Daniel 3:1 - Wëël Jwøk

¹ Nyeya ma Nabukedenecör atïïö ki gïn ma kït gïrpiny mar warkey mo bäye beeye gööye ma pïërabïciel, ni bär mar deŋŋe beeye gööye abïciel; ni cwöth gø piny yi pwöl Dura yi ŋööm jø Babiløn.

Daniel 3:1 Iomraidhean Croise

1 Nyeye 12:28

'Ba nyeya acädö bäät luummögø. Køøre ena tïïö ki nyïïrøøe ariiø mo tïïc ka warkey, ni kööe jï jiy, ni «U na jø Icriel, ciin Jerucalem atïmö ni teek jïïu. Neennu, juu mou beege ii, na käl u wøk ki yi ŋööm Ijep.»

Acther 1:1

Luubö man täga ïth nïr Ayacewëëröc mana bëëdö na nyeya bäät mïëri ma dïpa ki pïërariiø ka abïriiø ki mana täge India këël Ithiöpia,

Bwøth Wøk 20:23

Kär a rwöpu ki juu møøk; juu mo tïïc ka warkey wala juu mo tïïc ka gwel-bïrö kär tïïyu kiper dëëtu.

Bwøth Wøk 32:31

Køøre Modhe adøø baŋ Wuuö Jwøk, ni kööe, ni «Wui Awuuö Jwøk, jøøgø abääyö ki bääyö mo dwøŋ døc kiree, ni tïïge ki juu ma warkey kiper dëëtge.

Aydheea 2:20

'Ba dïcäŋöce kït gïï wø lam moa tïïcge kiper dëëtge nee wøørge, na no otïïö ki gwet-bïrö ki warkey, oleeŋge piny, ni tïmge na mo adule ka adïlïge.

Aydheea 30:22

Køøre kït gïï wø lammu moa no olëënynyö ki gwel-bïrö ki moa no olëënynyö ki warkey ba wøørru këët; geni ge putu ka wetø kaamar abïï mo ree da gïn mo raac, ni kööu jïge, «Waana pää ki uuni!»

Aydheea 46:6

Da jiy mo warkey wø kunyge wøk ki yïth opïri moge, ni rømge gwel-bïrö bäät gïr røm, ni cwötge ki ŋat mo waŋe riek ki tïï warkey, ni ö ŋatøgø ni tïïc gø na kït gïn wø lam. Kanyøgønø, cøŋge këëlge piny nyïme ni wøørge gø.

Jeremaya 10:9

Dëët juu moge wø kïthge kïthö ki gwel-bïrö mo othäädhö mo käli ki Tarcëc, ki warkey mo käli ki yo Upath, ni kïtha rëëm nywïënynyi ki rëëm warkie. Dëët juu moøgø orunynyö ka abïïe mo rege da kït mo mïërö, mo tïïya jøøa nyeŋge reegø ki cwääc abïïe.

Jeremaya 16:20

?Aŋø, løny jï dhaanhø ki man tïny dëëre ki juu? 'Ba këël dee tïïö, ge patha juu ma adïëri.

Daniel 2:48

Køøre nyeya kar Daniel aput tïïc ni dwøŋ, ni mooc gø ki muuce mo thööth, ni tïïc gø nee ŋööm Babiløn bäre kääre, ni ena kwäärö thuwø mar jø Babiløn bëët moa nyeŋge reegø.

Daniel 2:49

Ni ö Danielli ni kwac nyeya, ni ö nyeya ni røøny Cidarak, ki Micak, ka Abedenagø na jø käär ŋööm Babiløn; 'ba eni na Daniel eni bëëdö cwöt.

Daniel 3:14

Ni kööe jïge, ni «?Ï na Cidarak, ki ï na Micak, ki ï na Abedenagø, beeye adïëri døøc nou bëëdö ni juu 'moa ba tïnynyu, ni kït gïna noo tïïö ki warkey na näk yaa cwöth piny ba wøørru?

