaace nø, këël bäre bäre.

Luk 1:33

ni ö jø dhi øt Jeekap ni bëën eni na bäre bäre, ni bëët buye ni bäŋ cuŋŋe.»

Luk 18:13

«'Ba ŋat ajwäk na cuŋŋö kany mo bäär, këël wïïe käre tïŋ maal, 'ba kööre apwöde ni kööe, ni ‹Jwøk, køny aani na ŋat raay en.›

Jøøn 5:26

Kiper kaawat man bëët Wuue ni kwøw ena cere, Wäädö thuwø teek kwøw awii cere.

Tiet Ciik 32:4

Wuuö Jwøk na näk Jwøø teek, ni tïïe moe beege karge; ni uutjïëthe moe bëët tiir. Ena Jwøk mo mare di ŋäädhö, ni bäŋ gïn mo raac jïre; eni beer ni mare thïïŋ.

1 Timöthi 1:17

'Ba wödö ka ajiem en jï Nyeny beenhnhe bëët këël na bäre bäre, ŋata näk ba thøw na näk ba neen, ni beeye Jwøk keere. Enøgønø.

1 Timöthi 6:16

eni keere ni wø bëëdö ni ba thøw, ni wø bëëdö yi tayo näk bäŋ ŋat ci buute, eni na näk bäŋ ŋat mo oneen gø, na ba doo maara neen. Ajiem en jïre ki rööny na bäre bäre. Enøgønø.

Mana Nyooth 10:6

ni kööŋ ŋëët ŋat wø bëëdö ni kwøw këël na bäre bäre, eni na cwääc maal ki piny ki gïïa en yïthge bëët, ki näpa døøŋŋø ki gïïa en yïthge, ni kööe, ni «Doo bäŋ gaalø këët,

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 4:10

jaae na näk pïërariiø kurŋween ge wø pätha nyïm eni na näk opï bäät wällögø, ni wøørge gø, eni ni wø bëëdö ni kwøw këël na bäre bäre, ni leeŋge adude moge nyïm wällögø, ni wärge,

Mana Nyooth 4:9

'Ba kany wø ö gïïo ni kwøw yøø wø jiemge eni na näk opï bäät wälu, ni wøørge eni ni dwøkge met ec baŋe, eni ni wø bëëdö ni kwøw këël na bäre bäre,