Daniel 3:12 - Wëël Jwøk

¹² 'Ba da jø Juuth mo iï røønyø na jø käär ŋööm Babiløn, ni beege Cidarak, ki Micak, ka Abedenagø. Wui, ï na nyeya, jøøi ii, luummï ba wïnyge. Geni juu moï ba tïnyge, ni kït gïna näk otïïö ki warkey na cwödhï piny ba wøørge.»

Daniel 3:12 Iomraidhean Croise

Acther 3:8

Kanyøgø Amaan aput cäänö ki nyeya ma Ayacewëëröc ni kööe, ni «Da jiy mo okeethø yi paac marï, ni ge bëëdö kur keerge yïth mïëri moï bëët, ni ciik moge opää ki mo jiy møga bëët, ni ge bëëdö thuwø ni ciik nyeya ba wøørge. Kiper manøgønø, teeŋ jiy mo caala moøgøøni ba many gø niï bëëdï ni cwïnyï bäth ki geni.

Pwöc Leec Wïc 27:4

Wëër cïïmma tïïc gïï mo reyø ni räänyö kaamar jwïïö. ?'Ba aŋa ni maar cuŋŋö nyïm ŋat mo cwïnye okëënynyö?

Luup Dïpööy 4:4

'Ba ajooda møn ni jammi bëët mo wø tïïc ki öölö ki mo wø tïïc bëët ki køør riek waŋ, ööi ka ri këëyö man wø tägi yïthakic dhaanhø ki wati. Manøgø thuwø poot na gïn mo bäŋ tiere ni caala man many jamø nee mak.

Daniel 1:7

Køøre ŋata bëëdö na wïth jø kööre acïpö ki nyeŋ mo nyään jïge; nyeŋ mana cïbe kiper Daniel beeye Belthacacör, ni mar Ananiya beeye Cidarak, ni mar Micaël beeye Micak, ni mar Adhariya beeye Abedenagø.

Daniel 2:48

Køøre nyeya kar Daniel aput tïïc ni dwøŋ, ni mooc gø ki muuce mo thööth, ni tïïc gø nee ŋööm Babiløn bäre kääre, ni ena kwäärö thuwø mar jø Babiløn bëët moa nyeŋge reegø.

Daniel 2:49

Ni ö Danielli ni kwac nyeya, ni ö nyeya ni røøny Cidarak, ki Micak, ka Abedenagø na jø käär ŋööm Babiløn; 'ba eni na Daniel eni bëëdö cwöt.

Daniel 3:11

'Ba ŋato ba këël cøŋŋe piny ni wøør gø, eni put ka leeŋ yi maac mo orubö ni wärri.

Daniel 3:16

'Ba adwøk Cidarak, ki Micak, ka Abedenagø ni köge jï nyeya, ni «Wui, Nabukedenecör, wa ba many gø nee dëëtwa thääkwa nyïmï ki luummögø.

Daniel 3:29

Kiper manøgønø, aani, ciik man ŋøla beeye en: Noo dee jiy, ki wï jur, ki wïth dhøgi møøk mo cäänö ki luubö mo paa kare dëër Jwø Cidarak ki Micak ka Abedenagø, ge di tøyø na bulli, ni ö uudi moge ni tïï na wïthur. Kiper ki man bëëde cøøn en, bäŋ Jwøk mo jiy ee piemø ki øtjöö mo caala man nø.»

Daniel 3:30

Køøre nyeya kwär mar Cidarak ki Micak ka Abedenagø aput nyiik maal yi ŋööm jø Babiløn.

Daniel 6:13

Ni putge gø dwøgø nyïm nyeya ni köge, ni «Wui nyeya, Daniel na en røk jøøa mak ki tøŋ Juuda, ïïna taae, ni taak ciik moa göörï piny, ni eni poot bëëdö ni lämö ki dïcäŋ aciel kwöre adäk.»

Daniel 6:14

'Ba kanya ö nyeya na wïny luummögø ennø, kööre aput pädhö, ni løø wïïe baŋ acaara man piem Daniel ki gø, ni maaŋ dëëre nee jïte ki jöö man køny gø ki gø këël mana päth cäŋŋi.

Moa Tïïc Nyïïatwieli 17:7

ni pänhnhi ya Jeecanni. Ni ge gëëmö karge bëët ri ciik Cidhar, ni ge köö, ni da nyeya mør ma Jecu.»

Moa Tïïc Nyïïatwieli 5:28

ni kööe, na «?Aŋø, u kärwa mänö ki man pööu ki nyeŋŋøgø? 'Ba kawaane Jerucalem apääŋŋu ki pwöc maru, nou manynya man kälu rem ŋatøgø bäätwa.»