Daniel 3:27 - Wëël Jwøk

²⁷ Ni ö kwääri ki jø jääk, ki jø kööre, ki jø wø cïpi ka acaare jï nyeya ni putge rege cooŋ kanya ciel lak jøøgø, ni jootge gø ni maac dëët jøøgø käre mooø ki ŋwellø, ni jïëc wïthge kär waaŋ, na abïïk dëëtge rege kärge miinynyø, ni dëëtge kär ŋwääö ki jïc maac.

Daniel 3:27 Iomraidhean Croise

1 Nyeye 13:28

Køøre ena aay ki bäät gø ni joot dëër ŋatøgø no oleeŋ thääŋ jöö, na arëën ki ŋuu cuŋŋö buute. 'Ba ŋuu dëër dhaanhø käre camø, këël arëën käre gudö ki dhee.

2 Nyeye 19:19

'Ba ennø, wui, Wuuö Jwøk, Jwøk marwa, a kwaya ïïni, piem waani cer nyeny Aciria, nee ŋäc buc nyeye bëët mo bäät piny ni Jwøk bee ï keerï, ï na Wuuö Jwøk.»

Aydheea 26:11

Wui Wuuö Jwøk, cerï atïŋï maal ni kärge gø joodø. Nyooth këëyö marï jïge kiper jiyï, ni wëëgï ge lään wïc. Wui, beerra man ö maaci ni thöör nyïïmän moï.

Aydheea 43:2

Kany wø cäädhï yïth pïï, aano bëëdö naa nut buutï; ni kany wø cäädhï yïth näm, ï ba køøl pïïyi. Kany wø cørï yi maac, ï ba waaŋ, niï ba gut leep maaci.

Daniel 3:21

Kanyøgø jøøgø gena put twöc na abïïe moge ena dëëtge, këël ka abïïe moa näk ege meen wïthge, ni putge leeŋ yi maaøgø no orubö ni wärri enø.

Daniel 6:23

Kanyøgø nyeya yie atïmö ni met døc, ni put cïpö ki dwøl nee Daniel käl wøk ki yi buur. Køøre Daniel aput käl wøk ki yi buur, ni bäŋ ŋwellø mo ojoodø dëëre na bäre, kiper mana bëëde ni ŋäätha Jwøk mare.

Daniel 6:7

Kwääri bëët mo akwöm nyec man, ki jø kööre, ki dïbwöthe, ki jø ŋøl luup, ki jøøa en løøe ceŋge, dhøkge akuurge na aciel kiper nee ï na nyeya niï kännï wøk ki ciik mo di cemø mo kïtha bäät tïïc, ni manøgø beeye ni ŋato lämö ki jwøk mør yïth nïne moø ni pïëradäk ni en nyïm yøø, wala lama dhaanhø mør ni paa ïïni, ï na nyeya en, eni wär put leeŋ yi buur ŋuuwe.

Mathiew 10:30

'Ba këël jïëc wïthu okwaanø bëët.

Moa Tïïc Nyïïatwieli 26:26

Kiper nyeya gïïögø ŋääe, ni beeye ni lämma gø døøc en. Kiper ŋääa døøc ni gïïögø bëët bäŋgø mo obøth jïre mo käre kwøŋ wïnynyö, kiper gïnögø kär tïïö gøøt.

Moa Tïïc Nyïïatwieli 27:34

Kiper manøgø nø, a kwaya uuni nou cämu, nee dëëtu tëënge, kiper bäŋ jëën wï dhaanhø aciel dïïu mo rwäänyi.»

Ibaru 11:34

na jwöc mäc mo døøŋŋø, na bøth dhøk opëëlle, na tïïc ni ge teek ki ri jäk, ni tïmge na atïëte mo tøŋ, ni riemge lwaa lenye mo juurre.