Daniel 4:16 - Wëël Jwøk

¹⁶ Beerra man ö acaara mare ni wiil ree ni paa acaac dhaanhø, ni tïme ni beeye acaac lääy noo en jïre, këël kanyo pööth cwiiri abïriiø bääte.

Daniel 4:16 Iomraidhean Croise

2 Camiel 18:32

'Ba nyeya nyï Kuuc apëënynye, «?A wääda ma Abëcëlöm, ba bäŋ gïn mo otägö dëëre?» 'Ba aløk nyï Kuuc jï nyeya, «Wui nyeya, beerra man ö nyïïmännï, këël jiy bëët mo ö maal bäätï nee tïïge ki gïn mo raac dëërï, ni tïmge ni caala nyenøgø.»

Aydheea 6:10

Tïïc cwïny jøøgø ni teek, ni cïëgï ïthge, ni meyï nyeŋge, nee tïme ni ba løny ki man nëënge ki nyeŋge, ni ba wïnyge ki ïthge, ni ba ci luupi cwïnyge, ni ba duuge baŋ Jwøk ki man jïtge ki køny.»

Daniel 11:13

Kiper nyeny jï løø Wï-Piny cäŋa määnyö ki lwaa leny mør mo pälla eni ki mana dïkwøŋ. 'Ba kanyo tïme na køør cwiiri møøk, eni öö ki lwaa leny mo päl, mo dëëtge päŋ ki jap leny.

Daniel 12:7

Køøre ŋata näk oruyö ka abïï ma lïïna na en bäät pïï yi naam, ceŋŋe karge riet athaaŋ maal. Ni wïnynya dwøre ni kööŋŋa ri Jwøa kwøw ni wø bëëdö na bäre bäre, ni kööe, ni «Beeye cwiiri adäk ki thääŋö. 'Ba kanyo ö bäät jic Jwøk no nigelway, beeye kanyo ö gïïögø noo ŋuutge.»

Daniel 4:23

«Køør manøgø, ï na nyeya, ïïna nëënnö ki nyïïatwiel maal man wø kurö mo ööi ki maal ni kööe, ni ‹Ŋødu jaadhøgø piny ni raanynyu gø; 'ba gutö ki lweedi moe wär wiiu yïth ŋøøm ni you meenø ki nywïënyö ki jwïël yi luum mo nyään yi pwöla, ni bëët dëëre ni thec ki thööy, ni eni nywääö ka lääy na aciel dï pwöla, këël kanyo pööth cwiiri abïriiø bääte.›

Daniel 4:25

ki man näk miï riema wøk ki dï jiy, ni tïm kar bëëtö marï ni ena dï lääc paap, ni tïmï niï cama luum kaamar dhieŋ, ni bëët dëërï ni thec ki thööy ki cwiiri abïriiø, këël kanyo ŋäyï gø ki man näk mo Jwøa Dwøŋ ni en Maal jïre da teek bäät akwöm nyec mo jiy, ni løny ki man cïp gø jï ŋato manynye jaak.

Daniel 7:25

Ni cääne ki luup dëër Jwøa Dwøŋ ni en Maal, ni dïïm jiy moe, Eni na dwøŋ ni en maal, ni cäde ki man wiil kwöra wäŋŋi ki ciik, ni ö jic Jwøk ni cïbi cere ki cwiiri adäk ki thääŋö.

Daniel 7:28

«Kar kaagø gïna nyooth athum. 'Ba a na Daniel en, acaara mara abëëdö ni tuuŋŋa cwïnya, ni ö täärnyïma ni needuk; 'ba luubö manøgø abëëdö ni yaa kan cwïnya.»

Ibaru 1:11

Geno ränynyi, 'ba ïïni, ï dööŋ karï. Geno ränynyi bëët kaamar abïï.

Mana Nyooth 12:14

'Ba dhaaŋŋøgø omooø ki bwöp coor mana dwøŋ karge riet, kiper nee määt paap kiper thwöl, kanya dii caamø yie dïciel ki cwiiri adäk ki thääŋö.