Daniel 3:4 - Wëël Jwøk

⁴ Køøre nyïïatwiel marge luubö aput gøø piny ni dwøre ena maal: ni «Wui, u na wïth jiy ma teeŋi, ki u na wïth juurre, ki u na wïth dhøgi, man beeye gïna kööm uuni ki gø nou tïïyu:

Daniel 3:4 Iomraidhean Croise

Acther 8:9

'Ba kar kaagø, jø wø gööt piny mo nyeya aput cwøl ni nïr dwää adäk pïërariiø kurdäk, ni beeye dwääno cwøl ni Ciban, ni göörge weeli kaawat mana caan Mördekay, ni gööra baŋ jø Juuth, ki bwöthe, ki jø kööre, ki kwääri mo mïëri moa näk dïpa ki pïërariiø ka abïriiø, ki mana täge India këël Ithiöpia. Weeli moøgø göör ka yi jöör göör mar wï jur man nø, ni gööri baŋ jiy bëët ki køør dhøk marge. Ni gööri baŋ jø Juuth thuwø ki køør yi jöör göör marge ki dhøk marge.

Aydheea 40:9

Wui, ï na Dhayan na öö ki luubö mo nyään mo met, eth maal bäät kïdi mo bäär ni køpï gø! Wui, ï na Jerucalem na öö ki luubö mo nyään mo met, tïŋ dwørï maal døc ni køpï gø; tïŋ dwørï maal ni ba lwäyï; caanï jï päänye mo Juuda, «Ka adïëri møn, Jwøk maru en!»

Aydheea 58:1

Wuuö Jwøk aköö, ni «Kwöŋŋu døc ni ba wëëgu döötu jook; tïŋu döötu maal kaamar dwør tuuŋ, nou cara bääyö mar jiya ki raay moge, ge na nyïïkwaac Jeekap.

Daniel 3:10

Wui nyeya, ïïni, ïïno kän wøk ki ciik ni ŋato wïny dwør tuuŋ, ki dwør opelø, ki dwør thoom, ki dwør thoom-othïënhö, ki dwør buul, ki dööt wïth jap meeŋ bëët, eni cøŋŋe wär put këël piny ni wøøra kït gïna näk otïïö ki warkey.

Daniel 3:3

Kanyøgø kwääri, ki jø jääk, ki jø kööre, ki jø wø cïpi ka acaare, ki jø wø gwøk jap kwär, ki jø wø en løøe ceŋge, ki jø wø ŋøl luup, ki jø paac bëët moa näk ocuumö, rege aputge cooŋ ki man cïpge kït gïrpiny manøgø kur keere, gïna cwöth nyeya piny ma Nabukedenecör; ni cuŋge nyïm kït gïrpiny manøgø na cwöth nyeya piny ma Nabukedenecör.

Daniel 3:7

Kanyøgø nø, kanya ö jiyi bëët na wïnyge dwør tuuŋ, ki dwør opelø, ki dwør thoom, ki dwør thoom-othïënhö, ki dwør buul, ki dööt wïth jap meeŋ bëët, wïth jiy bëët, ki wïth juurre, ki wïth dhøgi, cøŋge aputge këël piny ni ge wøøra kït gïnögø no otïïö ki warkey enø na cwöth nyeya piny ma Nabukedenecör.

Daniel 4:1

Aani na nyeya ma Nabukedenecör, man beeye dwøra kiper wïth jiy, ki wïth juurre, ki wïth dhøgi, jø wø bëëdö bäät piny bäre: Bëët-mëër opälli jïïu.

Daniel 4:14

Ena rëëdö døc ni caan luupi ii: ni ‹Ŋødu jaadhøgø piny, ni ŋøøru bäädi moe; lweerru bøøge moe, ni kethu nyïïe. Beerra man aac lääc paapi tiere, ni ö wenynyi ni aacge bääte.

Daniel 6:25

Køøre nyeya ma Dariöc aput gööt baŋ wïth jiy ki wïth juurre, ki wïth dhøgi, jø wø bëëdö yi ŋöömö bëët, ni kööe, «Bëët-mëër opälli jïïu!

Odheea 5:11

Jø Ipariem adwøk piny ni ränyge ki køør ajäla, kiper mana bëëtge ni ge lama gïï mo oballe jaak.

Mikiya 6:16

Kiper u bëëdö nou gwøga kööŋŋe mo nyeya ma Ømri, ki gïïa tïïc wääde bëët ma Akap ki jøøa käl dëëre, ni bëëdu nou caatha køør acaare moge. Kiper manøgønø, aani, u cïba cïbö jï ränynyö; u ni wø bëëdö päänyögø, u tïïa tïïö na gïr abuua, ni bëëdu, u na jiya, nou käära ajøøŋ yi piny bäre.»

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.