Daniel 4:13 - Wëël Jwøk

¹³ «Aani, kanya bëëda naa raŋŋa gïïa nyooth jïra ki yi wïïa, naa ena bäät pëëm niine, aana nëënnö ki nyïïatwiel maal man wø kurö mo ööi ki maal.

Daniel 4:13 Iomraidhean Croise

Jööp 12:24

Eni, leec wïc mar dïbwöthe mo jø bäät piny wø di raanynyø, ni tïïc ge nee thääcge dï ŋöömö mo oränynyö mo bäŋ jöö yie.

Daniel 4:10

Gïïa nyooth jïra ki yi wïïa kanya bëëda naa ena bäät pëëm niine beege ii: Aani kanya räŋŋa, aana nëënnö ki jaath mo bäär døc yi ŋöömö.

Daniel 4:17

Luummögø beeye mana cem nyïïatwiet maalli, ge na jø koor, ni beeye mana ŋølge, ge na en kur keerge, kiper nee ŋäc jøøa kwøwi ki man näk mo Jwøa Dwøŋ ni en Maal jïre da teek bäät akwöm nyec mo jiy, ni løny ki man cïp gø jï ŋato manynye jaak, ni beeye ŋata kare bäŋgø dï jiy.›

Daniel 4:23

«Køør manøgø, ï na nyeya, ïïna nëënnö ki nyïïatwiel maal man wø kurö mo ööi ki maal ni kööe, ni ‹Ŋødu jaadhøgø piny ni raanynyu gø; 'ba gutö ki lweedi moe wär wiiu yïth ŋøøm ni you meenø ki nywïënyö ki jwïël yi luum mo nyään yi pwöla, ni bëët dëëre ni thec ki thööy, ni eni nywääö ka lääy na aciel dï pwöla, këël kanyo pööth cwiiri abïriiø bääte.›

Daniel 4:5

aana lägö ki lääk, ni put aani tïïc naa lwäär. Kït gïïa jooda kanya bëëda naa ena bäät pëëm niine, ki gïïa nyooth ki yi wïïa, aana tïïcge naa lwäär.

Daniel 7:1

Yi cwiir mana dïkwøŋ mana tïm Belthacörri ni ena nyeny Babiløn, Daniel alägö ki lääk ni jïte ki gïï mo onyoodhø jïre ki yi wïïe kanya bëëde ni ena bäät pëëm niine mare. Køøre eni lääk agöör piny, ni caan gø na ennø nø.

Daniel 7:17

Ni kööe, ni ‹Cwëënyi moø ni døøŋŋø na aŋween yøø nyootha nyeye aŋween moo thïïŋ rege bäät piny.

Daniel 7:23

«Køøre acaane jïra na ennø: ‹Ŋweer cwieny tïmö na ŋweer akwöp nyec bäät piny, mo ba caal akwöp nyec møga bëët, ni cam piny bäre, ni nyøøn gø piny ni pet gø na thäŋi.

Daniel 8:13

Køøre aani dwør ŋat mo ena kur keere awïnynya ni cäänö, ni ö ŋat mør mo ena kur keere ni kööe jï mana cäänö, na «?A këël yi wäne no ö gïna nyooth noo thur kare, gïna cäänö kiper olämme mo wø cïp cooth, ki bääyö man wø käl ränynyö, ki cïp kar lam na en kur keere, ki lwaa gïïa en maal ki man nyøri ki tiel?»

Dhekaraya 14:5

'Ba uuno reŋi ki ya aleny kïdi mana tïïe, kiper aleny kïdi mana tïïe okëët ŋööm Adhel. Uuno reŋi kaawat mana reŋu ki dïjäŋ piny mana tägö ri nïr Udhaya, nyeny Juuda. Køøre Wuuö Jwøk, Jwøk mara, eno ööi ki nyïïatwiet maal bëët na en kur keerge.

Mathiew 25:31

«'Ba kanyo ö Wär Dhaanhø ka ajiem mare ki nyïïatwiet maal bëët na aciel, kanyøca eno pï piny ni ena nyeya bäät wäl ajiem mare.

Maak 1:24

Ni ö eni ni put köö ki dwøl mo päl, na «?Agïnaŋø noo tïïyï ki waani, ï na Jecu nyï Nadhareth? ?Ï ööa kuna raanynyï waani? Ï ŋääa, ni ïïna ŋata en kur keere, na näk mar Jwøk.»

Luk 4:34

ni «?Wui, ï na Jecu nyï Nadhareth, agïnaŋø noo tïïyï ki waani? ?Ï ööa kuna raanynyï waani? Ï ŋääa, ni ïïna ŋata en kur keere na näk mar Jwøk.»

Tiet Ciik 33:2

ni «Wuuö Jwøk aöö ki yi Caynay, ni ööe ki yi Cëër kaamar cäŋ mo tuulö, ni rienye ki bäät Kïn Paran; ni ööi ki dï nyïïatwiet maal ma kume apaar; ni cere mana en bäät cwïïe da ciik mo liel kaamar maac kiper jø Icriel.

Juut 1:14

Ni poot na jøøgø thuwø na gïïge køp Inøki, ŋata en ri bïriet beenhnhe moa nywøl køør Adam, na kööe, ni «Neennu, Kwäärö aöö ki nyïïatwiet maal moe na en kur keerge na näk kume mo thööth døc,

Mana Nyooth 14:10

ŋatøgø thuwø, omäthi ki køøŋ nyïïomøki mar wëëc Jwøk, mo okøny yaa athöönh wëër mare, ni bäŋ gïn mo ojääbö ki gø. 'Ba eno caari ki maac, ki maac mør mo jïye keec ni lïëth døc nyïm nyïïatwiet maal na en kur keerge, ki nyïm Nyidiel.