Daniel 2:47 - Wëël Jwøk

⁴⁷ Ni kööe jï Daniel, ni «Ka adïëri møn, Jwøï beeye wïth juu, ni beeye kwääc nyeye ni wø nyooth gïï mo tietge okanø, kiper mana lønye jïrï ki mana nyoothï tier gïn no okanø en.»

Daniel 2:47 Iomraidhean Croise

Wïlöölö 41:39

Køøre Peerø aköö jï Jocep, «Kaa mana ö Jwøki na nyuunh gïïögø bëët ïïni, bäŋ dhaanhø mør këët mo wïïe leer mo kaala ïïni.

2 Nyeye 5:15

'Ba kanya ö Neemanni ki jiye bëët na duuge baŋ nyikuŋ Jwøk, Neeman acøø ni cuŋŋe nyïme ni kööe, ni «Ka adïëri møn, ennø, aputa ŋäc ni bäŋ Jwøk bäät piny bäre, 'ba beeye Jwø Icriel keere. 'Ba ennø, beerra man lwørï muuce moo cïba jïrï, a na dhaanhnhï en.»

Jööp 12:19

Eni, kwääc laam wø wëëge wääth ki tietge jaak ni bäŋ war, ni raany teek mar jøøa näk nyeŋge ŋäc ki kany mo yie bäär.

Dut Pwøc 82:1

Edhikiel 26:7

«Kiper man beeye luumma caan Kwäärö Wuuö Jwøki, ena köö, ni ‹Aani, Nabukedenecör nyeny Babiløn na näk nyeny nyeye, käla kälö ki wï-piny, ni käädö ko okwëënyi, ki jïëth okwëëc leny, ki jø wø këëdi ki bäät okwëënyi, ki jø leny mo thööth nee öge kuna raanyge Tayar.

Daniel 11:36

«'Ba nyeya tïmö ni tïïya gïno met yie ki gø jaak, ni tïŋ dëëre maal ni dwøŋŋa eni bäät juu bëët, ni cääne ki luup mo thäŋa ec dëër Jwø wïth juu. Eni bëëdö ni bëëtö mare othur kare, këël kanyo ö kar wëër mar Jwøk noo pääŋe, kiper gïna no onøŋøl, tägö møn.

Daniel 2:19

Kanyøgø gïnö ni tiere okanø enø aput nyooth jï Daniel ki wäär yïth lääk. Køøre Daniel Jwø maal aput pwøc,

Daniel 2:22

Bee eni ni wø nyooth tiet gïï mo ena piny mo okanø; bee eni ni wø ŋäc gïï mo ena yi muudhö, ni tar bëëdö ka eni.

Daniel 2:28

'Ba da Jwøk mo ena maal ni wø nyooth tiet gïï mo okanø. Eni gïno tägi yi nyïm anyoodhe jïrï, ï na nyeya ma Nabukedenecör en. Lääk marï ki gïïa nyooth jïrï ki yi wïïï kanya bëëdï niï ena kar niine beege ii:

Daniel 2:29

«Wui ï na nyeya, kanya bëëdï niï ena kar niine, wïïï ree aløø baŋ gïïo tägi yi nyïm, ni ö eni ni wø nyooth gïï mo tietge okanø ni nyuth ïïni gïno tägi yi nyïm.

Daniel 2:30

'Ba aani, gïnögø ni tiere okanø enø, anyooth jïra, ni paa kiper ni da leec wïc jïra mo dwøŋŋa eni mo kaala mar jiy bëët moi ni kwøw ii, 'ba beeye kiper nee tier gïna cääne kipere ŋäyï, ï na nyeya, na acaare moa en wïïï tietge ŋäyï.

Daniel 2:37

Wui ï na nyeya en, beeye ïïni na nyeny nyeye. Jwø maal käädö mar nyec, ki teek, ki thwønh, ka ajiem acïbe jïrï,

Daniel 3:15

Ennø, ni näk mo rou you jiiŋŋø, kanyo wïnynyu dwør tuuŋ, ki dwør opelø, ki dwør thoom, ki dwør thoom-othïënhö, ki dwør buul, ki dööt wïth jap meeŋ bëët, ni putu cøŋŋu këël piny ni wøørru kït gïna näk yaa tïïö ki warkey, wøp; 'ba ni näk mo ba wøørru, kawaane waane en u put ka leeŋ yi maac mo orubö ni wärri. ?'Ba a jwøa ŋø nø noo piem uuni cera?»

