Daniel 2:4 - Wëël Jwøk

⁴ Kanyøgø ajuuk mo jø Kaldia gena put köö jï nyeya ki dhøk mar jø Aram, ni «Wui nyeya, ïïno bëëdö na bäre bäre! Caan lääk jïwa, wa na jiyi ii, køøre waani tier lääk caanwa caanø.»

Daniel 2:4 Iomraidhean Croise

Wïlöölö 31:47

Ni ö Leeban ni cwøl nyeŋ gø ni Jagar-Caadutha. 'Ba acwøl Jeekapi ni Galïït.

Wïlöölö 41:8

'Ba na tïme na aruunnø, lääk moi wï Peerø akierge døc. Køøre ena jäägö ni cwøl jiye moa nyeŋge reegø bëët mo Ijep ka ajuuk bëët, ni par lääk moe jïge. 'Ba bäŋ ŋat moo løny jïre ki man caan tier gø jï Peerø.

1 Nyeye 1:25

Kiper dïcäŋi ena løøc piny kunece ni cïpe ki dhäk mo thööth, ki nyïïrøøe moa no olør mo thööth, ki dïëk mo thööth no olämme; ni nø cwøl wäätï bëët, ki kwääc lwaae mo leny, ka Abiethaar na näk Kwääy Lam Mana Dwøŋ; ni ennø, ge cämö ni ge mädhö nyïme, ni ge köö, ni ‹Nyeya ma Adöniya puta bëëtö na bäre bäre!›

1 Nyeye 1:31

Kanyøgønø, Bathcïba cøŋŋe akëël piny ni kuul wïïe piny nyïm nyeya ni kööe, ni «Beerra man bëët nyeya mara ma Deebit na bäre bäre!»

2 Nyeye 18:26

'Ba Eliekim wär Kilkiya, ki Cëpna, ki Jöa gena köö jï Rapcakë, ni «Beerra man ba caanï luummögø jïwa ki dhi Ibaru, na näk dhøk marwa, ni wïnyö jï jøøi no opï piny bäät kiir ii; 'ba caanï jïwa ki dhi jø Aram, kiper wïnyö jïwa.»

Edhera 4:7

'Ba kanya tïme na ri nïr Arthëkcic nyeny Parca, Biclam, ki Mithiredat, ki Thabël, ki jø wø tïïge ki geni na aciel, gena göön baŋ Arthëkcic ki wëëlö, ni wëëlö manøgø göör ka dha Aram ni kwaan ni cäŋ ka løgø.

Neemiya 2:3

ni kööa, ni «Wui Nyeya, ïïno bëëdö na bäre bäre. ?Aani, cwïnya ba pädhe nidïï këët ni pääny kanya en bwöc kwäcwa yie oränynyö, ni dhøgi mo kiir mare othöör maaci?»

Aydheea 36:11

'Ba Eliekim, ki Cëpna, ki Jöa gena köö jï kwääy lwaa leny, ni «Beerra man ba caanï luummögø jïwa ki dhi Ibaru, na näk dhøk marwa, ni wïnyö jï jøøi no opï piny bäät kiir ii; 'ba caanï jïwa ki dhi jø Aram, kiper wïnyö jïwa.»

Aydheea 44:25

Jø wø ŋwöö kiper ŋïïce moge, tiet ŋïïce moge tïïa tïïö ni bäŋ karge, ni ö adïëda mar jø wø dëëdö ki jap nyïm ni tïme na jap bøølø, ni tïïa jøøa nyeŋge reegø nee wïthge rege nootge, ni tïïa kwänynyö marge na bøølø.

Daniel 1:4

ni beege wøpe mo bäŋ möönynyö dëëtge, mo mïërö, mo wïthge kwel ni wïthge leer, mo nyeŋge reegø ki kwänynyö, ni tiet luup laara ci wïthge, mo orømø ki man tïïge paan dwøŋ. Ni tïïc geni nee pwönynyi ki göör luubö, ki dhøk mar jø Kaldia.

