Daniel 2:22 - Wëël Jwøk

²² Bee eni ni wø nyooth tiet gïï mo ena piny mo okanø; bee eni ni wø ŋäc gïï mo ena yi muudhö, ni tar bëëdö ka eni.

Daniel 2:22 Iomraidhean Croise

Wïlöölö 41:16

Ni løgi ya Jocepi jï Peerø, ni «Manøgøøni ba en jïra; 'ba beeye Jwøk noo løk gøøni na kare jï Peerø.»

Jööp 12:22

Eni, gïïa näk tietge okan piny yi muudhö wø wëëge nëënne, ni wëëk tar ööny bäät muudhö mo cøl døc.

Jööp 26:6

Kar bëët jwïëc jøøa no othøw, na näk kar ränynyö, kär kanø ki nyïm Jwøk, ni bäŋ gïn uum gø ki man ba nëëne jïre.

Luup Dïpööy 8:1

?Aŋø, aŋa ni rööm ŋati ni wïïe leer en? ?Aŋø, aŋa ni ŋäc jammi bëët ki man pät tietge? Leec wïc täärnyïm dhaanhø døøye mo leer, ni wiila cøl nyïm.

Aydheea 41:22

Kälu juu mou mo wø lammu, nee gïïo tägi yi nyïm caange jïwa, caannu gïïa no opöödhö, nee tietge kwanywa, nee wa cätwa kiperge na aŋuunge ŋäcwa, wala caannu gïïo tägi yi nyïm jïwa.

Aydheea 41:26

?Aŋa na cäänö kiper gïn ki mana täge dïkwøŋ, kiper nee ŋäcwa, wala caana gø ki mana täge ya acääŋŋe, nee wa köwa, ni ‹Mare beeye adïëri›? Ka adïëri møn, bäŋ ŋat mo ocaan gø, ni bäŋ ŋat mo okøp gø wala ŋat mo owïny luup mou.

Aydheea 42:9

Ka adïëri møn, jammi moa caana dïkwøŋ anø tägö; 'ba ennø, u cäänna cäännö ki jammi møøk mo nyärö. 'Ba kanyo pootge ni kär tägö, caana caanø jïïu.»

Aydheea 45:7

Bee a na tïïc tar na tïïc muudhö, ni bee a ni wø känni ki bëëtö mo beer, ni wø wëëk bëëtö mo raac tägö, bee aani na Wuuö Jwøk ni wø tïïc gïïögø bëët.

Jeremaya 23:24

?Aŋø, løny jï dhaanhø ki man kan ree kwör mo kuc, nee eni ba jooda, a na Wuuö Jwøk? ?Aŋø, a na Wuuö Jwøk, maal ki piny patha yaa pääŋö bäre?

Jeremaya 33:3

ni ‹Cwøl aani, løøa løø jïrï, ni cara gïï mo døøŋŋø jïrï mo tietge ba løny joot jïrï, mo kuyï.›

Daniel 2:11

Ni gïnögø na pëëny nyeya enø beeye gïn mo teek døc, ni bäŋ ŋat mo løny jïre ki man caan gø jï nyeya, ni näk mo paa juu ni wø näk kar bëëtö marge ba en dï jiy.»

Daniel 2:19

Kanyøgø gïnö ni tiere okanø enø aput nyooth jï Daniel ki wäär yïth lääk. Køøre Daniel Jwø maal aput pwøc,

Daniel 2:47

Ni kööe jï Daniel, ni «Ka adïëri møn, Jwøï beeye wïth juu, ni beeye kwääc nyeye ni wø nyooth gïï mo tietge okanø, kiper mana lønye jïrï ki mana nyoothï tier gïn no okanø en.»

Daniel 5:11

Da dhaanhø yi po nyec marï mo jwïëc juu mo ena kur keerge ena bääte. Ki yïth nïne moa beet wäru, ŋatøgø ajoot na ŋat mo kwel wïc, ki leec ŋeth, ki leec wïc mo caala leec wïc mar juu ena bääte, ni ö nyeya ma Nabukedenecör ni beeye wäru, wäru ma nyeya, ni røøny gø na kwäärö bäät ajuuk, ki jøøa nyeŋge reegø, ka ajuuk mo jø Kaldia, ki jø adïëda.

Daniel 5:14

Ennø, gïrï awïnynya ki man näk mo jwïëc juu ena bäätï, ni ö kwel wïci, ki leec ŋeth, ki leec wïc mo opöödhö ni joodi baŋï.

Mathiew 13:13

Ni beeye tiere en na cääna ki ge ki luup mo keda leere; kiper ge nëënö, 'ba bäŋ gïn jootge; ni ge wïnyö, 'ba bäŋ gïn ci cwïnyge; ni tier luummögø ba kwanyge.

Jøøn 1:9

'Ba taya näk adïëri na cïpö ki tar jï jiy bëët, beeye eni na ö piny.

Jøøn 21:17

Ni cäŋ köö ri dääge, «?Cayman o Jøøn, ï mëër ki aani?» Kanyøgø Piter cwïnye apädhö kiper na pëënynyi ya Jecu kwöre adäk, ni «?Ï mëër ki aani?» ni kööe jïgø, ni «Kwäärö, kawaane jammi bëët ŋäyï. Ni ŋäyï ki man näk maa mëër ki ïïni.» Ni kö Jecu jïre, «Piith dïëga.

Jøøn 8:12

Ni ö Jecu ni cäŋ cäännö ki geni ni kööe, ni «Aana tac piny. Ŋat wø cäädhi køøra, ba cäädhi yi muudhö këët, 'ba beeye tac kwøw noo joode.»

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

Epeca 3:5

gïna näk kär kwøŋ wëëk ŋäc jï jiy yïth beenhnhe moa cääŋŋe, keda mana nyoodhi ennø jï nyïïatwiete na en kur keerge ki nyïïkuk Jwøk ki køør Jwïëc Jwøk.

Tiet Ciik 29:28

Ni ö Wuuö Jwøki ni cööt ge wøk ki yi ŋöömö marge ni eno gootø døc, ni cwïnye da wëër mo ba thiinh, ni riem geni yi ŋöömö mørø, kaawat man bëëde dïcäŋi en.›

1 Timöthi 6:16

eni keere ni wø bëëdö ni ba thøw, ni wø bëëdö yi tayo näk bäŋ ŋat ci buute, eni na näk bäŋ ŋat mo oneen gø, na ba doo maara neen. Ajiem en jïre ki rööny na bäre bäre. Enøgønø.

Ibaru 4:13

'Ba bäŋ gïn mo okanø røk moa no ocwääö bëët, 'ba jammi bëët ena wøgø, ni nëënö jï Jwøk jaak, eni noo cuŋŋø nyïme.

Jeemeth 1:17

'Ba muuce bëët moa näk othur karge wø ööi ki maal ni öge piny ki baŋ Wuuö na näk wää tarri ni wø ba dak, ni ba caal tïpö ni wø dääŋi.

1 Jøøn 1:5

'Ba man en beeye dwøl mana wïnywa baŋe ni køpwa jïïu en, ni Jwøk beeye tar, ni bäŋ kany mo cøl cwïnye bäre bäre.