Daniel 2:9 - Wëël Jwøk

⁹ ni ni näk mo lääk ba caannu jïra, tïmö ni da ciik aciel keere kiperu. Uuni dhøgu atuutu, u bëët, ki man caannu tööt ki luup mo reyø nyïma nee dee gïn mo ree wiile. Ennø, caannu lääk jïra kiper nee ŋääa ni løny jïïu ki man caannu tier gïna cääne kipere jïra.»

Daniel 2:9 Iomraidhean Croise

1 Nyeye 22:22

'Ba Wuuö Jwøk aköö jïre, ni ‹?Wïïe omaaŋŋï gø nidïï?› Ni kööe, ni ‹Aani a cøø ni tïma ni aana dïcuuy ki dhøk nyïïkuk Jwøk moe bëët.› Køøre Wuuö Jwøk aköö, ni ‹Ba dhäthi jïrï ki man maaŋŋï wïïe. Ciï ni tïïyï gø.›

1 Nyeye 22:6

Køøre nyeny Icriel jiy moa tïïc rege na nyïïkuk Jwøk acooŋ kanya ciel, ni beege jiy mo jïtö ki dïpe aŋweenø, ni kööe jïge, ni «?Cøøa baŋ leny Ramöth-Gelät, wala kära cøø?» 'Ba gena köö, ni «Ciï, ocïp Wuuö Jwøki cerï, ï na nyeya.»

Acther 4:11

ni «Dhaanhø jaak, dïcwøø wala dhaagø, ni näk mo eno døny yi kal mar øt wälu mar nyeya nee nyeya neene ni kär cwølø, eni put ka 'näk. Manøgø beeye ciik mo ŋäc jaae mo nyeya bëët ki jiy mo wø bëëdö tiet mïëri moe. 'Ba jöö aciel keere mo løny man pïïö kaace ki gø ni dhaanhø ba 'näk beeye kanyo näk mo nyeya athøny warkey mare ee tïŋ maal baŋ dhaanhø. 'Ba dïcäŋi jïra da nïne mo pïëradäk naa kär cwølø ki man cøøa baŋ nyeya.»

Pwöc Leec Wïc 12:19

Dhøk mo cara adïëri ruu na bäre bäre, 'ba leep mo cara tööt beeta kany mo thiinh.

Aydheea 41:23

Caannu gïïo en yi nyïm jïwa, nee ŋäcwa ni uuna juu møn; tïïu ki gïn mo beer wala mo raac, nee cwïnywa bwøkge ni lwäcwa.

Aydheea 44:25

Jø wø ŋwöö kiper ŋïïce moge, tiet ŋïïce moge tïïa tïïö ni bäŋ karge, ni ö adïëda mar jø wø dëëdö ki jap nyïm ni tïme na jap bøølø, ni tïïa jøøa nyeŋge reegø nee wïthge rege nootge, ni tïïa kwänynyö marge na bøølø.

Edhikiel 13:17

«'Ba ennø, ï na wär dhaanhø, këël wïïï ri nyïïakuue mo jø pou moø ni wø cäänö ni da luup mo onyoodhø jïge yøø ki køør adïëda marge keerge. Cään geni,

Edhikiel 13:19

Uuni, aana päätu yïthakic jiya kiper beek wø cwøl ni gäbci mo ena yi thäny cenø ki thääŋ kwön. Ki køør mana cäänu ki luup tööt jï jiya mo wø cek ïthge ki jap tööt, jiy moa ba doo rømø ki thøø anägu, ni ö jiyi moa ba doo rømø ki man bëëtge ni kwøw ni wëëgu ge kwøw.› »

Edhikiel 13:6

Ge cäänö ki luup tööt ni da gïï mo onyoodhø jïge, ni marge adïëda jaak, ni ge köö, ni «Wuuö Jwøk aköö na ennø nø,» ni ge kär jääŋ Wuuö Jwøki. 'Ba ge poot ŋäädhö jaak ni luup moge thura karge.

Daniel 2:16

Ni ö Danielli ni put cøø ni pëëny nyeya nee eni kwäänni ki nïne kiper nee lønye jïre ki man caan tier lääk jï nyeya.

Daniel 2:21

Bee eni ni wø wel nïne ki ruun. Bee eni ni wø dwøk nyeye piny, ni wø këël tiet nyeye piny. Bee eni ni wø cïp leec wïc jï jøøa wïthge leer, ni wø cïp kwänynyö jï jø wø ŋäc tiet luup.

Daniel 2:8

Ni dwøgi ya nyeya ni kööe, ni «Ka adïëri møn, aani, ŋääa nou thaya luubö jaak kiper mana jootu gø ni mana nø ŋøla yaa tïïö ni teek,

Daniel 3:15

Ennø, ni näk mo rou you jiiŋŋø, kanyo wïnynyu dwør tuuŋ, ki dwør opelø, ki dwør thoom, ki dwør thoom-othïënhö, ki dwør buul, ki dööt wïth jap meeŋ bëët, ni putu cøŋŋu këël piny ni wøørru kït gïna näk yaa tïïö ki warkey, wøp; 'ba ni näk mo ba wøørru, kawaane waane en u put ka leeŋ yi maac mo orubö ni wärri. ?'Ba a jwøa ŋø nø noo piem uuni cera?»

Daniel 5:28

«PARCIN beeye pääŋŋö, ni tiere beeye na akwöm nyec marï di pääŋŋö ni mëëge jø Mëdön ki jø Parca.»

Daniel 5:31

ni ö Dariöci nyï Mëdön ni lwør nyec ni cwiiri moe pïërabïciel ka ariiø.

Daniel 7:25

Ni cääne ki luup dëër Jwøa Dwøŋ ni en Maal, ni dïïm jiy moe, Eni na dwøŋ ni en maal, ni cäde ki man wiil kwöra wäŋŋi ki ciik, ni ö jic Jwøk ni cïbi cere ki cwiiri adäk ki thääŋö.

2 Körin 2:17

Kiper wa ba caal jøø ni thööth yøø ni wø køp luum Jwøk kiper gwel. 'Ba waana jiy mo bäŋ atade cwïnywa, mo jiera Jwøki, ni wa cäänö ka nyeŋ Krictø nyïm Jwøk.