Daniel 2:7

Ni løkge gø ri rietge ni köge, ni «Ï na nyeya en, beerra man caanï lääk jïwa, wa na jiyï ii; køøre waani tier gïna cääne kipere caanwa caanø.»

Daniel 3:9

Ni köge jï nyeya ma Nabukedenecör, ni «Wui nyeya, ïïno bëëdö na bäre bäre!

Daniel 4:19

Kanyøgø Daniel, ni wø nyeŋŋe cwøl ni Belthacacör, amak apïte ki kany mo bäär mëëth, ni bëëde ni cwïnye pärö ki køør acaara mare. Ni luup nyeya ni kööe, ni «Belthacacör, lääk manøgø ki tier gïna cääne kipere, kär cwïnyï døøcge mo pärö.» Ni dwøgi ya Belthacacörri ni kööe, ni «Wui nyeya, doo beerra eni ki mana di lääki cäänö kiper jøøa män ki ïïni, ni tier gïna cään lääki kipere doo na poot cäänö kaper nyïïmän moï.

Daniel 4:7

Køøre ajuuk, ki jøøa nyeŋge reegø, ka ajuuk mo jø Kaldia, ki jø adïëda, gena öö, ni lama lääk jïge; 'ba kär løny jïge ki man caange tier lääk jïra.

Daniel 4:9

ni «Wui Belthacacör, ï na kwääy ajuuk, aani ŋääa ni jwïëc juu mo ena kur keerge ena bäätï, ni bäŋ gïn mo tiere okanø mo dhäthö jïrï. 'Ba ennø, gïïa nyooth jïra ki yi lääk na jooda, ki tier gïna cääne kipere caanï jïra.

Daniel 5:10

'Ba gwanynyø mii nyeya adøny kar ajwöma mar cam yi øtø kiper luup moa caan nyeya ki jø kööre moe. Ni ö gwanynyø ni cäänne ni kööe, ni «Wui nyeya, ïïno bëëdö na bäre bäre! Kär cwïnyï wëëk pärö ki køør acaara marï, ni ba wëëgï täärnyïmï niduk.

Daniel 5:8

Kanyøgø jic nyeya bëët moa wïthge leer gena öö, 'ba kär løny jïge ki man kwaange gïna näk ogöörö jï nyeya, wala ki man caange tier gïna cääne kipere.

Daniel 6:21

Ni dwøgi ya Danielli jï nyeya, ni «Wui nyeya, ïïno bëëdö na bäre bäre!

Daniel 6:6

Kanyøgø kwääri moøgø ki dïbwöthe, gena ö baŋ nyeya ni rege ege kuurö na dhøk ni köge, ni «Wui nyeya ma Dariöc, ïïno bëëdö na bäre bäre!

Daniel 6:7

Kwääri bëët mo akwöm nyec man, ki jø kööre, ki dïbwöthe, ki jø ŋøl luup, ki jøøa en løøe ceŋge, dhøkge akuurge na aciel kiper nee ï na nyeya niï kännï wøk ki ciik mo di cemø mo kïtha bäät tïïc, ni manøgø beeye ni ŋato lämö ki jwøk mør yïth nïne moø ni pïëradäk ni en nyïm yøø, wala lama dhaanhø mør ni paa ïïni, ï na nyeya en, eni wär put leeŋ yi buur ŋuuwe.

Mathiew 21:9

Ni ö jiyi moa bwödhö nyïme ki moa cäädhö cään, ni rëëtge, ni «Odhaana! Pwøc en jï Nyikwaar Deebit. Gwïëth en ri ŋat ööi en ki nyeŋ Wuuö Jwøk! Pwøc en jï Jwøk!»

1 Camiel 10:24

'Ba Camiel aköö jï jiy bëët, «Neennu, ŋata jier Wuuö Jwøki beeye en. Ka adïëri møn, bäŋ dhaanhø mør mo caala eni røk jø Icriel bëët.» Kanyøgønø, jiy bëët aput kwöŋŋö ni yïthge met ni köge, «Cøøl puta bëëtö na nyeya marwa møn!»