Daniel 2:23 - Wëël Jwøk

²³ Wui, ï na Jwø kwäya, a duua met ec jïrï ki pwøc, kiper aana mooyï ki leec wïc ki teek, ni ennø, aana tïïyï ki man ŋääa tier gïna pëënywa ïïni ki gø, kiper waana tïïyï ki man ŋäcwa tier lääk mar nyeya.»

Daniel 2:23 Iomraidhean Croise

Wïlöölö 18:17

Ni kö Wuuö Jwøki, na «?Aŋø, gïno tïïa en daa mooŋø ki Eeberam?

Wïlöölö 31:42

A onää Jwø kwara ma Eeberam, na näk Jwø wø lwär wära ma Aydhak ki gø, ba en buuta, caana gø naa diï wëëk wääth ki ceŋŋa jaak møn. 'Ba Jwøk can mara ki öölö mar tïïc mana tïïa ajoode, ni beeye na jook ïïni yawïtïni enø.»

1 Nyeye 18:36

'Ba kanya tïme na yi caan wø cïp olämi yie mar abøøya, nyikuŋ Jwøk ma Ilaaja anyänh buut gïn wø cïp olämme bääte, ni läme ni kööe, «Wui, Wuuö Jwøk, Jwø Eeberam ki Aydhak ki Icriel, dïcäŋi beerra man ö jiyi ni ŋäcge ïïni ni ïïna Jwøk Icriel, ni ŋäcge gø ni aana dhaanhnhï, ni gïï bëët ii tïïa ka køør dwørï.

1 Nyeye 8:57

'Ba ennø, beerra man ö Wuuö Jwøki, Jwøk marø, ni bëëde ki øøni, kaawat mana bëëde ki kwäyø; ni ba wec øøni ni ba kwier øøni.

1 Luup Nyeye 29:10

Køøre Deebit Wuuö Jwøk aput pwøc nyïm jiy ya acooŋa, ni kööe, ni «Wui Wuuö Jwøk, Jwø kwarwa ma Icriel, pwøc en jïrï na bäre bäre.

1 Luup Nyeye 29:13

'Ba ennø, ï na Jwøwa, wa dwøga met ec jïrï, ni wa pwøya nyeŋŋï na näk nyeŋ ajiem.

2 Luup Nyeye 20:6

ni kööe, ni «Wui Wuuö Jwøk, Jwø kwäcwa, ?aŋø, ï patha Jwø wø en maal bäre? ?Patha ï wø käär bure bëët mo wïth juurre? Dööŋ kar ki teek ena cerï, ni bäŋ dhaanhø mo cuŋŋö nyïmï.

Bwøth Wøk 3:15

Ni cäŋ Jwøki köö jï Modhe, ni «Wär caanï jï jø Icriel, ni ‹Wuuö Jwøk na näk Jwø kwäyu, na näk Jwø Eeberam ki Aydhak ki Jeekap, bee eni na jääŋ aani baŋu.› Wuuö Jwøk, na näk tiere beeye ‹Aani ni nut en› beeye nyeŋŋa na bäre bäre, na nyeŋ man wø ö jiyi wø parge wïthge ki aani ki gø këël yïth beenhnhe bëët.

Pwöc Leec Wïc 21:22

Dhaanhø mo wïïe leer wø päära yi pääny jøøa teek, ni tøk kwöra teek ni wø ŋääthge.

Pwöc Leec Wïc 24:5

Dhaanhø mo wïïe leer wø bëëdö ni teek, ni dhaanhø mo wïïe da kwänynyö, teek mare wø di meedø;

Pwöc Leec Wïc 8:14

Pwöc moa beyø ki leec wïc mana näk kare beege 'moa, ni ŋäc tiet luup ki teek ena baŋa.

Luup Dïpööy 7:19

Leec wïc cïpö ki teek jï ŋat mo wïïe leer ni kaala teek mar cuumme apaar mo ena yi pääny.

Luup Dïpööy 9:16

Køøre aana köö, ni «Beerra leec wïc ni kaala teek mar dhaanhø.» 'Ba leec wïc mar ŋata can ataak ni luup moe kär leŋø.

Luup Dïpööy 9:18

Leec wïc beerra eni ni kaala jap leny. 'Ba ŋat raay aciel keere gïï mo beyø døc di raanynyø.

Aydheea 12:1

'Ba dïcäŋeca ŋati man nø dïïu oköö, «Wui ï na Wuuö Jwøk, nyeŋŋï pwøa pwøø; kiper wëër marï apaanyï bääta, ni cømï cwïnya, këël na bëëdï ni ïïno wëër ki aani.

Jeremaya 33:3

ni ‹Cwøl aani, løøa løø jïrï, ni cara gïï mo døøŋŋø jïrï mo tietge ba løny joot jïrï, mo kuyï.›

Daniel 1:17

'Ba wøpe moø na aŋween yøø, gena mooc Jwøki ki kwänynyö, ni tiet luup kwänynyö bëët moa no ogöör piny cøøa wïthge. Ni ö Danielli ni tïme ni løny jïre ki man ŋäc tiet jammi bëët mo wø nyooth ki yi wïc ki yïth lääk.

Daniel 2:18

kiper nee met yi Jwø maal pëënyge kiper gïnögø ni tiere okanø enø, nee eni na Daniel ki nyïïawäätge nee ba 'näk na aciel ki jø Babiløn moa nyeŋge reegø moøgø.

Amøc 3:7

Kiper Wuuö Jwøk bäŋ gïn mo tïïe jaak ni gïna näk ee cooŋø ki cwïnye käre caanø jï laaŋe na näk nyïïkuk moe.

Mathiew 11:25

Kanyøgø Jecu aköö, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar.

Luk 10:21

'Ba yi caannøca, Jecu yie amïnnö ki ri Jwïëc Jwøk na en kur keere, ni kööe, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar. Kiper beeye mana manynyï ki met yiï, Awuuö.

Jøøn 11:41

Kanyøgø kïdi adaakge. Ni ö Jecu ni lwïthe maal ni kööe, «Awuuö, a duua met ec jïrï kiper na wïnynyï mara.

Jøøn 15:15

U ba cwøla ni uuna laaŋe këët. Kiper laŋŋø gïn wø tïïc kwääye kuue. 'Ba uuna cwøla ni uuna nyïïawääta, kiper jammi bëët moa wïnynya baŋ Wära anyoodha jïïu.

Mana Nyooth 1:1

Wëëlö man caana luup gïna nyooth Jecu Krictø, na wëëk Jwøki eni, nee gïïo laar tägö nee nyoodhe jï laage. Ni nyoodhe ka dhi nyïïatwiel maal mare na jääŋŋe baŋ laŋŋe ma Jøøn,

Mana Nyooth 5:5

Kanyøgø dhaanhø aciel røk jaae aköö jïra, ni «Kärï jwöŋö. Ŋuur tuuŋ Juuda na løth ri Deebit, nyïïmänne adïïme. Løny jïre ki man jap wëëlö ki möönne karge bïriet.»