Daniel 4:27 - Wëël Jwøk

²⁷ Kiper manøgønø, ï na nyeya en, beerra man tïm gïno caana en ni yiï met ki gø. Ïïni wec gïïa bayï, ni bëëdï niï tïïya gïn mo beer, ni weyï raay moï, ni bëëdï niï nyootha køny jï jøøa no ocaarø. Kanymør ni kwärö marï løny ki man ruue.»

Daniel 4:27 Iomraidhean Croise

Wïlöölö 11:4

Ni köge, ni «Øøni nø, beerra man gëënnø dëëtø ki pääny ki øt pööki mo wïïe guta maal, kiper nee nyeŋŋø wïnye, kiper nøø ba keethø bäät piny bäre.»

1 Nyeye 21:29

na «?Aŋø, ajootï na ö Akapi na dwøk dëëre piny nyïma? Kiper mana dwøk dëëre piny nyïma, aani gïn mo leth ba käla bääte ennø ni eni poot kwøw, 'ba gïn mo leth okäla bäät jø dhi øde yïth nïne moo beet wääde.»

Pwöc Leec Wïc 11:2

Bëët atöör duua lään wïc, 'ba bëët mööl duua leec wïc.

Pwöc Leec Wïc 16:6

Ki køør bëët-mëër ki bëët adïëri, gïï wø bayi di wiiø, ni ki køør man lwäär Wuuö Jwøk, dhaanhø ree wø di løø ni kwiera gïïa reyø.

Pwöc Leec Wïc 28:13

Ŋat wø kaan bääyö mare ba bëënynyi, 'ba ŋat wø køp raay moe ni wec geni, mëëy Jwøk di joodø.

Aydheea 10:13

Kiper nyeny Aciria onø köö, ni «Ki køør teek bada ki riek waŋ mara gïnögø atïïa, kiper aani gïnögø tiere yaa nø kwany. Aani, nyeŋ kee mo wïth juurre yaa nø raanynyø, ni twiera jammi moa en jïge. Aani, mïëc nyeye moge adïïma ki teek mara.

Aydheea 47:10

Ïïna bëëdö ni ïïno göök ri gïïa reyø ni wø tïïyï, ni kööï, ni ‹Bäŋ ŋat maa di joodø.› Leec wïc marï ki kwänynyö marï, ïïna tïïcge niï gaaï wøk. Kiper ïïna nø köö ki yi cwïnyï, ni ‹Bee aani keera, ni bäŋ ŋat mør këët mo kaala aani.›

Aydheea 47:8

«'Ba ennø, wïny mara, ï ni wø mëër ki jammi mo dëël, ï ni wø bëëdö ni ba lwäär ki gïn mo raac. Ï wø cäänö ki cwïnyï ni kööï, ni ‹Bee aani keera, ni bäŋ ŋat mør këët mo kaala aani. Aani, a ba tïmö ni aana cï thøø, ni bäŋ gïn mo tägi dëët obwöre 'moa.›

Jeremaya 29:7

Ni bëëdu nou manynya bëët-mëër yi pääny mana riema u yie nou mak ki tøŋ; ni lämu jï Wuuö Jwøk kiper bëët päänyögø, kiper bëët-mëër mano en yie oen jïïu thuwø.»

Jeremaya 38:20

'Ba Jeremaya aköö, ni «Ï ba cïpge ceŋ jøøgø. Beerra man wïnynyï luum Wuuö Jwøk man caana jïrï en; køøre tïmö ni beer kiperï, ni bëëdï niï kwøw.

Edhikiel 18:7

mo bäŋ ŋat mo caare, ni gïn mo ee kälö na dïgïti dwøge dwøgø jï ŋata mäyö baŋe, mo eni ba twëëdö, 'ba eni cïpö ki cam jï jøøa no onäk käci, ni jiy moa näk cäädhi ka dëëtge, dëëtge runynye runynyö ka abïïe,

Edhikiel 29:3

Caanï jïre ni kööï, ni man bee luumma caan Kwäärö Wuuö Jwøk, ena köö, « ‹Ka adïëri møn, ï na Peerø nyeny Ijep, ï jääla jäälö; ï ni bëëdö kaamar lääna dwøŋ, ni ïïno but piny yïthakic nyeŋ näm moï, ni kööï, ni «Naam Nail bee mara, ni eni tïïa kaper dëëra.»

Edhikiel 29:9

Ijep odööŋ ni bäŋ gïrpiny yie. Køøre nø, oputge ŋäc ni bee aani na Wuuö Jwøk. « ‹'Ba kiper mana kööï, ni «Naam Nail bee mara, ni eni tïïya aani,»

Jool 2:14

?Aŋa ni ŋäc gø? Kanymør ree di løø, ni war cwïnye, ni wëëk køøre ki gwïëth, ni jïtu ki beel ki kwøŋ mo løny ki man cïpu ge na muuce jïre, eni na Wuuö Jwøk, Jwøk maru.

