Daniel 2:48 - Wëël Jwøk

⁴⁸ Køøre nyeya kar Daniel aput tïïc ni dwøŋ, ni mooc gø ki muuce mo thööth, ni tïïc gø nee ŋööm Babiløn bäre kääre, ni ena kwäärö thuwø mar jø Babiløn bëët moa nyeŋge reegø.

Daniel 2:48 Iomraidhean Croise

2 Camiel 19:32

'Ba Bardhilay oløny na jaal mo dwøŋ, ni cwiiye oløny na pïërabära; 'ba eni, ena bëëdö ni cïpö ki cam jï nyeya kanya bëët nyeya Maanayim, kiper Bardhilay beeye dhaanhø mo okwär døc.

2 Nyeye 5:1

'Ba Neeman mana bëëdö na kwääy lwaa leny mar nyeny Aram beeye ŋat mo kare dwøŋ døc nyïm nyeya mare, ni eno wøørø døc, kiper beeye eni na ö Wuuö Jwøki na tïïc jø Aram nee kääthge ki køøre; ni eni thuwø beeye ŋat leny mo teek. 'Ba eni dëëre da dhøøbø.

Jööp 1:3

ni jïre da dïëk ma rööm ma kume abïriiø, ka athïrööle ma kume adäk, ki dhää puur ma kuma aciel, ka arëëni ma dïpe abïïc, ki jø tïïc mo thööth døc. 'Ba ena dhaanhø mo kare dwøŋ døc yïthakic jiy bëët moa en jï løø kur tuul-cäŋ.

Jeremaya 5:5

Aani, a cøøa baŋ jøøa kwörge døøŋŋø, ni cääna ki geni, kiper geni, jöör Wuuö Jwøk, Jwøk marge, ki ciik moe ŋäcge.» 'Ba geni thuwø, gena kweer ki man bëënge Wuuö Jwøk, ni kweerge ki man jïëcge pwöc moe.

Daniel 2:6

'Ba ni näk mo lääk you caanø ki tier gïna cääne kipere, u jïtö ki muuce baŋa ki gïr mïn ec, ki wödö mo dwøŋ. Kiper manøgø nø, caannu lääk jïra ki tier gïna cääne kipere.»

Daniel 3:1

Nyeya ma Nabukedenecör atïïö ki gïn ma kït gïrpiny mar warkey mo bäye beeye gööye ma pïërabïciel, ni bär mar deŋŋe beeye gööye abïciel; ni cwöth gø piny yi pwöl Dura yi ŋööm jø Babiløn.

Daniel 3:12

'Ba da jø Juuth mo iï røønyø na jø käär ŋööm Babiløn, ni beege Cidarak, ki Micak, ka Abedenagø. Wui, ï na nyeya, jøøi ii, luummï ba wïnyge. Geni juu moï ba tïnyge, ni kït gïna näk otïïö ki warkey na cwödhï piny ba wøørge.»

Daniel 3:30

Køøre nyeya kwär mar Cidarak ki Micak ka Abedenagø aput nyiik maal yi ŋööm jø Babiløn.

Daniel 4:6

Kanyøgø aana jäägö ki dwøl nee jø Babiløn bëët moa nyeŋge reegø øømmi nee käl nyïma kiper nee tier gïna cään lääki kipere caange jïra.

Daniel 4:9

ni «Wui Belthacacör, ï na kwääy ajuuk, aani ŋääa ni jwïëc juu mo ena kur keerge ena bäätï, ni bäŋ gïn mo tiere okanø mo dhäthö jïrï. 'Ba ennø, gïïa nyooth jïra ki yi lääk na jooda, ki tier gïna cääne kipere caanï jïra.

Daniel 5:11

Da dhaanhø yi po nyec marï mo jwïëc juu mo ena kur keerge ena bääte. Ki yïth nïne moa beet wäru, ŋatøgø ajoot na ŋat mo kwel wïc, ki leec ŋeth, ki leec wïc mo caala leec wïc mar juu ena bääte, ni ö nyeya ma Nabukedenecör ni beeye wäru, wäru ma nyeya, ni røøny gø na kwäärö bäät ajuuk, ki jøøa nyeŋge reegø, ka ajuuk mo jø Kaldia, ki jø adïëda.

Daniel 5:16

'Ba aani ki dëëra, gïrï awïnynya ki man näk mo løny jïrï ki man caanï tier gïrpiny, ki man pätï tiet luup mo teek. 'Ba ennø, ni näk mo løny jïrï ki man kwaanï gïn no ogöörö en jïra, ni caanï tier gïna cääne kipere, ïïni dëërï di runynyö ka abïï ma abïcøle, ni kïth cwaagï ki tiin warkey, ni tïmï ni ïïna dää kwääri moa näk teek ocïp ceŋge ni wø käär akwöm nyec man.»

Daniel 5:29

Kanyøgø Belthacör aput cïpö ki dwøl, ni ö jiyi ni runyge dëër Daniel ka abïï ma abïcøle, ni kïthge cwaak gø ki tiin warkey, ni putge gööc piny ki luubö kipere ni ki mano täge ennø, ena jïtö ki teek ni ena dää kwääri mo wø käär akwöm nyec.

Daniel 5:7

Ni ö eni na nyeya ni cwöte ki dwøl mo päl nee jøøa nyeŋge reegø, ka ajuuk mo jø Kaldia, ki jø adïëda, käli. Ni cään jø Babiløn moøgø na wïthge leer, ni kööe, ni «Nee da ŋat mo løny ki man kwaan gïn jïra no ogöörö en, ni caan tier gïna cääne kipere, eni dëëre di runynyö ka abïï ma abïcøle, ni kïth cwaage ki tiin warkey, ni tïme na dää kwääri moa näk teek ocïp ceŋge ni wø käär akwöm nyec man.»

Daniel 8:27

'Ba a na Daniel, dëëra aput nidhooth piny, ni bëëda naa tuu ki nïne møøk. Køøre aana cäŋ ö maal ni døøa baŋ tïï nyeya, 'ba aani a bëëdö ni yia othäŋŋö jaak ki gïna nyooth, kiper tiere kär ci wïïa.

Kwään Jiy 24:11

Kiper manøgønø, aa pou kawaane ennø. Aana köö niï daa wøørø døc cøøn na bëëde; 'ba ennø, Wuuö Jwøk wöt marï amäne.»

1 Camiel 17:25

Køøre jø leny mo jø Icriel aköö, na «?Aŋø, nyenøgø ni ööi enø käru joodø? Ka adïëri møn, eni ööa kuna ŋwöe bäät jø Icriel. 'Ba ŋato 'näk nyenøgø, otïïc nyeya na dhaanhø mo okwär døc, ni cïp nyaare jïgø nee tïme na cïïe, ni tïïc dhi øt wää ŋatøgø ni ba cïpi ka ajwäk dï Icriel.»

1 Camiel 2:8

Beeye eni wø tïŋ ŋata can maal ki yi bur, ni beeye eni wø mak cer ŋata can ni tïŋ gø maal ki wïthur, ni cïp ge kanya ciel ki jøøa kwörge døøŋŋø, ni pïge piny kwör jøøa no owøørø; kiper Wuuö Jwøk beeye na cwääc piny ni teek, ni piny bäre ena cere.

1 Camiel 25:2

'Ba da nyen mør mo bëëdö Maøn mo tïïc mare ena Karmël. 'Ba nyenøgø beeye dhaanhø mo okwär døc, ni jïre da rööm ma kume adäk ka atëëe ma kuma. Ni kar kaagø, eni nyädö ki jïëc rööm moe Karmël kaace.