Daniel 2:12 - Wëël Jwøk

¹² 'Ba kiper luummögø, nyeya aput wëër døc ni cwïnye okëënynyö, ni put cïpö ki dwøl nee jø Babiløn bëët moa nyeŋge reegø ni wø caan tiet lääk 'näk.

Daniel 2:12 Iomraidhean Croise

Jööp 5:2

Kiper keec cwïny, dhaanhø mo wïïe ba leer nääe nääö, ni ö gootø ni 'näk dhaanhø ma acaaye thiinh.

Pwöc Leec Wïc 16:14

Wëër mar nyeya caala thøø mo ööa bäät dhaanhø, 'ba dhaanhø mo wïïe leer, cwïny nyeya wø dwøge piny.

Pwöc Leec Wïc 19:12

Wëër mar nyeya caala man wø wëër ŋuuwi, 'ba met ec mare caala man wø ö thööyi ni wø øc tiet beel.

Pwöc Leec Wïc 20:2

Lwär man wø ööi ki køør wëër mar nyeya caala lwär man wø ööi ki køør wëëc ŋuu, ni ŋat wø raany cwïny nyeya nyääga jwïëye keere.

Pwöc Leec Wïc 29:22

Ŋat wëëye pïëm wø di tääö, ni ö ŋat wø laar wëër ni bac gïï mo thööth.

Daniel 2:24

Kanyøgø Daniel aput ci baŋ Aryök, ŋata kwany nyeya ki man 'näk jø Babiløn moa nyeŋge reegø; ena cøø ni caan gïn en jïgø, ni «Kär jø Babiløn moa nyeŋge reegø 'nägï! Lwør aani ni kïthï aani nyïm nyeya, køøre aani tier lääk mare caana caanø.»

Daniel 2:5

Køøre aput nyeya dwøgø jï ajuuk mo jø Kaldia ni kööe, ni «Man beeye mana nø ŋøla ni yaa tïïö ni teek: Ni näk mo lääk mara ba caannu jïra ki tier gïna cääne kipere, uuni, u di ŋørø na bulli, ni ö uudi mou ni nyaay piny ni tïï na wïthur.

Daniel 3:13

Kanyøgø Nabukedenecör dwøl aput cïp, ni eno wëër ni cwïnye okëënynyö, ki man øøm Cidarak, ki Micak, ka Abedenagø; køøre jøøgø akïth nyïme, eni na nyeya.

Daniel 3:19

Kanyøgø Nabukedenecör wëër aput kadhø cwïnye, ni ö täärnyïme ni put ree wiil ni cøl ki Cidarak, ki Micak, ka Abedenagø. Ni cïpe ki dwøl nee maac rup døc ni wärri, nee lïëth mare pöödhe ki kwöre abïriiø ni kaala lïëth man wø bëëde.

Daniel 5:19

'Ba kiper dööŋ kar mana cïbe jï gø, wïth jiy bëët, ki wïth juurre bëët, ki teeŋ wïth dhøgi bëët, gena bëëdö ni ge lwäär ni dëëtge kwanynyi nyïme. Ni ŋata manynye nee nääe, nääe nääö, ni ŋata manynye nee bëëde ni kwøw, wiie wiiø, ni ŋata manynye nee cuume, cuume cuumö, ni ŋata manynye nee dwøk piny, dwøge piny.

Mathiew 2:16

'Ba kanya nø jooti Eerati ni eno cøøk jøøa kwaan ceer, wïïe ree anoode ki wëër, ni jääge ki jiy, ni ö obwöc cwøw bëët moa en Bethelem ki mïëya en deŋ paanøgø bëët ni nääi, ni beege obwöre moa näk cwiicge oriewi, ki moa käl køørge, ni cwiiri moøgø kwaane ka køør mana wïnynye dhøk jø wø kwaan ceer kanya pëëny ge.

Mathiew 5:22

'Ba aani, a caana gø jïïu, ni ŋat wø gooti ki coki, eni di pëënynyö kar løøk; ni ŋat wäro jaany coki, eni pëëny kwääc løøe pëënynyö; ni ŋat wäro köö, ni ‹Ïïna bøøl,› eni cøøa yi maac kar ajäla.