Daniel 3:17 - Wëël Jwøk

¹⁷ Ni näk mo wa leeŋa yi maaøgø no orubö ni wärri enø, Jwøk marwa ni tïnywa en, løny jïre ki man piem waani yie, ni wa pieme cerï, ï na nyeya.

Daniel 3:17 Iomraidhean Croise

Wïlöölö 17:1

'Ba kanya tïm Abrammi ni cwiiye pïërabïŋween ka abïŋween, Wuuö Jwøk ree anyoodhe jï Abram, ni kööe jïgø, ni «Aana Jwøa en teeki jïre; beerra man cäädhï nyïma, ni bëëdï ni bäŋ gïn mo jøøŋŋi ri bëëtö marï.

Wïlöölö 18:14

?Aŋø, da gïn mo dhäthö jï Wuuö Jwøk? Ki kanya näk ocaanø aano duu baŋï cwiino ööi kar kany nø, ni ö Ceera ni nyööte ki nyilaal ma dïcwøø.»

Jööp 34:29

?'Ba ni näk mo eno lïŋö, aŋa noo köö ni eno bääyö? ?A ni näk mo täärnyïme ee kanø, aŋa noo joot gø? Eni, jiy ki wïth juurre bëët ena tiere,

Jööp 5:19

Eni ï käle wøk ki yïth gïï mo leth mo pïï ra abïciel, 'ba këël doo pïï ri bïrietge bäŋ gïn mo leth mo gut ïïni.

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 54:14

Tierï okëët piny yi bëëtö mo tiir, ni tïm karï ni bäär ki caannø; kiper ï tïmö ni bäŋ gïn mo lwäärï, ni ö adigööŋ lwär ni daak ree buutï, ni tïme ni ba løny ki man nyänh buutï.

Jeremaya 1:8

Kärï lwäyö ki geni, kiper a ena buutï, naa peemma ïïni.» Luummögø caana Wuuö Jwøki.

Jeremaya 15:20

'Ba aani, ï tïïa tïïö kaamar kiir mo teek mo tïïc ka nywïënyö ma jwïël ki jï jøøgø. Ni këël ge doo këëdö ki ïïni, ï ba böötge, kiper a ena buutï naa peemma ïïni, ni käla ï wøk ceŋge.

Jeremaya 15:21

Aani, ï käla wøk ceŋ jøøa reyø møn, naa piema ïïni ceŋge, ge ni wø tïïö ki gïï mo reyø dëët jiy.» Luummögø caana Wuuö Jwøki.

Daniel 3:26

Kanyøgø Nabukedenecör anyiik buut dhi kanya näk maac orubö yie ni wärri, ni put dwøre tïŋ maal døc ni cwöte, ni «Cidarak ki Micak ka Abedenagø, u ni wø tïny Jwøa Dwøŋ ni en Maal, ööu wøk ni ööu kany!» Køøre Cidarak ki Micak ka Abedenagø, gena put ö wøk ki yi maac.

Daniel 4:35

ni jø wø bëëdö wï ŋöömö geno kwaanø kaamar gïï mo bäŋgø. 'Ba eni man wø tïïe yïthakic lwaae mo maal ki yïthakic jø wø bëëdö wï ŋöömö wø tïïe ka køør man wø manynye, ni bäŋ ŋat mo løny jïre ki man gëëŋ cer gø, wala ki man kööe jï gø, na «?Agïnaŋø na tïïyï?»

Daniel 6:16

Kanyøgø nyeya aput cïpö ki dwøl, ni ö Danielli ni øømmi ni puti leeŋ yi buur ŋuuwe. Ni kö nyeya jï Daniel, ni «Jwøk marï ni wø tïnynyï cooth, eni ki dëëre ïïno pieme.»

Daniel 6:23

Kanyøgø nyeya yie atïmö ni met døc, ni put cïpö ki dwøl nee Daniel käl wøk ki yi buur. Køøre Daniel aput käl wøk ki yi buur, ni bäŋ ŋwellø mo ojoodø dëëre na bäre, kiper mana bëëde ni ŋäätha Jwøk mare.

Daniel 6:27

Eni jiy di piemø ni køny geni, ni tïïe ki nyuuthe ki gïï mo rëëma ec maal ki piny, eni na piem Daniel ceŋ ŋuuwe.»

Mikiya 7:7

'Ba aani, aano bëëdö naa raŋŋa mar Wuuö Jwøk ni cwïnya da ŋäädhe, naa koora mar Jwøk, eni noo piem aani. Eni na Jwøk mara, dwøra wïnynye wïnynyö.

Luk 1:37

Kiper bäŋ gïn mo dhäthi jï Jwøk.»

Moa Tïïc Nyïïatwieli 20:24

'Ba jwïëya patha yaa caarø ni gïn mo pere leth jïra, mo daa gwøø. 'Ba mana manynya keere beeye ki man thööra tïïc mara, ki tïïc mana wëëk Kwäärö ma Jecu aani ki man køba gïr luumma nyään na met mar met yi Jwøk.

Moa Tïïc Nyïïatwieli 21:13

'Ba Pøøl ajutö, ni kööe, na «?Agïnaŋø ni tïïyu enøgø, nou jwöŋö nou thääŋa cwïnya? Kiper yaa nø caar ni paa tööc keere, 'ba këël a doo thøw thuwø yi Jerucalem kiper nyeŋ Kwäärö ma Jecu, yia doo met.»

Wëëlö Mana Göör Pøølli Baŋ Jø Röm 8:31

?Agïnaŋø nø, noo caanø kiper gïïögø? ?Ni näk mo Jwøk ena kurø, aŋa noo männi ki øøni?

2 Körin 1:10

Waana käl wøk cer gïn mo raac døc mo doo kännö ki thøø dëëtwa. 'Ba waani, waano cäŋ käl wøk. Ni eni ewa ŋäädhö ni wa poot käle wøk cooth.

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

1 Camiel 17:37

Ni cäŋ Deebiti köö, ni «Wuuö Jwøk na piem aani cer ŋuu ki cer teeŋ cwieny mør, eni a pieme piemø cer nyï Pilitin manøgø.» Kanyøgønø, Cøøl aköö jï Deebit, ni «Wøp nø, ïïno cii; 'ba Wuuö Jwøk obëëdö ki ïïni.»

1 Camiel 17:46

'Ba dïcäŋi Wuuö Jwøk ï cïbe cera, ni nääa ïïni, ni ŋula wïïï wøk. 'Ba aani, dëët jø leny mo jø Pilitin moo 'näk dïcäŋi, wëëga wec maal ki lääc paap mo bäät piny, kiper nee ŋäc jø bäät pinynyi bëët ni Jwøk mana na adïëri nut dï jø Icriel;