Daniel 3:28

Kanyøgø Nabukedenecör aput köö, ni «Pwøc en jï Jwø Cidarak, eni ki Micak ka Abedenagø, Jwøa jääŋ nyïïatwiel maal mare na piem jiye, jøøa ŋääth eni. Geni, dwør nyeya akwierge, ni per dëëtge kär leth jïge, ni kweerge ki man tïnyge jwøk mør wala ki man wøørge gø, 'ba beeye Jwøge keere.

Daniel 3:29

Kiper manøgønø, aani, ciik man ŋøla beeye en: Noo dee jiy, ki wï jur, ki wïth dhøgi møøk mo cäänö ki luubö mo paa kare dëër Jwø Cidarak ki Micak ka Abedenagø, ge di tøyø na bulli, ni ö uudi moge ni tïï na wïthur. Kiper ki man bëëde cøøn en, bäŋ Jwøk mo jiy ee piemø ki øtjöö mo caala man nø.»

Daniel 4:17

Luummögø beeye mana cem nyïïatwiet maalli, ge na jø koor, ni beeye mana ŋølge, ge na en kur keerge, kiper nee ŋäc jøøa kwøwi ki man näk mo Jwøa Dwøŋ ni en Maal jïre da teek bäät akwöm nyec mo jiy, ni løny ki man cïp gø jï ŋato manynye jaak, ni beeye ŋata kare bäŋgø dï jiy.›

Daniel 4:25

ki man näk miï riema wøk ki dï jiy, ni tïm kar bëëtö marï ni ena dï lääc paap, ni tïmï niï cama luum kaamar dhieŋ, ni bëët dëërï ni thec ki thööy ki cwiiri abïriiø, këël kanyo ŋäyï gø ki man näk mo Jwøa Dwøŋ ni en Maal jïre da teek bäät akwöm nyec mo jiy, ni løny ki man cïp gø jï ŋato manynye jaak.

Daniel 4:32

ni riem ïïni wøk ki dï jiy, ni tïm kar bëëtö marï ni ena dï lääc paap. Ïïni, ïïno cämö ki luum kaamar dhieŋ ki cwiiri abïriiø, këël kanyo ŋäyï gø ki man näk mo Jwøa Dwøŋ ni en Maal jïre da teek bäät akwöp nyec mo jiy, ni løny ki man cïp gø jï ŋato manynye jaak.»

Daniel 5:11

Da dhaanhø yi po nyec marï mo jwïëc juu mo ena kur keerge ena bääte. Ki yïth nïne moa beet wäru, ŋatøgø ajoot na ŋat mo kwel wïc, ki leec ŋeth, ki leec wïc mo caala leec wïc mar juu ena bääte, ni ö nyeya ma Nabukedenecör ni beeye wäru, wäru ma nyeya, ni røøny gø na kwäärö bäät ajuuk, ki jøøa nyeŋge reegø, ka ajuuk mo jø Kaldia, ki jø adïëda.

Amøc 3:7

Kiper Wuuö Jwøk bäŋ gïn mo tïïe jaak ni gïna näk ee cooŋø ki cwïnye käre caanø jï laaŋe na näk nyïïkuk moe.

1 Körin 14:25

ni ö gïïa en cwïnye ni ŋääi. 'Ba køøre nø, Jwøk owøøre ni täärnyïme ee këël piny, ni put gø caan, na «Adïëri møn, Jwøk ena dïïu.»

Tiet Ciik 10:17

Kiper Wuuö Jwøk na näk Jwøu beeye Jwøk mo dwøŋŋa eni ki juu møga, ni ena kwääc kwääri, ni ena Jwøk mo dwøŋ mo teek, mo di lwäärö, mo ba jëënyö, mo ba ŋeew ki jammi mo wø cïp ki piny.

1 Timöthi 6:15

'Ba noo tïm kar gïnögø na kare, manøgøøni onyooth Ŋata dwøŋŋa eni keere, na näk ogwïëdhö, eni na näk Nyeny nyeye, ni näk Kwääny kwääri,

Jøcua 22:22

ni «Kare møn, Jwøk na näk Wuuö Jwøk, Jwøa en teeki jïre, tier gïnögø ŋääe; 'ba beerra man ö jø Icrielli ki dëëtge kiree ni ŋäcge tier gïnögø. 'Ba ni näk mo tier gïnögø ageem, ni waano bääyö dëër Wuuö Jwøk møn, beerra man ö Wuuö Jwøki ni ba køny waani ceŋŋu dïcäŋ man en.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»