Amøc 6:13

Uuna tïmö nou töödö kiper mana magu pääny Lödebaar, nou cäänö thuwø, ni «Kaarnam amakwa ki teek marwa.»

Joona 3:9

Aŋa ni ŋäc gø, kanymør Jwøk dëëre di luuö ni war cwïnye, ni paany wëër mare bäätø ni wø liel kaamar maac, kiper nøø ba thøø.› »

Abakuk 1:11

Køøre ki kany mo thiinh ge puta nimany kaamar jamø, ni laarge pöödhö. 'Ba ge di kwaanø ni geno bääyö, ge na teek marge ege tïïö na jwøk marge.»

Jepaniya 2:15

Manøgø beeye gïno tägi dëër pääny mo ogwøø ni teek, mo töödö ni cäänö ki cwïnye, ni «Bee aani keera, ni bäŋ pääny mo kaal aani këët.» Raŋŋu ränynyö mano ränynye ki gø mø, Tïmö na kar rïïö jï lääy! Jiy bëët moo pöödhi ki deŋŋe, obuuge, ni ŋeethge bäät gø, ni gwaŋge gø.

Mathiew 3:8

'Ba ennø, bëëdu ki bëëtö man wø rømi ki løk cwïny,

Luk 11:41

'Ba beerra man cïpu jï jøøa can røk gïï wø en ya athaa. Kanyøgø nø, jammi bëët tïmö ni waany jïïu.

Moa Tïïc Nyïïatwieli 24:25

'Ba kanya ö Pøølli na piem gïr bëëtö mo beer, ki gïr män røk ki raay, ki kanya caan gø ni da kany mo luup jiy ŋøla piny yie mo poot ena nyïm, Pilik cwïnye abwøk ni kööe, ni «Ci wøk dïciel. Aano jïti ki kany cwøla ïïni yie.»

Moa Tïïc Nyïïatwieli 26:20

'Ba akwøŋa køp jï jøøa en Damacka, køøre akøba yi Jerucalem ki yïth mïëri bëët mo Judia, ki jï juurre thuwø, nee wïthge cäŋge caarrø ni løøge rege baŋ Jwøk, ni tïïcge gïï mo orømø ki løk cwïny marge.

Moa Tïïc Nyïïatwieli 8:22

Kiper manøgønø, løk cwïnyï ki gïnö ni raac ni en cwïnyï enø, ni kwayï Wuuö nee løny ki man wec gïnö ni raac na caarï ki cwïnyï.

2 Körin 5:11

Kiper manøgønø, na ŋäcwa gø ni Wuuö di lwäärö, jiy wø cøkwa cøgø. 'Ba man en cwïnywa ŋäya Jwøki, ni yaa ŋäädhö ni ŋäyu thuwø ki cwïnynyu.

Galeecia 5:13

'Ba nyïïmera, uuna cwøl nou bëëdu ni uuno pädö. 'Ba kär nou tïïya pät maru ni beeye jöö man tïïyu mo dëël ki gø. 'Ba ŋati man nø beerra man tïny ŋati man nø ki køør mëër.

Galeecia 5:22

'Ba nyïëdi mo wø ööi ki ri Jwïëc Jwøk, beege mëër, ki met ec, ki bëët-mëër, ki bäŋ jøømø, ki bäth ec, ki køny, ki ŋääth dhaanhø,

Galeecia 5:6

'Ba ki jï jø wø en dëër Krictø Jecu, daŋ wala bäŋ daŋ bäŋ gïn tïïcge, 'ba gïn mo pere leth beeye ŋäädhe ni wø tïïö ki køør mëër.

Epeca 4:28

Kär dee kuu mo kwädö këët, 'ba beerra man tïïe ki cere ki tïïc ma adïëri, kiper nee lønye jïre ki man cïpe jï jø wø can.

Tiet Ciik 24:13

'Ba kanyo päth cäŋŋi, ni näk dïgïti mana cïbe beeye aleeŋŋa, wär dwøge jïre, nee rëëbe ka aleeŋŋa mare, nee ŋata jape maae gwïëdhe; køøre otïmö ni bëënynyö jï ŋata jape mac nyïm Wuuö Jwøk na näk Jwøu.

Tiet Ciik 32:27

'Ba a lwäära ŋwøc mano tïïc nyïïmän; kiper kanymør tier luubö manøgø daakge daaø, ni köge ni beeye geni ki dëëtge na bööt jø Icriel, ni patha a na Wuuö Jwøk na tïïc gïnögø dëëtge.›

Tiet Ciik 8:17

Kanymør u köö ki cwïnynyu, ni ‹Beeye riek waŋ marwa ki teek bäätwa na tïïc japi ni thööth ii jïwa.›

1 Piter 4:8

'Ba dï japøgø bëët, ŋäyu mëër man mëërru ki røgu cooth, kiper mëër beeye wø gëëŋ raay mo thööth.