Daniel 3:6 - Wëël Jwøk

⁶ 'Ba ŋato ba këël cøŋŋe piny ni wøør gø, eni put ka leeŋ yi maac mo orubö ni wärri.»

Daniel 3:6 Iomraidhean Croise

Wïlöölö 19:28

ni neen ya amät piny, ni joot Cødam ki Gømöra, ki gøli moa en ŋøøpøgø bëët, ni jïrö mo dwøŋ døc nyäälö bäätge ni caala jïc dwaar.

Bwøth Wøk 20:5

Kär geni lamï, ni ba tïnynyï geni, kiper aani na Wuuö Jwøk na näk Jwøï, aana Jwøk ma ŋat keec, ni jø wø män ki aani, gïïa bacge kïtha bäät obwöre moge ni jääla geni këël dää beenhnhe, ni put pïï ri ŋweer beenhnhe.

Aydheea 44:17

'Ba thäk møga wø di tïïö na kït gïn wø lam ni ee tieŋø na jwøk mare, ni këël cøŋŋe piny nyïm gø ni wøør gø, ni läme jï gø ni kööe, ni «Piem aani, kiper bee ï na jwøk mara.»

Jeremaya 29:22

Ki køør mano tägi dëët jøøgø, jø Juuda bëët moa näk omaaø ki tøŋ na kïth Babiløn, geno bëëdö ni ge cïënö ni ge köö, ni ‹Wuuö Jwøk ïïno raanynye kaamar Cëdëkiya ka Akap na waaŋ nyeny Babilønni ki maac,›

Daniel 2:5

Køøre aput nyeya dwøgø jï ajuuk mo jø Kaldia ni kööe, ni «Man beeye mana nø ŋøla ni yaa tïïö ni teek: Ni näk mo lääk mara ba caannu jïra ki tier gïna cääne kipere, uuni, u di ŋørø na bulli, ni ö uudi mou ni nyaay piny ni tïï na wïthur.

Daniel 3:11

'Ba ŋato ba këël cøŋŋe piny ni wøør gø, eni put ka leeŋ yi maac mo orubö ni wärri.

Daniel 3:15

Ennø, ni näk mo rou you jiiŋŋø, kanyo wïnynyu dwør tuuŋ, ki dwør opelø, ki dwør thoom, ki dwør thoom-othïënhö, ki dwør buul, ki dööt wïth jap meeŋ bëët, ni putu cøŋŋu këël piny ni wøørru kït gïna näk yaa tïïö ki warkey, wøp; 'ba ni näk mo ba wøørru, kawaane waane en u put ka leeŋ yi maac mo orubö ni wärri. ?'Ba a jwøa ŋø nø noo piem uuni cera?»

Daniel 3:21

Kanyøgø jøøgø gena put twöc na abïïe moge ena dëëtge, këël ka abïïe moa näk ege meen wïthge, ni putge leeŋ yi maaøgø no orubö ni wärri enø.

Daniel 3:7

Kanyøgø nø, kanya ö jiyi bëët na wïnyge dwør tuuŋ, ki dwør opelø, ki dwør thoom, ki dwør thoom-othïënhö, ki dwør buul, ki dööt wïth jap meeŋ bëët, wïth jiy bëët, ki wïth juurre, ki wïth dhøgi, cøŋge aputge këël piny ni ge wøøra kït gïnögø no otïïö ki warkey enø na cwöth nyeya piny ma Nabukedenecör.

Daniel 5:19

'Ba kiper dööŋ kar mana cïbe jï gø, wïth jiy bëët, ki wïth juurre bëët, ki teeŋ wïth dhøgi bëët, gena bëëdö ni ge lwäär ni dëëtge kwanynyi nyïme. Ni ŋata manynye nee nääe, nääe nääö, ni ŋata manynye nee bëëde ni kwøw, wiie wiiø, ni ŋata manynye nee cuume, cuume cuumö, ni ŋata manynye nee dwøk piny, dwøge piny.

Daniel 6:7

Kwääri bëët mo akwöm nyec man, ki jø kööre, ki dïbwöthe, ki jø ŋøl luup, ki jøøa en løøe ceŋge, dhøkge akuurge na aciel kiper nee ï na nyeya niï kännï wøk ki ciik mo di cemø mo kïtha bäät tïïc, ni manøgø beeye ni ŋato lämö ki jwøk mør yïth nïne moø ni pïëradäk ni en nyïm yøø, wala lama dhaanhø mør ni paa ïïni, ï na nyeya en, eni wär put leeŋ yi buur ŋuuwe.

Mathiew 13:42

ni leeŋge ge yi maac mana päl kar ajäla, kany wø jwöŋ jiyi yie ni mööta lakge.

Mathiew 13:50

ni leeŋge jøøa reyø yi maac mana päl kar ajäla, kanyo jwöŋ jiyi yie ni ge mööta lakge.»

Mathiew 4:9

Ni kö anägö jï Jecu, ni «Gïï bëët owëëga ïïni ni näk mo cøŋŋï këëllï piny ni wøørï aani.»

Maak 6:27

Ni ö nyeya ni put dïkuri jääŋŋö man wø en tïï 'näki cere, ni cïpe ki dwøl, ni «Wï Jøøn kälï.» Ni cøøe, ni ŋul wï Jøøn wøk øt twöc,

Mana Nyooth 14:11

Ni ö jïc maac mano caar geni ki gø ni duuŋe këël na bäre bäre. Ni bäŋ jwömö jïge ki wärre ki cääŋŋe, ni beege jø wø wøør Läänögø ki gïna näk ocwääö na kïte, ki jø wø dëëtge jïti ki ŋïï mar nyeŋŋe.»

Mana Nyooth 9:2

Ni jap dhi buura näk bäye bäŋ cuŋŋe. Ni ö jïrö wøk ki dhi buur manøgø, mo caala jïc maac mo päl døc. Ni ö maalli ki cäŋ ni døøyi muudhö ki jïyögø na ö wøk ki dhi buurögø.