Daniel 3:13 - Wëël Jwøk

¹³ Kanyøgø Nabukedenecör dwøl aput cïp, ni eno wëër ni cwïnye okëënynyö, ki man øøm Cidarak, ki Micak, ka Abedenagø; køøre jøøgø akïth nyïme, eni na nyeya.

Daniel 3:13 Iomraidhean Croise

Wïlöölö 4:5

'Ba mar Keen ki muuce moe käre jïëö. Køøre Keen agootø døc ni tïm täärnyïme ni cøl.

Pwöc Leec Wïc 17:12

Beerra eni ki man røømmø ki maath kwac mo nyïïe okälö, ni kaala man røømmø ki ŋat mo wïïe känni mo tïïya tïï bøøl.

Pwöc Leec Wïc 27:3

Ŋäc ni kïdi peek, na akwöö peek thuwø, 'ba amena mar ŋat mo wïïe känni kaala gïïögø karge riet.

Pwöc Leec Wïc 29:22

Ŋat wëëye pïëm wø di tääö, ni ö ŋat wø laar wëër ni bac gïï mo thööth.

Daniel 1:7

Køøre ŋata bëëdö na wïth jø kööre acïpö ki nyeŋ mo nyään jïge; nyeŋ mana cïbe kiper Daniel beeye Belthacacör, ni mar Ananiya beeye Cidarak, ni mar Micaël beeye Micak, ni mar Adhariya beeye Abedenagø.

Daniel 2:12

'Ba kiper luummögø, nyeya aput wëër døc ni cwïnye okëënynyö, ni put cïpö ki dwøl nee jø Babiløn bëët moa nyeŋge reegø ni wø caan tiet lääk 'näk.

Daniel 3:19

Kanyøgø Nabukedenecör wëër aput kadhø cwïnye, ni ö täärnyïme ni put ree wiil ni cøl ki Cidarak, ki Micak, ka Abedenagø. Ni cïpe ki dwøl nee maac rup døc ni wärri, nee lïëth mare pöödhe ki kwöre abïriiø ni kaala lïëth man wø bëëde.

Mathiew 10:18

Ni peege uuni nyïm kwääri ki nyeye mo juurre kiper nyeŋŋa, nou køpa gïra nyïmge ki jø poge.

Maak 13:9

«'Ba gwøgu rou, kiper uuno kïthge kwör løøe, ni pöötge uuni yïth uut acook lam. Ni cuŋŋu nyïm kwääri ki nyeye kiper nyeŋŋa, nou køpa gïra nyïmge.

Luk 21:12

'Ba kanyo poot gïïögø bëët, uuno maaŋge, ni caange uuni, ni cïpge uuni ceŋ jø uut acook lam ki uut twöc. 'Ba uuno kïthge nyïm nyeye ki nyïm kwääri kiper nyeŋŋa.

Luk 6:11

'Ba gena gootø døc, ni cäänge yïthakicge keerge kiper gïno rømi ki man tïïcge gø dëër Jecu.

Moa Tïïc Nyïïatwieli 24:24

'Ba na tïme na køør nïne møøk Pilik aöö, ki cïïe ma Darucila ma nyijø Juuth. Ni jääk baŋ Pøøl ni wïny luumme na caane kiper tier ŋäädhe na en ri Krictø Jecu.