Daniel 2:37 - Wëël Jwøk

³⁷ Wui ï na nyeya en, beeye ïïni na nyeny nyeye. Jwø maal käädö mar nyec, ki teek, ki thwønh, ka ajiem acïbe jïrï,

Daniel 2:37 Iomraidhean Croise

1 Nyeye 4:24

'Ba Cølöman jïre da teek bäät jiy bëët ki nyeye moge, ki mana täge ki bäät Naam Upareeti päänya cwøl ni Tipca, këël mana këët päänya cwøl ni Geedha; ni eni bëëdö ki bëët-mëër ki mïëri moa en deŋŋe bëët.

2 Nyeye 25:28

Ni cääne ki luubö mo beer ki gø, ni tïïc wälu mare ni pöödha eni ki mo nyeye møga moa bëëdö ki eni Babiløn.

2 Luup Nyeye 36:23

ni «Man beeye dwør Kiröc nyeny Parca, ena köö, «ni ‹Wuuö Jwøk, Jwø maal, mïëri moa en bäät piny bëët anø cïbe jïra, ni nø tïïc aani nee eni gëënna ki øtø yi Jerucalem na en Juuda. 'Ba ennø, ŋat ma dhaanh Wuuö Jwøk mo ena dïïu kaagø, beerra man ö Wuuö Jwøki Jwøk mare ni bëëde ki eni, ni ö eni ni ci Jerucalem.› »

Edhera 1:2

ni «Man beeye dwør Kiröc nyeny Parca, ena köö, ni ‹Wuuö Jwøk, Jwø maal, mïëri moa en bäät piny bëët anø cïbe jïra, ni nø tïïc aani nee eni gëënna ki øtø yi Jerucalem, na en Juuda.

Edhera 7:12

ni «A na nyeya ma Arthëkcic, a na wïth nyeye bëët, a göönna baŋï, ï na dïlämi ma Edhera, ï na dïpööy mar ciik Jwø maal; bëëdï ki bëët-mëër ma kare.

Pwöc Leec Wïc 8:15

Nyeye mïëri wø käärge ka køøra, ni ö kwääri ni kälge ciik wøk moa näk adïëri.

Aydheea 10:8

Kiper ena köö, na «?Aŋø, kwääc lwaae mo leny 'moa, paa nyeye bëët?

Aydheea 47:5

«Wui, ï na Babiløn na caal nyakøø, pï piny ni niïkïïl, ni ciï yi muudhö, kiper ï ba cwøl këët ni ïïna cuumi mar buc nyeye.

Jeremaya 28:14

Kiper luumma caan Wuuö Jwøki, Jwø Icriel, eni na wïth jammi bëët, beeye en: Aani, gïr puur ma nywïënyö man wø twöö ŋut yaa nø twöö ŋut wïth juurre moøgø bëët nee bëëtge ni ge ena tier Nabukedenecör nyeny Babiløn, ni tïnyge eni. Këël lääc paap yaa nø cïp jïre.› »

Jeremaya 34:1

'Ba kanya bëët Nabukedenecörri nyeny Babiløn ki jø leny moe, ki jø leny mo käla tiet akwöm mo nyeye bëët mo bäät piny, ni beege wïth juurre bëët moa näk ee dïïmö, ni ge këëdö ki Jerucalem ki mïëri moa en deŋŋe, dwør Wuuö Jwøk aö bäät Jeremaya,

Edhikiel 26:7

«Kiper man beeye luumma caan Kwäärö Wuuö Jwøki, ena köö, ni ‹Aani, Nabukedenecör nyeny Babiløn na näk nyeny nyeye, käla kälö ki wï-piny, ni käädö ko okwëënyi, ki jïëth okwëëc leny, ki jø wø këëdi ki bäät okwëënyi, ki jø leny mo thööth nee öge kuna raanyge Tayar.

Daniel 1:2

'Ba Kwäärö Wuuö Jwøk Jeyöakëm nyeny Juuda acïp cer Nabukedenecör ki jap Øt Jwøk møøk, ni ö Nabukedenecörri ni kïth geni yi ŋööm Cinaar yi øt jwøe, ni kïth jap Øt Jwøk kar kän yi øt jwøe.

Daniel 2:31

«Wui ï na nyeya en, ïïna räŋŋö ni neenï gïn mo dwøŋ mo otïïö na kït dhaanhø, ni beeye gïn mo päl, mo mïërö mare thääŋa ec, ni beeye gïn mo cuŋŋö nyïmï, ni kany wø neeni, lwär di kälö.

