Daniel 2:11 - Wëël Jwøk

¹¹ Ni gïnögø na pëëny nyeya enø beeye gïn mo teek døc, ni bäŋ ŋat mo løny jïre ki man caan gø jï nyeya, ni näk mo paa juu ni wø näk kar bëëtö marge ba en dï jiy.»

Daniel 2:11 Iomraidhean Croise

Wïlöölö 41:39

Køøre Peerø aköö jï Jocep, «Kaa mana ö Jwøki na nyuunh gïïögø bëët ïïni, bäŋ dhaanhø mør këët mo wïïe leer mo kaala ïïni.

Wïlöölö 41:8

'Ba na tïme na aruunnø, lääk moi wï Peerø akierge døc. Køøre ena jäägö ni cwøl jiye moa nyeŋge reegø bëët mo Ijep ka ajuuk bëët, ni par lääk moe jïge. 'Ba bäŋ ŋat moo løny jïre ki man caan tier gø jï Peerø.

1 Nyeye 8:27

«?Aŋø, Jwøk bëëdö bäät piny møn? Ka adïëri møn, ï na Jwøk, maal këël maal kuya kunece, ï ba røm yie. ?A øtø man ni yaa geerø en, ïïno rømï yie nidïï?

2 Luup Nyeye 6:18

«?Aŋø, Jwøk bëëdö ki jiy bäät piny møn? Ka adïëri møn, ï na Jwøk, maal këël maal kuya kunece ï ba røm yie. ?A øtø man ni yaa geerø en, ïïno rømï yie nidïï?

Bwøth Wøk 29:45

Kanyøgø nø, aano bëëdö dï jø Icriel, ni puta bëëtö ni aana Jwøk marge.

Bwøth Wøk 8:19

Køøre ajuuk aköö jï Peerø, ni «Gïnögø beeye gïn mo tïïya Jwøki.» 'Ba cwïny Peerø poot bëëdö ni teek ni kweere ki man wïny mana caan Modhe ka Aran, kaawat mana kwøŋi ya Wuuö Jwøki caan jï Modhe.

Aydheea 47:12

«'Ba ennø, put bëëtö niï poot tïïya tïïe mo wø tïïyï ki thïëth marï, ki jap ajuuk moï na thööth, na bëëdï niï tïïya ge ki mana kälï thïnhö; kanymør niï köö ni duunnö riï, ni kanymør jiy tïïyï tïïö nee lwäcge.

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Aydheea 8:18

Raŋï, Wuuö Jwøk, eni na wïth jammi bëët ni wø bëëdö bäät Kïn Dhayan, aani ko obwöre moa cïbe jïra, wa ee cïbö na ŋïïce na nyuuthe kiper jø Icriel.

Daniel 4:4

A na Nabukedenecör en, kanya bëëda naa ena yo owinyø mara ni yia met jaak, ni aano dhøøŋ paan dwøŋ mara,

Daniel 5:11

Da dhaanhø yi po nyec marï mo jwïëc juu mo ena kur keerge ena bääte. Ki yïth nïne moa beet wäru, ŋatøgø ajoot na ŋat mo kwel wïc, ki leec ŋeth, ki leec wïc mo caala leec wïc mar juu ena bääte, ni ö nyeya ma Nabukedenecör ni beeye wäru, wäru ma nyeya, ni røøny gø na kwäärö bäät ajuuk, ki jøøa nyeŋge reegø, ka ajuuk mo jø Kaldia, ki jø adïëda.

Jool 3:21

Aani kwör ajäl remø marge mana näk kära kwøŋ cool, coola coolø. Kiper beeye aani na Wuuö Jwøk ni wø bëëdö Dhayan.»

Kwään Jiy 35:34

Kär nou raanynya ŋöömö mano bëëdu yie, ni beeye kanyo bëëda yie thuwø; kiper a na Wuuö Jwøk a wø bëëdö dï jø Icriel.»

Mathiew 19:26

'Ba jïge aneen Jecu, ni kööe jïge, ni «Ki jï jiy, gïnögø ba maar lønyø. 'Ba ki jï Jwøk jammi bëët løny.»

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Jøøn 14:17

na näk beeye Jwïëc Jwøk ni wø nyooth adïëri, na näk jø piny ba doo maara jïëy ki gøøni. Kiper eni ba neen jø pinynyi, ni kucge gøøni. 'Ba uuni, eni ŋäyu kiper eni bëëdö ka uuni, ni eno bëëdö cwïnynyu.

Jøøn 14:23

Ni løgi ya Jecu jïre, ni «Ni näk mo dhaanhø mëër ki aani, luumma gwøe gwøø, ni ö Wära ni mëëye ki gø, ni öwa baŋe ni bëëtwa ki eni na aciel.

2 Körin 6:16

?Wala Øt Jwøk ojïëe ki gïï wø lam nidïï? Kiper øøna øtø mar Jwøa kwøw, kaawat mana caan Jwøki, ni «Aano bëëdö ki geni ni cäädha dïge, ni tïma ni aana Jwøk marge, ni tïmge na jiya.»

Mana Nyooth 21:3

Ni wïnynya dwøl mør mo päl mo ööi ki bäät wälu, ni kööe, ni «Kar bëët Jwøk atïmö ni bëëdö ka jiy. Eno bëëdö ki geni ni tïmge na jiye. 'Ba Jwøk ki dëëre obëëdö ki geni,