Daniel 3:30

Køøre nyeya kwär mar Cidarak ki Micak ka Abedenagø aput nyiik maal yi ŋööm jø Babiløn.

Daniel 5:23

'Ba ïïna tïmö niï tïŋa riï maal niï läädö ka Kwääc maal, ni ö jiyi ni øømge athääe mo Øt Lam mare, ni kälge ge nyïmï, ni ö ïïni ki jø kööre moï, ki määrï, kö omëërri moï ni bëëdu ni køøŋ nyïïomøki maathu ka geni; ni tïme nou pwøya juu moa näk tïïc ka gwel-bïrö, ki warkey, ki jwïël, ki nywïënyö, ki jenni, ki kïte, ni beege gïï mo ba rääŋö, mo ba wïnyö, ni bäŋ gïn ŋäcge. 'Ba Jwøk, na näk jwïëc kwøw moï ena cere, ki jïëth tïïe moï, kärï jiemø.

Daniel 5:4

Kanya mäthge, marge atïmö ni ge pwøya juu moa näk tïïc ka warkey, ki gwel-bïrö, ki jwïël, ki nywïënyö, ki jenni, ki kïte.

Odheea 2:8

Kiper kuue ki man näk mo bee aani ni wø mooc gø ki beel, ki køøŋø mo met, ki maaw, ni wø cïp gwet-bïrö ki warkey ni thööth jaak jïgø, jap wø kønyge dëëtge ki ge ki man jiiŋge jwøge man wø cwøl ni Baal.

Odheea 8:4

Gena röönyö ki nyeye naa kärge pëënynyö, ni röönyge ki kwääri ni bäŋ gïn mo ŋääa kipere. Gena tïïö ki kït gïï wø lam kiper dëëtge, ni tïïcge ka gwet-bïrö ki warkie moge, 'ba geno put ränynyö ki køør japøgø.

Abakuk 2:19

Otïmö ni raac jï ŋat wø köö jï jaath, ni ‹Päyï,› ni kööe jï kïdi ni wø bäŋ jwïëy dëëre, ni ‹Ö maal.› ?Aŋø, teeŋ gïnögø, løny jïre ki man cïpe ki pwöc? Neenï, eni dëëre olëënynyö ki warkey ki gwel-bïrö, 'ba eni bäŋ jwïëy dëëre.

Moa Tïïc Nyïïatwieli 17:29

'Ba kawaane kiper mana nägø nyïï Jwøk, ba døø caarø ni Jwøk caala warkey, wala gwel-bïrö, wala kïdi, na gïn wø tieŋ dhaanhe ni ee päärö ki gïn mo ee caarø ki wïïe ki køør riek waŋ mare.

Moa Tïïc Nyïïatwieli 19:26

'Ba aneennu ni wïnynyu gø ni paa Epeca keere, 'ba päl Eecia ki kare bäre, jiy mo thööth anø pwöny Pøøløgø ni løø cwïnyge wøk, ki køør mana kööe, ni ‹Juu mo tïïc ka ceŋ, paa juu ma adïëri.›

Tiet Ciik 7:25

'Ba gïïa tieŋge na juu moge dou waaŋø ki maac. 'Ba kär dee gïn manynyu ri warkey wala gwel-bïrö mana näk oleeny dëëtge, ni ba kädu rege kiper dëëtu, nee ba tïmge ni caala abïëp kiperu, kiper gïïögø beege gïï mo Wuuö Jwøk na näk Jwøu yie raac ki ge døc.

Mana Nyooth 9:20

'Ba jøøa dööŋ, na näk kär thøw ki jap räny piny moøgø, cwïnyge kärge løø ki man wecge wøør gïïa tïïcge ki ceŋge, ni ba wecge wøør anäge, ki gïï wø lam mo warkey, ki gwet-bïrö, ki jwëëlli, ki kïdi, ki jaath, gïï wø bäŋ gïn mo maarge raŋ, ni ge ba wïnyö, ni ge ba cäädhi.