Daniel 3:24 - Wëël Jwøk

²⁴ Kar kaagø nyeya ma Nabukedenecör yie aput thäŋŋö, ni päny maal ni yie orëëm, ni pëëny jø wø cïpi jïre ka acaare, na «?Aŋø, paa jiy adäk na bëëde na leeŋø yi maac no otwöö?» Ni løkge gø jï nyeya ni köge, ni «Wui nyeya, beeye kare.»

Daniel 3:24 Iomraidhean Croise

2 Luup Nyeye 22:4

Ni put bëëte ni tïïya gïï mo nëëni ni reyø ki jï Wuuö Jwøk, kaawat mana tïïc dhi øt Akapi, kiper dhi øt Akap beege na cïpö jïre ka acaare køør thøw wänni, këël mana cööp ri ränynyö mare.

Daniel 3:17

Ni näk mo wa leeŋa yi maaøgø no orubö ni wärri enø, Jwøk marwa ni tïnywa en, løny jïre ki man piem waani yie, ni wa pieme cerï, ï na nyeya.

Daniel 3:23

'Ba Cidarak ki Micak ka Abedenagø, ge na adäk yøø, gena put päth yi maaøgø ni wärri enø, ni ge poot no otwöö karge.

Daniel 3:25

Ni dwøk gø ni kööe, ni «Neennu, jiy mo neeta ii gena aŋween mo ge kär twöö mo ge cäädhö dï maac mo bäŋ gïn mo leth mo otägö dëëtge; 'ba ŋweerge nëëni ni caala jwøk.»

Daniel 4:22

wui nyeya, jaath manøgø beeye ïïni. Kiper ïïna bëëdö ni karï dwøŋ, ni bëëdï niï teek, ni ö dööŋ karri marï ni døøŋŋe ni pïïe maal, ni ö pinynyi bäre ni en cerï.

Daniel 4:27

Kiper manøgønø, ï na nyeya en, beerra man tïm gïno caana en ni yiï met ki gø. Ïïni wec gïïa bayï, ni bëëdï niï tïïya gïn mo beer, ni weyï raay moï, ni bëëdï niï nyootha køny jï jøøa no ocaarø. Kanymør ni kwärö marï løny ki man ruue.»

Daniel 5:18

«Wui nyeya, Jwøa Dwøŋ ni en Maal wäru ma Nabukedenecör amooe ki teek nyec, ki dööŋ kar, ka ajiem, ki wödö.

Daniel 5:6

Køøre nyeya täärnyïme aput niduk, ni put cwïnye tïmö ni pärö ka acaara mare, ni ö nyeŋ ocwiiye ni tïmge ni nhønhnhi, ni ö wïth cøŋŋe ni pöötge rege.

Daniel 6:22

Jwøk mara nyïïatwiel maal mare ajääŋŋe ni mec dhøk ŋuuwe, ni kärge dëëra mooø ki ŋwellø, kiper aana joot ni bäŋ gïn mo yaa baaø nyïme, ni bäŋ gïn mo raac mo yaa tïïö dëërï thuwø, ï na nyeya.»

Daniel 6:7

Kwääri bëët mo akwöm nyec man, ki jø kööre, ki dïbwöthe, ki jø ŋøl luup, ki jøøa en løøe ceŋge, dhøkge akuurge na aciel kiper nee ï na nyeya niï kännï wøk ki ciik mo di cemø mo kïtha bäät tïïc, ni manøgø beeye ni ŋato lämö ki jwøk mør yïth nïne moø ni pïëradäk ni en nyïm yøø, wala lama dhaanhø mør ni paa ïïni, ï na nyeya en, eni wär put leeŋ yi buur ŋuuwe.

Moa Tïïc Nyïïatwieli 12:13

'Ba kanya dwøŋ dhi kal, nyakøø mo nyeŋŋe Rööda aö kuna neen gø.

Moa Tïïc Nyïïatwieli 26:13

'Ba na tïme na dhöör cäŋ, ï na nyeya, kanya ena waŋjöö, da tar ma araŋa mo ööi ki maal, ni tar døc ni kaala tac cäŋ, ni put rieny bääta ki jøøa cäädhö ki aani.

Moa Tïïc Nyïïatwieli 26:27

?Ï na nyeya ma Agaripa, aŋø, ï patha ojïëy ki luup nyïïkuk Jwøk? Ŋääa ni ïïno jïëy.»

Moa Tïïc Nyïïatwieli 9:6

'Ba ö maal ni ciï pääny; gïno tïïyï ocaan jïrï.»

1 Camiel 17:55

'Ba kar kaaca, kanya ö Cøølli na joot Deebit ni cøøa wøk baŋ leny ki nyï Pilitin manøgø, Cøøl aköö jï Abinër kwääc lwaa leny, na «?Abinër, nyilaarøgø a o ŋa?» 'Ba Abinër aköö, «Wui nyeya, ŋëëtï keerï, aani, nyilaarøgø kuua.»