Daniel 4:19 - Wëël Jwøk

¹⁹ Kanyøgø Daniel, ni wø nyeŋŋe cwøl ni Belthacacör, amak apïte ki kany mo bäär mëëth, ni bëëde ni cwïnye pärö ki køør acaara mare. Ni luup nyeya ni kööe, ni «Belthacacör, lääk manøgø ki tier gïna cääne kipere, kär cwïnyï døøcge mo pärö.» Ni dwøgi ya Belthacacörri ni kööe, ni «Wui nyeya, doo beerra eni ki mana di lääki cäänö kiper jøøa män ki ïïni, ni tier gïna cään lääki kipere doo na poot cäänö kaper nyïïmän moï.

Daniel 4:19 Iomraidhean Croise

Wïlöölö 31:35

Ni kö Reecalli jï wänni, na «Awuuö, kärï wëër kiper mana kära ö maal nyïmï, kiper aani gïr mään otägö dëëra.» Køøre Leeban amäänyö døc, 'ba gïï lam moøgø käre joodø.

Wïlöölö 32:18

wärï kööï, ni ‹Beege mo laŋŋï ma Jeekap, ni beege gïïa jääŋŋe kiper nee cïp jï kwääye ma Icøø; ni eni na näk Jeekap ki dëëre cäädhö køørwa.› »

Wïlöölö 40:12

Køøre Jocep aköö jïre, «Tier lääk manøgøøni beeye en, bäädi moøgøøni na adäk yøø beege nïne adäk.

1 Nyeye 18:7

'Ba kanya cääth Øbadiya waŋjöö, ena put røømmø ki Ilaaja, ni put Ilaaja ŋec, ni gøø ree piny ni kööe, ni «?Man beeye ï kwäärö mara ma Ilaaja?»

Bwøth Wøk 32:32

'Ba ennø, ni näk løny, beerra man wëënnï bääyö marge; 'ba ni näk mo ba løny, akwaya ïïni nee nyeŋŋa raanynyï yi wëëlö mana näk nyeŋ jiyï iï göör yie.»

Jeremaya 29:7

Ni bëëdu nou manynya bëët-mëër yi pääny mana riema u yie nou mak ki tøŋ; ni lämu jï Wuuö Jwøk kiper bëët päänyögø, kiper bëët-mëër mano en yie oen jïïu thuwø.»

Jeremaya 4:19

Wui ayaŋ øøy! Wui ayaŋ øøy! Aŋø ni ö pänh cwïnynyi ni kaath cera en, ni tïm dëëra ni kwanynyi! Wenynya atïmö ni pärö døc, ni tïme ni ba løny ki man lïŋa; kiper dwør tuuŋ awïnynya ni beeye tuuŋ man wø kooth na mar leny.

Daniel 1:7

Køøre ŋata bëëdö na wïth jø kööre acïpö ki nyeŋ mo nyään jïge; nyeŋ mana cïbe kiper Daniel beeye Belthacacör, ni mar Ananiya beeye Cidarak, ni mar Micaël beeye Micak, ni mar Adhariya beeye Abedenagø.

Daniel 2:26

Kanyøgø aput nyeya jøl ni pëëny Daniel, eni na näk nyeŋŋe Belthacacör, ni kööe, ni «?Løny jïrï ki man caanï lääk mana jooda ki tier gïna cääne kipere?»

Daniel 2:37

Wui ï na nyeya en, beeye ïïni na nyeny nyeye. Jwø maal käädö mar nyec, ki teek, ki thwønh, ka ajiem acïbe jïrï,

Daniel 4:24

«Wui ï na nyeya, man beeye tier lääk, ni beeye mana ŋøl Jwøa dwøŋŋi ni en maal ni beeye gïno pänh bäätï, ï na kwäärö mara ma nyeya,

Daniel 5:12

Ŋatøgø na Daniel enø, na nyeŋŋe cak nyeya ni Belthacacör, ajoot na ŋat mo jïre da jwïëy ma wøp, mo tiet jammi ŋääe, mo wïïe kwel, mo tiet lääk di caanø, mo tiet leere di lamø, mo tiet luup mo teek päde pädö. Ennø, beerra man cwøl Daniel nee tier gïna näk ogöörö caane.»

Daniel 5:18

«Wui nyeya, Jwøa Dwøŋ ni en Maal wäru ma Nabukedenecör amooe ki teek nyec, ki dööŋ kar, ka ajiem, ki wödö.

Daniel 5:19

'Ba kiper dööŋ kar mana cïbe jï gø, wïth jiy bëët, ki wïth juurre bëët, ki teeŋ wïth dhøgi bëët, gena bëëdö ni ge lwäär ni dëëtge kwanynyi nyïme. Ni ŋata manynye nee nääe, nääe nääö, ni ŋata manynye nee bëëde ni kwøw, wiie wiiø, ni ŋata manynye nee cuume, cuume cuumö, ni ŋata manynye nee dwøk piny, dwøge piny.

Daniel 7:15

«'Ba a na Daniel en, aana bëëdö ni jwïëy 'moa kïmmö, ni bëët gïïa nyooth jïra ki yi wïïa ni tuuŋŋa cwïnya.

Daniel 7:28

«Kar kaagø gïna nyooth athum. 'Ba a na Daniel en, acaara mara abëëdö ni tuuŋŋa cwïnya, ni ö täärnyïma ni needuk; 'ba luubö manøgø abëëdö ni yaa kan cwïnya.»

Daniel 8:27

'Ba a na Daniel, dëëra aput nidhooth piny, ni bëëda naa tuu ki nïne møøk. Køøre aana cäŋ ö maal ni døøa baŋ tïï nyeya, 'ba aani a bëëdö ni yia othäŋŋö jaak ki gïna nyooth, kiper tiere kär ci wïïa.

Abakuk 3:10

Kïte ïïna jootge ni putge tïmö ni jäŋŋi, ni ö jwïëö ni pänhnhe, ni ö kanya päŋ ni lwöre ko odhäny, no odhäny mare puta ö maal døc.

1 Camiel 1:15

'Ba aløk Anna ni kööe, «Wui kwäärö, jïra bäär, aana dhaagø mo bëëtö mara teek; aani, a kär mädhö ki køøŋ nyïïomøki wala teeŋ køøŋø mo keec. 'Ba beeye mara na en cwïnya bäre na caana jï Wuuö Jwøk enø.

1 Camiel 24:8

'Ba na tïme na køøre cään, Deebit aö maal, ni duny wøk ki øt kïdi ni rwaac Cøøl, ni kööe, «Nyie, caan jï nyeya enø.» 'Ba kanya ö Cøølli na lwïthe køøre, Deebit cøŋŋe akëël piny ni kuul wïïe piny ni wøøra Cøøl.

1 Camiel 26:15

Køøre Deebit aköö jï Abinër, na «?Aŋø, ï paa dïcwøø? ?Aŋa ni caal ïïni dï Icriel? ?Aŋø na ba koorï nyeya marï en? Kiper da dhaanhø ma aöö ni manynya man 'näk nyenynyï.

1 Camiel 3:17

Ni kö Ëli, na «?Agïnaŋø na caan Wuuö Jwøki jïrï? Nyie, kär mooŋï ki aani. Ni näk mo luup moa care bëët mooŋï mooŋø ki aani, Wuuö Jwøk tïïö ki gïn mo dwøŋ mo raac dëërï.»