Daniel 2:27 - Wëël Jwøk

²⁷ Ni løgi ya Danielli jï nyeya ni kööe, ni «Gïnögø ni tiere okanø enø, gïna pëënynyï, ï na nyeya, ba løny jï jøøa wïthge leer, ki jøøa nyeŋge reegø, ka ajuuk, ki jø adïëda ki man caange tier gø jïrï, ï na nyeya en.

Daniel 2:27 Iomraidhean Croise

Wïlöölö 40:8

Køøre gena köö jïre, «Waana lägö ki lääk, ni bäŋ dhaanhø mo caan tiet lääk jïwa.» Ni kö Jocepi jïge, «?Aŋø, løk lääk ba doo käla baŋ Jwøk? Beerra man parru läägu jïra.»

Wïlöölö 41:8

'Ba na tïme na aruunnø, lääk moi wï Peerø akierge døc. Køøre ena jäägö ni cwøl jiye moa nyeŋge reegø bëët mo Ijep ka ajuuk bëët, ni par lääk moe jïge. 'Ba bäŋ ŋat moo løny jïre ki man caan tier gø jï Peerø.

Aydheea 19:3

Kanyøgønø jø Ijep cwïnyge obëëdö no opädhö, ni ö jammi moa näk ege cïp piny na dige tïïö, ni tïïa ge ni bäŋ tietge. 'Ba geno ci baŋ kït gïï wø lam moge, ki baŋ jwïëc jøøa no othøw, kuna pëënyge geni kiper køny, ni cige baŋ jøøa näk rege da juu mo cøøra jwïëc jøøa no othøw nee ge mooc ka acaara.

Aydheea 44:25

Jø wø ŋwöö kiper ŋïïce moge, tiet ŋïïce moge tïïa tïïö ni bäŋ karge, ni ö adïëda mar jø wø dëëdö ki jap nyïm ni tïme na jap bøølø, ni tïïa jøøa nyeŋge reegø nee wïthge rege nootge, ni tïïa kwänynyö marge na bøølø.

Jeremaya 10:7

?Wui, ï na nyeny wïth juurre bëët, aŋa ni ba lwäyi ki ïïni? Ka adïëri møn, ïïno rømø ki man lwäär ïïni! Kiper ki røk jiy bëët moa wïthge leer dï wïth juurre, këël ki moa en dï mïëri moge bëët moa døøŋŋø, bäŋ dhaanhø aciel mo caal ïïni.

Daniel 1:20

'Ba jöör leec wïc bäre ki jöör ŋäc tiet luup moa ö nyeya na pëëny geni ki ge bëët, ajoode na ajuuk ki jø wø nyeŋge reegø ni wø pëënynye yi po nyec mare bäre ege kaalø kwöre apaar.

Daniel 2:2

Køøre nyeya acïpö ki dwøl na ajuuk, ki jøøa nyeŋge reegø, ki jø wø thöödhö ki war, ka ajuuk mo jø Kaldia cwøl ki man caange tier lääk mar nyeya jïre. 'Ba kanya öge na cuŋge nyïm nyeya,

Daniel 4:7

Køøre ajuuk, ki jøøa nyeŋge reegø, ka ajuuk mo jø Kaldia, ki jø adïëda, gena öö, ni lama lääk jïge; 'ba kär løny jïge ki man caange tier lääk jïra.