Daniel 2:46 - Wëël Jwøk

⁴⁶ Kanyøgø nyeya ma Nabukedenecör cøŋŋe aput këël piny ni kuul wïïe piny nyïm Daniel ni wøøra gø. Ni cïpe ki dwøl nee cïpö ki muuy ki gïn wø jïye ŋwääi ni met jï Daniel.

Daniel 2:46 Iomraidhean Croise

Edhera 6:10

nee tïme ni ge cïpa olämme mo yi Jwø maal met ki ge, nee ge lämge kiper kwøw mara, a na nyeya, ki wääta.

Daniel 3:5

Kanyo wïnynyu dwør tuuŋ ennø ki dwør opelø, ki dwør thoom, ki dwør thoom-othïënhö, ki dwør buul, ki dööt wïth jap meeŋ bëët, cøŋŋu wär putu këël piny nou wøøra kït gïnögø no otïïö ki warkey enø na cwöth nyeya piny ma Nabukedenecör.

Daniel 3:7

Kanyøgø nø, kanya ö jiyi bëët na wïnyge dwør tuuŋ, ki dwør opelø, ki dwør thoom, ki dwør thoom-othïënhö, ki dwør buul, ki dööt wïth jap meeŋ bëët, wïth jiy bëët, ki wïth juurre, ki wïth dhøgi, cøŋge aputge këël piny ni ge wøøra kït gïnögø no otïïö ki warkey enø na cwöth nyeya piny ma Nabukedenecör.

Daniel 8:17

'Ba kanya pïïe buut kanya cuŋŋa yie, aana lwäyö ni pädha ki täärnyïma. Ni kööe jïra, ni «Wär dhaanhø, wär ŋäyï ki man näk mo gïna nyooth cäänö kaper kanyo ŋuut pinynyi yie.»

Ciik Kiper Dïlämme 26:31

Päänye mou oraanynya na bäre ni nigeruuth, ni raanynya kwör lam mou, ni tïm muuce mou mo wø waaŋ ni wø ŋwääi ni met ni ba ŋwääi jïra këët.

Luk 17:16

Ni päth tiet Jecu, ni pwøc gø. 'Ba nyenøgø, ena nyï Cameria.

Moa Tïïc Nyïïatwieli 10:25

'Ba na døny Piterri, Körnilia aput ci baŋe, ni päth tiet gø ni wøør gø.

Moa Tïïc Nyïïatwieli 14:13

Ni ö kwääy lammi mar jwøa cwøl na Dhuc, na näk øt lam mare ena nyïm pääny, ni kïth dhøk kiir ki rwädhe ki ïth jenni mo oŋøøk ni mïërö, ni eni manynya man 'näk rwädhe moøgø no olämme jï Barnaba ki Pøøl nyïm jiy.

Moa Tïïc Nyïïatwieli 28:6

Ni raŋge gø ni ki baŋge ni dëëre puta kwöt, wala kanymør laara pädhö ni thøøe. 'Ba na nø ruuge ni ge neeta gø ki kany mo bäär, ni bäŋ gïn mo raac mo otägö dëëre mo ege joodø, acäŋge caarø ni köge, ni «Ena jwøk mør.»

Mana Nyooth 11:16

Ni ö jaae moa näk pïërariiø kurŋween na en bäät wäle moge nyïm Jwøk, ni päthge ki nyïmge ni wøørge Jwøk.

Mana Nyooth 19:10

Kanyøgøøni aana päth tiete nee wøøra. 'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru, ni beege jø wø en gïr Jecu cwïnyge. Wøør Jwøk.» Kiper gïr Jecu wø køp beeye luup wø køp nyïïkuk Jwøki thuwø.

Mana Nyooth 22:8

Aana Jøøn, ŋata wïny gïïögø ni neen geni. 'Ba na wïnynya ge ni neena geni, aana päth tiet nyïïatwiel maal manøgø, ŋata nyooth ge jïra, nee wøøra.