Daniel 4:3 - Wëël Jwøk

³ A teeŋ dööŋö mo nyïëdi na døøŋ nyuuthe moe ki gø! Naa teeŋ dööŋö mo nyïëdi mar gïïa tïïe na näk rëëma ec! Buc nyec mare beeye bura mo bëëdö na bäre bäre; ni teek mare këëta yïth beenhnhe bëët.

Daniel 4:3 Iomraidhean Croise

Jööp 25:2

ni «Ŋata näk wää teeki na doo lwäärö beeye Jwøk. Eni tier bëët-mëër ee këël piny ni teek kar bëëtö mare maal.

Aydheea 25:1

Wui Wuuö Jwøk, ïïna Jwøk mara, nyeŋŋï tïŋa maal, ni pwøa nyeŋŋï; kiper ïïna tïïö ki gïï mo rëëma ec, ni beege japa caarï ya acääŋŋe na wëëgï tïïc na karge.

Aydheea 28:29

'Ba gïïögø bëët käla baŋ Wuuö Jwøk, eni na wïth jammi bëët, ŋata näk acaara mare rëëma ec, ni leec wïc mare dwøŋ.

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Jeremaya 10:10

'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Daniel 2:2

Køøre nyeya acïpö ki dwøl na ajuuk, ki jøøa nyeŋge reegø, ki jø wø thöödhö ki war, ka ajuuk mo jø Kaldia cwøl ki man caange tier lääk mar nyeya jïre. 'Ba kanya öge na cuŋge nyïm nyeya,

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Daniel 4:17

Luummögø beeye mana cem nyïïatwiet maalli, ge na jø koor, ni beeye mana ŋølge, ge na en kur keerge, kiper nee ŋäc jøøa kwøwi ki man näk mo Jwøa Dwøŋ ni en Maal jïre da teek bäät akwöm nyec mo jiy, ni løny ki man cïp gø jï ŋato manynye jaak, ni beeye ŋata kare bäŋgø dï jiy.›

Daniel 7:14

Ni cïp teek jïre ka ajiem ki nyec kiper nee wïth jiy bëët ki wïth juurre, ki wïth dhøgi bëët tïmge ni tïnynya eni. Teek mare mar käär jiy beeye teek mo bëëdö na bäre bäre, mo bäŋ cuŋŋe, ni buc nyec mare ba ränynyi.

Daniel 7:27

Køøre teek mar käär jiy, ki dööŋö bäre mar akwöp nyec mo bäät piny put ka cïp ceŋ jic Jwøa Dwøŋ ni en Maal. Buc nyec mar Jwøa Dwøŋ ni en Maal beeye bura mo bëëdö na bäre bäre, ni ö jøøa en teeki ceŋge ni tïnyge eni ni wïnyge mare.›

Wëëlö Mana Göör Pøølli Baŋ Jø Röm 11:33

Wui, a teeŋ kwäya ŋø ni en jï Jwøk en, ki leec wïc ki ŋäc jammi bëët! A teeŋ ŋøla ŋø ni tiere ba maar kwany na en jïre, ki uutjïëthe mo tietge ba maar joot!

Tiet Ciik 4:34

?Aŋø, a jwøa ŋø na päär gø ki man kääde ki wï jur kiper dëëre dï wï jur mør, kaawat mana tïïc Wuuö Jwøki na näk Jwøu kiperu Ijep, na käl u wøk ki køør päärö mo teek, ki ŋïïce ki gïï mo rëëma ec, ki køør leny ki teek bade ki teek mare na dwøŋ, ki gïïa døøŋŋø na tïïe na kännö ki lwär, na jootu ki nyeŋŋu?

1 Timöthi 1:17

'Ba wödö ka ajiem en jï Nyeny beenhnhe bëët këël na bäre bäre, ŋata näk ba thøw na näk ba neen, ni beeye Jwøk keere. Enøgønø.

Ibaru 1:8

'Ba mar Wäädö, ee caanø, ni «Ï na Jwøk, wälu marï obëëdö këël na bäre bäre; ni ŋøl ma adïëri otïmö ni beeye athøny kwär mar buyï.

Ibaru 2:4

Ni Jwøk thuwø ojïëy ki mare ki køør nyuuthe ki tïïe mo døøŋŋø døc, ki gïï mo rëëma ec ma teeŋi, ki muuce moa ö ki ri Jwïëc Jwøk na en kur keere, na pääŋŋe kaawat mana manynye keere.

1 Piter 4:11

'Ba noo näk da ŋat mo cäänö, wär cääne ni ena dhaanhø mo køpa luup Jwøk. Ni ŋat wäro tïny jø møøk wär tïïe ni ena dhaanhø mo tïïö ka teek man wø cïp Jwøki, kiper nee Jwøk jiem ki yïth jammi bëët ki køør Jecu Krictø. 'Ba ajiem ki rööny en jïre, këël na bäre bäre. Enøgønø.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»