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Daniel 4:19

Kanyøgø Daniel, ni wø nyeŋŋe cwøl ni Belthacacör, amak apïte ki kany mo bäär mëëth, ni bëëde ni cwïnye pärö ki køør acaara mare. Ni luup nyeya ni kööe, ni «Belthacacör, lääk manøgø ki tier gïna cääne kipere, kär cwïnyï døøcge mo pärö.» Ni dwøgi ya Belthacacörri ni kööe, ni «Wui nyeya, doo beerra eni ki mana di lääki cäänö kiper jøøa män ki ïïni, ni tier gïna cään lääki kipere doo na poot cäänö kaper nyïïmän moï.

Daniel 4:22

wui nyeya, jaath manøgø beeye ïïni. Kiper ïïna bëëdö ni karï dwøŋ, ni bëëdï niï teek, ni ö dööŋ karri marï ni døøŋŋe ni pïïe maal, ni ö pinynyi bäre ni en cerï.

Daniel 4:25

ki man näk miï riema wøk ki dï jiy, ni tïm kar bëëtö marï ni ena dï lääc paap, ni tïmï niï cama luum kaamar dhieŋ, ni bëët dëërï ni thec ki thööy ki cwiiri abïriiø, këël kanyo ŋäyï gø ki man näk mo Jwøa Dwøŋ ni en Maal jïre da teek bäät akwöm nyec mo jiy, ni løny ki man cïp gø jï ŋato manynye jaak.

Daniel 4:3

A teeŋ dööŋö mo nyïëdi na døøŋ nyuuthe moe ki gø! Naa teeŋ dööŋö mo nyïëdi mar gïïa tïïe na näk rëëma ec! Buc nyec mare beeye bura mo bëëdö na bäre bäre; ni teek mare këëta yïth beenhnhe bëët.

Daniel 4:32

ni riem ïïni wøk ki dï jiy, ni tïm kar bëëtö marï ni ena dï lääc paap. Ïïni, ïïno cämö ki luum kaamar dhieŋ ki cwiiri abïriiø, këël kanyo ŋäyï gø ki man näk mo Jwøa Dwøŋ ni en Maal jïre da teek bäät akwöp nyec mo jiy, ni løny ki man cïp gø jï ŋato manynye jaak.»

Daniel 4:34

'Ba kanya thum cwiiri moøgø na abïriiø yøø, a na Nabukedenecör, nyeŋŋa ataa maal, ni ö acaara mara ni put duu baŋa, ni ö Jwøa dwøŋŋi ni en maal ni puta gø pwøc, ni wøøra eni, ni jiema eni, eni ni wø bëëdö na bäre bäre. Teek mare bëëdö na bäre bäre, ni buc nyec mare këëta yïth beenhnhe bëët,

Daniel 5:18

«Wui nyeya, Jwøa Dwøŋ ni en Maal wäru ma Nabukedenecör amooe ki teek nyec, ki dööŋ kar, ka ajiem, ki wödö.

Daniel 7:14

Ni cïp teek jïre ka ajiem ki nyec kiper nee wïth jiy bëët ki wïth juurre, ki wïth dhøgi bëët tïmge ni tïnynya eni. Teek mare mar käär jiy beeye teek mo bëëdö na bäre bäre, mo bäŋ cuŋŋe, ni buc nyec mare ba ränynyi.

Odheea 8:10

'Ba këël na bëëtge ni dëëtge ege gath wøk dï wïth juurre, aani, ge cäŋa ka cooŋ kanya ciel, ni ö geni ni putge gïï mo leth jwør cer nyeya mana teek.

Mathiew 6:13

Kär wa bwøth kany mo wa di päänynyö yie, 'ba piem wa cer ŋata raac.›

Jøøn 19:11

Ni løgi ya Jecu jïre, ni «Jïrï doo bäŋ teek bääta, onää kär wëëk ïïni ki maal. Kiper manøgønø, ŋata cïp aani jïrï, dwøŋŋa ajälle ki marï.»

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»

Mana Nyooth 4:11

ni «Ïïno rømø ka ajiem, ki wödö, ki teek, ï na Kwääywa ni nägï Jwøk marwa. Kiper beeye ïïni na cwääc jammi bëët, ni beeye ki køør mana manynyï na cwääï geni ni bëëtge ni ge nut ii.»

Mana Nyooth 5:12

mo köö ki dwøl mo päl, ni «Røma Nyidiel na 'näk, ki man wëëk teek eni, ki kwär, ki leec wïc, ki dööŋ-kar, ki wödö, ka ajiem, ki pwøc.»