Daniel 2:40 - Wëël Jwøk

⁴⁰ Ka aŋuudi tïmö ni da ŋweer akwöm nyec mo teek kaamar nywïënyö, kiper nywïënyö jammi bëët wø di petø ni ŋiith geni. Kaawat man wø ö nywïënyö wø pet jammi na thäŋi, akwöm nyec manøgø akwöp nyec moøgø bëët pete petø na thäŋi ni ŋiith ge.

Daniel 2:40 Iomraidhean Croise

Jööp 9:17

Eni, a wø tøye tøyø ki jamø mo teek, ni kïth dëëra ki ŋwiili mo thööth ki gïn mo bäŋ tiere.

Jeremaya 15:12

«?Aŋø, da ŋat mo løny jïre ki man toor nywïënyö mo teek mo käli ki jï løø wï-piny?

Daniel 2:33

no otweege beeye nywïënyö, ni cääthe moe løøk mør otïïö ki nywïënyö, ni løøk mør otïïö ko odhöönh mo obulö.

Daniel 2:39

«'Ba køørï da akwöm nyec mo ööa maal mo thiinhnha eni ki marï. Køør manøgø beeye dää akwöm nyec mo mar jwïël, mano käär piny bäre.

Daniel 2:41

Kaawat mana raŋï gïnögø ni cääthe moe ki lweete løøk mør otïïö ko odhöönh mo obulö ni løøk mør otïïö ki nywïënyö, manøgø tïmö na akwöm nyec mo dëëre di pääŋŋö; 'ba poot da kur teek mo caala nywïënyö yie, kaawat mana jootï gø ni nywïënyö okuurö ko odhöönh.

Daniel 7:7

«Køør manøgø kanya bëëda ki wäär naa poot raŋŋa gïïa nyooth jïra ki yi wïïa, aana nëënnö ki ŋweer cwëënyi mo cwïny bwøk ki gø, mo di lwäärö, mo teek døc, ni jïre da lak mo døøŋŋø ma nywïëny. Kany wø cäme, cam pete petø ni thenh thenh ni løøny geni, ni nyør moa dööŋ ki tiete. Eni ba caal cwëënyi moa dïkwøŋ bëët, ni eni jïre da tuŋi apaar.

Daniel 8:24

Eni teek mare tïmö ni dwøŋ døc, 'ba paa teek mare ki dëëre. Eni, räänyö mo dwøŋ tïïe tïïö, ni ö gïn wø tïïe jaak ni thur kare. Eni jiy moa teek, këël ki jic Jwøk raanynye raanynyø.

Daniel 9:26

'Ba kanyo tïme na køør cwiiri abïriiø kwöre ma pïërabïciel ka ariiø, ŋata näk wïïe othïïmmö ki maaw di nääö ni bäŋ gïn mo dööŋ jïre, ni ö jø lenynyi mo kwäärö mør mo ena nyïm ni raanyge pääny ki kar lam na en kur keere. 'Ba aŋuunne öö kaamar jwïëö. Leny obëëdö ni cäätha nyïme jaak këël aŋuunne, ni ränynyö bëëdö no onøŋøl.

Amøc 1:3

Wuuö Jwøk aköö na ennø, ni «Kiper mana ö jø Damacka na kaathge bääyö marge, a ba døø ŋääa ki man jääla geni, kiper jø Gelät anyathge ka abaya ma nywïënyö.

Jøøn 11:48

Ni näk mo wiiø wiiø ni tïïö na enøgønø, jiy bëët jïëy ki eni ni ŋääthge gøøni, ni ö jø Römmi ni öge ni nyakge Øt Jwøk marø ki pøø bäre.»