Daniel 4:14 - Wëël Jwøk

¹⁴ Ena rëëdö døc ni caan luupi ii: ni ‹Ŋødu jaadhøgø piny, ni ŋøøru bäädi moe; lweerru bøøge moe, ni kethu nyïïe. Beerra man aac lääc paapi tiere, ni ö wenynyi ni aacge bääte.

Daniel 4:14 Iomraidhean Croise

Jööp 24:20

Geni, mëëkge wïthge oput wïlö ki ge, ni ö dëëtge ni cami ya twöŋi. Jøøa reyø wïc ba par ki ge këët; 'ba ge ränynyö kaamar jaath mo otøp.

Jeremaya 27:5

Aani, piny ki jiy ki lääy moa en bäät piny acwääa ki køør teek bada na dwøŋ, ni løny jïra ki man cïba gø jï ŋata met yia ki gø jaak.

Jeremaya 51:6

«U na jø Icriel, uuno reŋŋu wøk yi Babiløn, ni ŋati man nø gwøga jwïëye. Kär wïthu wëëgu dïdö ki køør ajäla mare, kiper manøgø beeye kar cuut kwör mar Wuuö Jwøk, gïïa bac jø Babilønni dwøge dëëtge.

Jeremaya 51:9

«'Ba jiy okööi, na ‹Apäärø ki man kønyø Babiløn, 'ba ŋwiili moa pïï dëëre ba løny ki køny këët. Wiiø eni, ni ö ŋati man nø dïïø ni aa poge, kiper ajäla mar Babiløn dwøŋ døc noo këët maal, noo këët maal nyeŋ pøøl.

Edhikiel 31:10

«Kiper manøgønø, man beeye luumma caan Kwäärö Wuuö Jwøki kiper jaadhøgø, ena köö, ni ‹Kiper mana bäny jaathi manøgø ni lwinhnhe okëët yïth pøøl, ni jït cwïnye ka atöör kiper bär mare,

Daniel 2:21

Bee eni ni wø wel nïne ki ruun. Bee eni ni wø dwøk nyeye piny, ni wø këël tiet nyeye piny. Bee eni ni wø cïp leec wïc jï jøøa wïthge leer, ni wø cïp kwänynyö jï jø wø ŋäc tiet luup.

Daniel 3:4

Køøre nyïïatwiel marge luubö aput gøø piny ni dwøre ena maal: ni «Wui, u na wïth jiy ma teeŋi, ki u na wïth juurre, ki u na wïth dhøgi, man beeye gïna kööm uuni ki gø nou tïïyu:

Daniel 4:12

Bøøge moe mïërö døc, ni nyïëdi moe thööth jaak, ni bëëdö na cam kiper gïïa nut bëët. Lääc paap ajïtö ki kar bëëtö tiere, ni ö wec maalli ni jïtge ki kar bëëtö bääte, ni tïme ni gïïa kwøw bëët cam marge jootge ri gø.

Daniel 4:23

«Køør manøgø, ï na nyeya, ïïna nëënnö ki nyïïatwiel maal man wø kurö mo ööi ki maal ni kööe, ni ‹Ŋødu jaadhøgø piny ni raanynyu gø; 'ba gutö ki lweedi moe wär wiiu yïth ŋøøm ni you meenø ki nywïënyö ki jwïël yi luum mo nyään yi pwöla, ni bëët dëëre ni thec ki thööy, ni eni nywääö ka lääy na aciel dï pwöla, këël kanyo pööth cwiiri abïriiø bääte.›

Daniel 4:29

Kanya tïme na køør dwäde apaar kurriiø, ni eni na nyeya eni cäädhö maal bäät øt nyec paan dwøŋ mar Babiløn,

Daniel 5:20

'Ba kanya tïm cwïnye ni ena maal ka atöör, ni jwïëy moe bëënna koorrø, ni töödö bäät jiy, ena käl wøk ki bäät wäl nyec mare, ni ö ajiemmi mare ni lwøri baŋe.

Daniel 5:21

Eni thuwø, ena rïëm wøk ki dï jiy, ni ö acaara mare ni tïme ni caala mar lääc paap, ni ö kar bëëtö mare ni tïme ni ena dï arëëni mo paap. Ena bëëdö ni cama luum kaamar dhieŋ, ni bëët dëëre ni thec ki thööy, këël kanya ŋäc gø ki man näk mo Jwøa Dwøŋ ni en Maal jïre da teek bäät akwöp nyec mo jiy, ni løny jïre ki man cïp gø jï ŋato manynye jaak.

Mathiew 3:10

'Ba këël kawaane ennø, ley onø cïp tiet jenni. Kiper manøgønø, jenni bëët mo wø ba nywøl ki nyïëdi mo beyø, ŋøda piny ni leeŋi maac.

Mathiew 7:19

'Ba jenni bëët mo wø ba nywøl ki nyïëdi mo beyø, ŋøda piny ni leeŋi maac.

Luk 3:9

'Ba këël kawaane ennø, ley onø cïp tiet jenni. Kiper manøgønø, jenni bëët mo wø ba nywøl ki nyïëdi mo beyø, ŋøda piny ni leeŋi maac.»

Mana Nyooth 10:3

Ni cwöte ki dwøl mo päl mo caala dwør ŋuu mo määr. 'Ba na cwöte, køth amäär kwöre abïriiø.

Mana Nyooth 18:2

Ni kööe ki dwøl mo päl døc, ni «Babiløn na dwøŋ apädhö ki pädhö mo ba thiinh, ni tïme na kar bëëtö jï anäge, na kar bëët teeŋ juuga reyø bëët, ki teeŋ weny moa reyø bëët na mänö ki geni.